ନୂଆଦିଲ୍ଲୀ ୩୦/୦୪: ୨୨ ଏପ୍ରିଲ, ଜମ୍ମୁ-କାଶ୍ମୀରର ପହଲଗାମର ଆଟାକ୍ ସାରା ବିଶ୍ୱରେ ହଇଚଇ ସୃଷ୍ଟି କରିଛି। ଖାସ୍ କରି ଭାରତ-ପାକିସ୍ତାନ ବିବାଦକୁ ନେଇ ଜାତିସଂଘର ଚିନ୍ତା । ପହଲଗାମ ଆକ୍ରମଣକୁ ନେଇ ଦୁଇ ଦେଶ ମଧ୍ୟରେ ଉପୁଜିଥିବା ବିବାଦରେ ହସ୍ତକ୍ଷେପ କରିଛି ୟୁଏନ୍ । ଘଟଣାକୁ ନେଇ ଚିନ୍ତାପ୍ରକଟ କରିଛନ୍ତି ଜାତିସଂଘର ସେକ୍ରେଟାରି ଜେନେରାଲ ଆଣ୍ଟୋନିଓ ଗୁଟେରେସ୍ । ସକାଳେ ଏ ସମ୍ପର୍କରେ ଦୁଇ ଦେଶର ନେତାଙ୍କ ସହ କଥା ହୋଇଛନ୍ତି ଆଣ୍ଟୋନିଓ ଗୁଟେରେସ୍ । 

Received a call from @UN SG @antonioguterres.

Appreciate his unequivocal condemnation of the terrorist attack in Pahalgam. Agreed on the importance of accountability.

India is resolved that the perpetrators, planners and backers of this attack are brought to justice.

— Dr. S. Jaishankar (@DrSJaishankar) April 29, 2025

ପାକିସ୍ତାନ ପ୍ରଧାନମନ୍ତ୍ରୀ ସେହେବାଜ ସରିଫ୍ ଏବଂ ଭାରତର ବୈଦେଶିକ ବ୍ୟାପର ମନ୍ତ୍ରୀ ଏସ୍ ଜୟଶଙ୍କରଙ୍କ ସହ ସେ ଫୋନ୍ ଯୋଗେ ଅଲଗା ଅଲଗା କଥା ହୋଇଛନ୍ତି । ଏନେଇ ଜାତିସଂଘ ପକ୍ଷରୁ ନ୍ୟୁୟର୍କରେ ସୂଚନା ଦିଆଯାଇଛି । ଗତ ଏପ୍ରିଲ ୨୨ରେ ହୋଇଥିବା ଜମ୍ମୁ କାଶ୍ମୀରର ପହଲଗାମ ଆତଙ୍କୀ ଆକ୍ରମଣକୁ କଡ଼ା ନିନ୍ଦା କରିବା ସହ ନ୍ୟାୟିକ ପ୍ରକ୍ରିୟାରେ ନ୍ୟାୟ ପ୍ରଦାନ କରିବାକୁ ପରାମର୍ଶ ଦେଇଛନ୍ତି ଜାତିସଂଘ ମହାସଚିବ । ପରସ୍ପର ମୁହାଁମୁହିଁ ହେବାଠୁ ଦୂରେଇ ନରହିଲେ ସ୍ଥିତି ଜଟିଳ ହୋଇପାରେ ବୋଲି କହିଛନ୍ତି ଗୁଟେରେସ୍ ।

In separate phone calls with @CMShehbaz Prime Minister of #Pakistan and Subrahmanyam Jaishankar, Minister for External Affairs of #India, Secretary-General, António Guterres, offered his Good Offices to support de-escalation efforts.

Full readout: https://t.co/nJfK6qbOfo

— UN Spokesperson (@UN_Spokesperson) April 29, 2025

ସେପଟେ ପହଲଗାମ ବର୍ବରକାଣ୍ଡ ନେଇ ଆଜି ବସୁଛି ବଡ଼ ବୈଠକ । ଦିନ ୧୧ଟାରେ ସୁରକ୍ଷା ସମ୍ପର୍କିତ କେନ୍ଦ୍ର କ୍ୟାବିନେଟ୍ ବୈଠକ ବସିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସୁଥିବା ବୈଠକରେ କିଛି ବଡ଼ ନିଷ୍ପତ୍ତି ନିଆଯାଇପାରେ । ଏହା ସହ ଆଉ ଦୁଇଟି ବଡ଼ ବୈଠକ ହେବ । ସିସିପିଏ ଓ କ୍ୟାବିନେଟ୍ ବୈଠକ ମଧ୍ୟ ଆଜି ହେବ । ଏହା ପୂର୍ବରୁ ଗତକାଲି ମୋଦୀଙ୍କ ବାସଭବନରେ ବସିଥିବା ବୈଠକରେ ସେନାକୁ ପୂର୍ଣ୍ଣ ସ୍ବାଧୀନତା ଦେଇଛନ୍ତି ପ୍ରଧାନମନ୍ତ୍ରୀ । 

ଆକ୍ରମଣ ପାଇଁ ସମୟ, ଟାର୍ଗେଟ, ଶୈଳୀ ସ୍ଥିର କରିବାକୁ ନିର୍ଦ୍ଦେଶ ଦେଇଛନ୍ତି । ପ୍ରତିରକ୍ଷା ମନ୍ତ୍ରୀ, ଏନ୍‌ଏସ୍‌ଏ, ସିଡିଏସ୍‌ ଓ ତିନି ସେନାମୁଖ୍ୟଙ୍କ ସହ ମୋଦୀ ଓ ଶାହାଙ୍କ ଗୁରୁତ୍ବପୂର୍ଣ୍ଣ ବୈଠକରେ ଏନେଇ ନିଷ୍ପତ୍ତି ହୋଇଛି । ଜମ୍ମୁ-କାଶ୍ମୀରର ପହଲଗାମରେ ଆତଙ୍କବାଦୀ ଆକ୍ରମଣ ପରେ ଆକ୍ସନ୍‌ ମୋଡ୍‌ରେ ଅଛନ୍ତି କେନ୍ଦ୍ର ସରକାର ।