ନୂଆଦିଲ୍ଲୀ ୧୭।୦୮; ନିଜ ଦେଶ ଉପରେ ମିଆଁମାର ସେନାର ଏୟାର ଷ୍ଟ୍ରାଇକ । ଦକ୍ଷିଣ-ପୂର୍ବ ଏସୀୟ ଦେଶର ମୋଗୋକ ସହରରେ ଜଣେ ଗର୍ଭବତୀ ମହିଳା, ଏକ ସଶସ୍ତ୍ର ଗୋଷ୍ଠୀ, ସ୍ଥାନୀୟ ବାସିନ୍ଦା ଏବଂ ମିଆଁମାରର ଅନଲାଇନ୍ ଗଣମାଧ୍ୟମ ସମେତ ଅତି କମରେ ୨୧ ଜଣଙ୍କର ମୃତ୍ୟୁ ହୋଇଛି। ପୂର୍ବରୁ ମଧ୍ୟ ଭୟଙ୍କର ସାମରିକ ବିମାନ ଆକ୍ରମଣ ହୋଇଛି। ଯାହା ପ୍ରାୟତଃ ସାଧାରଣ ନାଗରିକଙ୍କ ମୃତ୍ୟୁ ଘଟାଇଛି। ଫେବୃଆରୀ ୨୦୨୧ରେ ସେନା କ୍ଷମତା ଦଖଲ କରିବା ପରେ ଆରମ୍ଭ ହୋଇଥିବା ଗୃହଯୁଦ୍ଧ ମଧ୍ୟରେ ପ୍ରତିରୋଧ ଗୋଷ୍ଠୀଙ୍କ ଠାରୁ ଅଞ୍ଚଳକୁ ପୁନର୍ବାର ନେବା ପାଇଁ ଯାହା ତୀବ୍ର ହୋଇଛି।

ତଙ୍ଗ ନ୍ୟାସନାଲ ଲିବରେସନ ଆର୍ମି (TNLA) ମୁଖପାତ୍ର କହିଛନ୍ତି ଯେ ଦେଶର ଦ୍ୱିତୀୟ ବୃହତ୍ତମ ସହର ମାଣ୍ଡାଲେରୁ ପ୍ରାୟ ୧୧୫ କିଲୋମିଟର ଉତ୍ତର-ପୂର୍ବରେ ମୋଗୋକ ଟାଉନସିପର ଶ୍ୱେଗୁ ୱାର୍ଡ ଗୁରୁବାର ରାତି ୮.୩୦ ରେ ଆକ୍ରମଣ ହୋଇଥିଲା। TNLA ହେଉଛି ଚୀନ ସୀମା ନିକଟରେ ସେନା ବିରୁଦ୍ଧରେ ଲଢ଼ୁଥିବା ଶକ୍ତିଶାଳୀ ଜାତିଗତ ମିଲିସିଆ ମଧ୍ୟରୁ ଗୋଟିଏ। ପ୍ରାୟ ୨୧ ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଛି, ଅନ୍ୟ ସାତ ଜଣ ଆହତ ହୋଇଛନ୍ତି। ଘର ଏବଂ ବୌଦ୍ଧ ମଠ କୋଠା ମଧ୍ୟ କ୍ଷତିଗ୍ରସ୍ତ ହୋଇଛି। ଉପର ମାଣ୍ଡାଲେ ଅଞ୍ଚଳର ଏକ ରୁବି ଖଣି କେନ୍ଦ୍ର ମୋଗୋକକୁ ଜୁଲାଇ 2024 ରେ TNLA ଦ୍ୱାରା କବଜା କରାଯାଇଥିଲା।

 TNLA ହେଉଛି ଜାତିଗତ ମିଲିସିଆର ଏକ ମେଣ୍ଟର ସଦସ୍ୟ ଯେଉଁମାନେ ୨୦୨୩ ଶେଷ ଭାଗରେ ଆରମ୍ଭ ହୋଇଥିବା ଏକ ଆକ୍ରମଣରେ ଉତ୍ତର-ପୂର୍ବ ମିଲିଆରର ଏକ ବଡ଼ ଅଂଶର ନିୟନ୍ତ୍ରଣ ହାସଲ କରିଥିଲେ। ଶୁକ୍ରବାର ରାତିରେ ଏହି ଗୋଷ୍ଠୀ ତାର ଟେଲିଗ୍ରାମ ସୋସିଆଲ ମିଡିଆ ଚ୍ୟାନେଲରେ ପ୍ରକାଶିତ ଏକ ବିବୃତ୍ତିରେ କହିଛି ଯେ ମୋଗୋକର ଶ୍ୱେଗୁ ୱାର୍ଡରେ ଏକ ବୌଦ୍ଧ ମଠକୁ ଟାର୍ଗେଟ କରି ହୋଇଥିବା ବିମାନ ଆକ୍ରମଣରେ ମୃତକଙ୍କ ମଧ୍ୟରେ ୧୬ ଜଣ ମହିଳା ଅଛନ୍ତି। ଏଥିରେ କୁହାଯାଇଛି ଯେ ଏକ ଜେଟ୍ ଫାଇଟର ବୋମା ପକାଇବା ଫଳରେ ୧୫ ଘର ମଧ୍ୟ କ୍ଷତିଗ୍ରସ୍ତ ହୋଇଛି।

ମୃତ୍ୟୁ ସଂଖ୍ୟା ଅଧିକ

ମୋଗୋକର ଦୁଇଜଣ ବାସିନ୍ଦା ଶନିବାର କହିଛନ୍ତି ଯେ ମୃତ୍ୟୁ ସଂଖ୍ୟା ପ୍ରାୟ ୩୦ରେ ପହଞ୍ଚିଛି। ହେଲେ ମୃତାହତଙ୍କ ସଠିକ୍ ସଂଖ୍ୟା ସ୍ୱାଧୀନ ଭାବରେ ନିଶ୍ଚିତ କରାଯାଇ ପାରିନାହିଁ। ସେନା ଦ୍ୱାରା ଗିରଫ ହେବାର ଭୟରେ ନାମ ଗୋପନ ରଖିଥିବା ବାସିନ୍ଦା କହିଛନ୍ତି ଯେ ମୃତ୍ୟୁ ସଂଖ୍ୟା ଅଧିକ। ମିଆଁମାର ନାଉ ଏବଂ ଡେମୋକ୍ରାଟିକ୍ ଭଏସ୍ ଅଫ୍ ବର୍ମା ସମେତ ସ୍ୱାଧୀନ ଅନଲାଇନ୍ ଗଣମାଧ୍ୟମ ବିମାନ ଆକ୍ରମଣ ପରେ ଭଗ୍ନାବଶେଷର ଫଟୋ ଏବଂ ଭିଡିଓ ଜାରି କରିଛି। ସେନା ମୋଗୋକ ଘଟଣା ଉପରେ କୌଣସି ମନ୍ତବ୍ୟ ଦେଇନାହିଁ।