ନୂଆଦିଲ୍ଲୀ: ରବିବାର ଶପଥ, ସୋମବାର ଦାୟିତ୍ବ ଗ୍ରହଣ । ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଦାୟିତ୍ବ ସମ୍ଭଳିଛନ୍ତି ନରେନ୍ଦ୍ର ମୋଦି । ଏହା ସହିତ ପ୍ରଥମ ଦିନରେ ଚାଷୀଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିଛନ୍ତି । ଚାଷ ଓ ଚାଷୀଙ୍କୁ ନେଇ ପିଏମ୍ ମୋଦି ବଡ଼ ନିଷ୍ପତ୍ତି ନେଇଛନ୍ତି । ପ୍ରଧାନମନ୍ତ୍ରୀ ସୋମବାର କାର୍ଯ୍ୟଭାର ସମ୍ଭାଳିବା ସହିତ କିଷାନ ସମ୍ମାନ ନିଧି ଯୋଜନାର କିସ୍ତି ଜାରି କରିବା ଫାଇଲ୍ ଉପରେ ହସ୍ତାକ୍ଷର କରିଛନ୍ତି ।
ପିଏମ ମୋଦି ପ୍ରଧାନମନ୍ତ୍ରୀ କିଷାନ ନିଧି ଯୋଜନାର ୧୭ତମ କିସ୍ତି ଜାରି କରିବା ଫାଇଲ୍ ଉପରେ ହସ୍ତାକ୍ଷର କରିଛନ୍ତି । ଖରିଫ୍ ଚାଷ ପୂର୍ବରୁ ପ୍ରାୟ ୯.୩ କୋଟି ଚାଷୀଙ୍କ ବ୍ୟାଙ୍କ ଆକାଉଣ୍ଟକୁ ୨୦ ହଜାର କୋଟି ଟଙ୍କା ସିବିଟି ମାଧ୍ୟମରେ ପ୍ରଦାନ କରାଯିବ ।
