ନୂଆଦିଲ୍ଲୀ ୦୮।୦୫: ସକାଳୁ ଉଠିବା ପରେ ଶରୀର ଭାରୀ ଲାଗୁଛି କିମ୍ବା ଯନ୍ତ୍ରଣା ଅନୁଭବ କରୁଛନ୍ତି । ଯଦି ହଁ, ତେବେ ଏହାକୁ ଆଦୌ ଅଣଦେଖା କରନ୍ତୁନି । ଅନେକ ଲୋକ ସକାଳର ଶରୀର ଯନ୍ତ୍ରଣାକୁ ଥକ୍କାପଣ, ଭୁଲ ଶୈଳୀରେ ଶୋଇବା କିମ୍ବା ବୟସ ବୃଦ୍ଧିର ଲକ୍ଷଣ ଭାବି ଅଣଦେଖା କରନ୍ତି ।
କିନ୍ତୁ ଏହା ଏକ ଗମ୍ଭୀର ରୋଗ ହୋଇପାରେ । ଯଦି ଏହାକୁ ସମୟରେ ଚିହ୍ନଟ କରାନଯାଏ, ତେବେ ଏକ ବଡ଼ ସମସ୍ୟା ଦେଖାଦେବ । ଆସନ୍ତୁ ଜାଣିବା ସକାଳୁ ଉଠିବା ପରେ ଶରୀର ଯନ୍ତ୍ରଣା ହେଲେ ଏହା କେଉଁ ରୋଗର ଲକ୍ଷଣ ହୋଇପାରେ...
ସକାଳୁ ଶରୀରରେ ଯନ୍ତ୍ରଣା ହେବା ଥାଇରଏଡର କାରଣ ହୋଇପାରେ। ହାଇପୋଥାଇରଏଡିଜମ୍ରେ ମଧ୍ୟ ଶରୀରରେ କଠିନତା ଏବଂ ଯନ୍ତ୍ରଣାର ସମସ୍ୟା ସାଧାରଣ, ବିଶେଷକରି ସକାଳେ । ଥକ୍କାପଣ, ଓଜନ ବୃଦ୍ଧି ଏବଂ ଥଣ୍ଡା ଅନୁଭବ କରିବା ହେଉଛି ଏହାର ଅନ୍ୟାନ୍ୟ ଲକ୍ଷଣ। ଶରୀରରେ ଥାଇରଏଡ୍ ହରମୋନର ଅଭାବ ଯୋଗୁଁ ମେଟାବୋଲିଜିମ୍ ଧୀର ହୋଇଯାଏ । ମାଂସପେଶୀ ଏବଂ ଗଣ୍ଠିରେ ଯନ୍ତ୍ରଣା ହୋଇପାରେ।
ଥାଇରଏଡ୍ ହରମୋନର ଅଭାବ ଶରୀରର ଶକ୍ତି ଉତ୍ପାଦନ ପ୍ରକ୍ରିୟାକୁ ଧୀର କରିଦିଏ, ଯାହା ଫଳରେ ଶରୀର ଭାରୀ ଏବଂ ଯନ୍ତ୍ରଣା ଅନୁଭବ ହୁଏ। ଥାଇରଏଡ୍ ଦୁର୍ବଳ ହେଲେ, ମାଂସପେଶୀରେ ସୂକ୍ଷ୍ମ-ପ୍ରଦାହ ହୋଇପାରେ । ଯାହା ସକାଳେ ଉଠିବା ସମୟରେ ଅଧିକ ଅନୁଭୂତ ହୁଏ। ବିଶେଷକରି ଆଣ୍ଠୁ, କାନ୍ଧ ଏବଂ ବେକରେ କଠିନତା ଏବଂ ଯନ୍ତ୍ରଣା ହୋଇପାରେ । ସାଧାରଣତଃ ଉଠିବା ମାତ୍ରେ ଏହା ଅଧିକ ହୋଇଥାଏ ।
ଶରୀରରେ ଯନ୍ତ୍ରଣା ହେବା ମାତ୍ରେ ଥାଇରଏଡ୍ ପରୀକ୍ଷା କରାନ୍ତୁ । ଡାକ୍ତରଙ୍କ ପରାମର୍ଶ ଅନୁସାରେ ଔଷଧ ଖାଆନ୍ତୁ । ପ୍ରୋଟିନ୍ ଏବଂ ଆୟୋଡିନ୍ ଯୁକ୍ତ ଖାଦ୍ୟ ଗ୍ରହଣ କରନ୍ତୁ। ପ୍ରତିଦିନ ହାଲୁକା ବ୍ୟାୟାମ କରନ୍ତୁ, ବିଶେଷକରି ଷ୍ଟ୍ରେଚିଂ କରନ୍ତୁ।
