ନୂଆଦିଲ୍ଲୀ: ବ୍ରିଟିସ ଭାରତ ଛାଡ଼ିଯିବା ପରେ ପାକିସ୍ତାନ ସେମାନଙ୍କ ଠାରୁ ଯେଉଁ ଭେଦଭାବ ଗୁଣ ଶିଖିଥିଲା ତାହା ଏବେ ସେ ଭାରତ ବିରୋଧରେ ପ୍ରୟୋଗ କରୁଛି। ଭାରତରେ ଧାର୍ମିୀୟ ଭାବନାକୁ ଉସ୍କାଇବାକୁ ପାକିସ୍ତାନ ବର୍ତ୍ତମାନ ବଡ଼ ଧରଣର ଦୁସ୍ପ୍ରଚାର ଅଭିଯାନ ଚଳାଇଛି। ଭାରତୀୟ ସଶସ୍ତ୍ର ବାହିନୀ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି କରିବା ଏବଂ ସାମ୍ପ୍ରଦାୟିକ ବିଦ୍ୱେଷ ବୁଣିବା ପାଇଁ ବିଶେଷକରି ଶିଖ ସୈନିକମାନଙ୍କୁ ଟାର୍ଗେଟ କରିବାକୁ ପାକିସ୍ତାନ ଏହି ଘୃଣ୍ୟ ଏଜେଣ୍ଡା ଚଳାଇଥିବା ଖୁଲାସା ହୋଇଛି।
୨୪ ଏପ୍ରିଲରେ ଭାରତ ପାକିସ୍ତାନ ବିରୁଦ୍ଧରେ କୂଟନୈତିକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପରଠାରୁ, ଶତାଧିକ ପାକିସ୍ତାନୀ ସୋସିଆଲ ମିଡିଆ ଆକାଉଣ୍ଟ ଭାରତୀୟ ସେନା ଭିତରେ ବିଷୟରେ ମନଗଢ଼ା କାହାଣୀ ପ୍ରଚାର କରୁଛନ୍ତି। ଏହି ମିଛ ପ୍ରଚାରର ସଦ୍ୟତମ ଉଦାହରଣ ହେଲା ଭାରତ ସରକାରଙ୍କ ବିରୁଦ୍ଧରେ ଶିଖ ସୈନିକଙ୍କ ବିଦ୍ରୋହ ଘୋଷଣା କରିଥିବା ମିଛ ଖବର ପ୍ରଚାର କରିଛି ପାକିସ୍ତାନ। ମିଛକୁ ସତ ବୋଲି ଦର୍ଶାଇବା ପାଇଁ ପାକିସ୍ତାନ ପୁରୁଣା ଭିଡିଓଗୁଡ଼ିକୁ ଏଆଇ ସାହାଯ୍ୟରେ ଏଡିଟ୍ କରି ସୋସିଆଲ୍ ମିଡିଆରେ ଛାଡ଼ି ଦୁସ୍ପ୍ରଚାର କରୁଛି। ଏଭଳି ଶତାଧିକ ମିଛ ଭିଡିଓ ଭାଇରାଲ୍ ହେଉଛି।
ପଢନ୍ତୁ- ଭାରତର ପ୍ରତିରକ୍ଷା ୱେବ୍ସାଇଟ୍କୁ ହ୍ୟାକ୍ କଲା ପାକିସ୍ତାନ: ଗୁରୁତ୍ୱପୂର୍ଣ୍ଣ ତଥ୍ୟ ଚୋରି ଅଭିଯୋଗ
ଏପରି ଏକ ଭାଇରାଲ ଦାବିରେ ଭାରତୀୟ ସାମରିକ ଗୁଇନ୍ଦା ସଂସ୍ଥାର ରିପୋର୍ଟ ଲିକ୍ ହୋଇଥିବା କଥା କୁହାଯାଇଛି। ଏଥିରେ ଯେଉଁଥିରେ ସମ୍ବେଦନଶୀଳ କାର୍ଯ୍ୟରେ ଶିଖ କର୍ମଚାରୀଙ୍କ ନିୟୋଜିତ ହେବା ବିଷୟରେ ସତର୍କ କରାଯାଇଛି ବୋଲି ପାକିସ୍ତାନ ମିଛ ରିପୋର୍ଟ ଦେଇଖାଇ ଭାରତରେ ସେନା ଭିତରେ ଫାଟ ସୃଷ୍ଟି କରିବାକୁ ଚେଷ୍ଟା ଚଳାଇଛି। ଏହି ଭାଇରାଲ୍ ପୋଷ୍ଟରେ ପାକିସ୍ତାନ କହିଛି "ଏହା ହେଉଛି ଭାରତୀୟ ସେନାର ପ୍ରକୃତ ଅବସ୍ଥା। ଯେତେବେଳେ ଏହାର ସୈନିକମାନେ ସାଥୀ ସାଥୀମାନଙ୍କୁ ସନ୍ଦେହ କରିବେ, ସେତେବେଳେ ଏମାନେ କିପରି ଯୁଦ୍ଧ ଲଢ଼ିବ?"
