ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦିଆଗଲା ସାଇପ୍ରସର ସର୍ବୋଚ୍ଚ ନାଗରିକ ସମ୍ମାନ। 'ଗ୍ରାଣ୍ଡ କ୍ରସ୍ ଅଫ୍ ଦି ଅର୍ଡର ଅଫ୍ ମାକାରିଓସ୍ III'ରେ ସମ୍ମାନିତ ପିଏମ୍‌ ମୋଦୀ। ସାଇପ୍ରସର ରାଷ୍ଟ୍ରପତି ନିକୋସ୍ କ୍ରିଷ୍ଟୋଡୋଲିଡ୍ସ ପ୍ରଧାନମନ୍ତ୍ରୀ ମୋଦିଙ୍କୁ ସମ୍ମାନିତ କରିଛନ୍ତି। ଏହି ପୁରସ୍କାର ସାଇପ୍ରସର ପ୍ରଥମ ରାଷ୍ଟ୍ରପତି ଆର୍ଚବିଶପ୍ ମାକାରିଓସ୍ IIIଙ୍କ ନାମରେ ନାମିତ ହୋଇଛି। ପ୍ରଧାନମନ୍ତ୍ରୀ ମୋଦି ଏହି ସମ୍ମାନକୁ ୧୪୦ କୋଟି ଭାରତୀୟଙ୍କୁ ଉତ୍ସର୍ଗ କରିଛନ୍ତି। କହିଛନ୍ତି ଯେ ଏହା ଭାରତ-ସାଇପ୍ରସର ବିଶ୍ୱସ୍ତ ବନ୍ଧୁତା ପାଇଁ ଏକ ସମ୍ମାନ। 

ସୋମବାର ପୁରସ୍କାର ଗ୍ରହଣ କରିବା ପରେ ପ୍ରଧାନମନ୍ତ୍ରୀ କହିଛନ୍ତି ଯେ ‘ମୁଁ ସାଇପ୍ରସର 'ଗ୍ରାଣ୍ଡ କ୍ରସ୍ ଅଫ୍ ଦି ଅର୍ଡର ଅଫ୍ ମାକାରିଓସ୍ III' ସମ୍ମାନ ପାଇ ବହୁତ ଖୁସି। ମୁଁ ଏହାକୁ ଆମ ଦେଶ ମଧ୍ୟରେ ବନ୍ଧୁତା ପାଇଁ ଉତ୍ସର୍ଗ କରୁଛି। ମୋର ବିଶ୍ୱାସ ଯେ ଆଗାମୀ ସମୟରେ, ଆମର ସହଭାଗୀତା ନୂତନ ଶିଖର ଛୁଇଁବ। ଆମେ ଏକାଠି ଉଭୟ ଦେଶର ପ୍ରଗତିକୁ ମଜବୁତ କରିବୁ ନାହିଁ ବରଂ ଏକ ଶାନ୍ତିପୂର୍ଣ୍ଣ ଏବଂ ସୁରକ୍ଷିତ ବିଶ୍ୱ ସୃଷ୍ଟିରେ ମଧ୍ୟ ଯୋଗଦାନ ଦେବୁ।

ବୈଦେଶିକ ମନ୍ତ୍ରଣାଳୟ 'X'ରେ ଲେଖିଛି, 'ରାଷ୍ଟ୍ରପତି କ୍ରିଷ୍ଟୋଡୋଲାଇଡ୍ସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାଇପ୍ରସ 'ଗ୍ରାଣ୍ଡ କ୍ରସ୍ ଅଫ୍ ଦି ଅର୍ଡର ଅଫ୍ ମାକାରିଓସ୍ III' ପ୍ରଦାନ କରିଛନ୍ତି। ଏହି ପୁରସ୍କାର ଭାରତ-ସାଇପ୍ରସ ମଧ୍ୟରେ ସ୍ଥାୟୀ ଦ୍ୱିପାକ୍ଷିକ ସହଭାଗୀତା ଏବଂ ଶାନ୍ତି, ପ୍ରଗତି ଏବଂ ସମୃଦ୍ଧି ସହ ଏକାଠି କାମ କରିବାର ସମାନ ପ୍ରତିବଦ୍ଧତାକୁ ପ୍ରତିଫଳିତ କରେ।'

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କର ତିନି ରାଷ୍ଟ୍ର ଗସ୍ତର ପ୍ରଥମ ପର୍ଯ୍ୟାୟରେ ସାଇପ୍ରସରେ ଅଛନ୍ତି। ସେ ସାଇପ୍ରସରୁ କାନାଡା ଯିବେ ଏବଂ G7 ଶିଖର ସମ୍ମିଳନୀରେ ଯୋଗଦେବେ। ଏହା ପରେ ସେ କ୍ରୋଏସିଆ ଗସ୍ତ କରିବେ।