ବାରିପଦା ୨୯।୦୫ : ବାରିପଦା ବିଜୟ ସଂକଳ୍ପ ସମାବେଶରେ ଯୋଗଦେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଜନସଭାକୁ ସମ୍ବୋଧନ କରିଲେ ମୋଦି । ପ୍ରଥମ ଓଡିଆରେ ଅଭିଭାଷଣ ଆରମ୍ଭ କରି କହିଛନ୍ତି ଯେ, ଓଡିଶାରେ ଥାଇ ମୋତେ ଅତ୍ୟନ୍ତ ଖୁସି ଲାଗୁଛି । ଆଜି ଓଡିଶାରେ ପ୍ରଚାରରେ ମୋର ଶେଷ ଦିନ ।
ଏହି ସଭାରେ ଆହୁରି ମଧ୍ୟ କହିଛନ୍ତି ଯେ, ଆଗାମୀ ନିର୍ବାଚନରେ ବିଜେପି ପ୍ରାର୍ଥୀଙ୍କୁ ବିପୁଳ ମାତ୍ରାରେ ଭୋଟ ଦେଇ ଜୟଯୁକ୍ତ କରନ୍ତୁ । ତାପରେ ଦେଖିବେ ରାଜ୍ୟରେ କିପରି ବିକାଶ ହେବ । ରାଜ୍ୟରେ ଡବଲ ଇଞ୍ଜିନ ସରକାର ହେବ । ବିଜେଡିର ୨୫ ବର୍ଷ ଶାସନରେ ଫୁଲ୍ଷ୍ଟପ୍ ଲଗାଇବାକୁ ପ୍ରସ୍ତୁତ ହେଉଛି ଓଡିଶା । ଜୁନ୍ ୧୦ରେ ବିଜେପିର ଓଡିଶା ମୁଖ୍ୟମନ୍ତ୍ରୀ ଶପଥ ନେବେ । ଆଜି ସାରା ଓଡିଶା କହୁଛି- ଓଡିଶାର ମୁଖ୍ୟମନ୍ତ୍ରୀ ଓଡିଆ ହେବେ ।
ସେହିପରି ଦେଶରେ ତୃତୀୟ ଥର ପାଇଁ ମଜବୁତ୍ ମୋଦି ସରକାର ବନିବା ଏକପ୍ରକାର ନିଶ୍ଚିତ । ପୂର୍ଣ୍ଣ ବହୁମତ ସରକାର ପାଇଁ ଦେଶ ନିର୍ଣ୍ଣୟ କରିନେଇଛି । ମୋଦି ଆଜି ୮୦ କୋଟି ଲୋକଙ୍କୁ ମାଗଣା ରାସନ ମିଳିବ । ଆସନ୍ତ ୫ ବର୍ଷ ପର୍ଯ୍ୟନ୍ତ ଲୋକଙ୍କୁ ଏମିତି ମାଗଣା ରାସନ ମିଳିବ । ୫ବର୍ଷ ଭାରତର ବିକାଶ ପାଇଁ ଅଦ୍ଭୂତପୂର୍ବ ଉପଲବ୍ଧି ଦେବ । ଭାରତ ବିଶ୍ୱର ତୃତୀୟ ବୃହତ ଅର୍ଥଶକ୍ତି ହେବାକୁ ଯାଉଛି । ସାରା ବିଶ୍ୱ ଦେଖିବା ଭାରତର ଚମକ ।