ସେହିପରି ପାକିସ୍ତାନ ଅନ୍ୟ ଏକ ମିଛ ଖବର ପ୍ରଚାର କରି ‘ଇଣ୍ଡିଆ ଆଜ ତକ୍; ନାମକ ଏକ ମିଛ ଗଣମାଧ୍ୟମରେ ଭାରତୀୟ ସେନା ମଧ୍ୟରେ ଲଢ଼େଇ ହୋଇଥିବା କହିଛି। ଏଥିରେ କୁହାଯାଇଛି ଆଉ 'ଆଭ୍ୟନ୍ତରୀଣ ସଂଘର୍ଷରେ ପାଞ୍ଚ ଜଣ ସୈନିକଙ୍କ ମୃତ୍ୟୁ ହୋଇଛି, ଉଚ୍ଚପଦସ୍ଥ ଶିଖ୍ ଅଧିକାରୀଙ୍କୁ ଗିରଫ କରାଯାଇଛି। ଯାହା ସମ୍ପୂର୍ଣ୍ଣ ମିଛ। ସବୁଠାରୁ ବଡ଼ କଥା ହେଲା ପାକିସ୍ତାନରେ ଏହି ଦୁସପ୍ରଚାରର ସହଯୋଗ କରୁଛିନ୍ତି ଖଲିସ୍ତାନୀ ନେତା।
ପଢନ୍ତୁ- ପାକିସ୍ତାନ ଉପରେ ଆର୍ଥିକ ଆକ୍ରମଣ: ପଡ଼ୋଶୀର ପାଣ୍ଠି କାଟ୍ କରିବାକୁ ଏସୀୟ ବିକାଶ ବ୍ୟାଙ୍କ ପାଖରେ ଫେରାଦ ହେଲା ଭାରତ
ଏକାଧିକ ଖଲିସ୍ତାନୀ ସୋସିଆଲ୍ ମିଡିଆ ଆକାଉଣ୍ଟରେ ପାକିସ୍ତାନ ମିଥ୍ୟ ଦାବିକୁ ପ୍ରଚାର ପ୍ରସାର କରାଯାଇ ଭାରତରେ ଧାର୍ମିକ ଅଶାନ୍ତି ସୃଷ୍ଟି କରିବାକୁ ଚେଷ୍ଟା କରାଯାଉଥିବା ଦେଖିବାକୁ ମିଳିଛି। ପାକିସ୍ତାନ ଏହି ମିଛ ଖବର ପାଇଁ ଏଆଇର ସହଯୋଗ ନେଉଚି। କେବଳ ସେତିକି ନୁହେଁ, ଏଭଳି ମିଛ ଖବରଗୁଡ଼ିକୁ ପାକିସ୍ତାନୀ ଗଣମାଧ୍ୟମ ମଧ୍ୟ କଭର କରୁଛନ୍ତି। ପାକିସ୍ତାନୀ ମିଡିଆ ସମା ଟିଭି ଏବଂ ଦୁନିଆ ନ୍ୟୁଜ୍ ଟିଭି ଭଳି ନ୍ୟୁଜ୍ ପୋର୍ଟାଲ୍ ଏଭଳି ମିଥ୍ୟା ରିପୋର୍ଟ ଛାପୁଛନ୍ତି।
