କଲେଜ ଛାତ୍ରଛାତ୍ରୀଙ୍କୁ AI ବ୍ୟବହାର ସହିତ ପରିଚିତ କରାଇବା ପାଇଁ ଜିଓର ବ୍ୟାପକ ଅଭିଯାନ, ଗୁଗଲ୍ ଜେମିନି ପ୍ରୋ ମାଧ୍ୟମରେ ସଶକ୍ତ କରୁଛି କମ୍ପାନି

ଭୁବନେଶ୍ୱର: 'ସମସ୍ତଙ୍କ ପାଇଁ ଏଆଇ' ଅଭିଯାନରେ ରିଲାଏନ୍ସ ଜିଓ ସାରା ଓଡ଼ିଶାରେ କଲେଜ ଛାତ୍ରଛାତ୍ରୀମାନଙ୍କୁ ଗୁଗଲ୍ ଜେମିନି ପ୍ରୋ ମାଧ୍ୟମରେ ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ବ୍ୟବହାର ସହିତ ପରିଚିତ କରାଇବା ପାଇଁ ଏକ ବ୍ୟାପକ ଅଭିଯାନ ଆରମ୍ଭ କରିଛି। ଏହି ଅଭିଯାନ ଅଧୀନରେ ଇତିମଧ୍ୟରେ ରାଜ୍ୟବ୍ୟାପୀ ୬୦୦ରୁ ଅଧିକ କଲେଜ ଏବଂ ଉଚ୍ଚଶିକ୍ଷା ପ୍ରତିଷ୍ଠାନରେ ଜିଓ ପକ୍ଷରୁ ସ୍ୱତନ୍ତ୍ର ସେସନ୍ କରାଯାଇଛି।

ଜିଓର ବରିଷ୍ଠ କର୍ମଚାରୀମାନେ ଛାତ୍ରଛାତ୍ରୀଙ୍କୁ ଗୁଗଲର ସବୁଠାରୁ ସକ୍ଷମ ଏଆଇ ସିଷ୍ଟମ ଗୁଗଲ୍ ଜେମିନି ସହିତ ପରିଚିତ କରାଇବା ପାଇଁ ଅଭିନବ ଆଲୋଚନାଭିତ୍ତିକ ସେସନରେ ଭାଗ ନେଇ ଏଆଇ ଜରିଆରେ ଶିକ୍ଷାଗତ ଉତ୍କର୍ଷତା, ବୈଷୟିକ ଦକ୍ଷତା, ସୃଜନଶୀଳତା ଏବଂ ଦକ୍ଷତା ଶିକ୍ଷା ପାଇଁ ବ୍ୟବହାରିକ ପ୍ରୟୋଗ ଉପରେ ଧ୍ୟାନ କେନ୍ଦ୍ରିତ କରିବାରେ ସହାୟତା କରୁଛନ୍ତି।

ଏହି ସେସନ ଗୁଡ଼ିକରେ ଛାତ୍ରଛାତ୍ରୀମାନଙ୍କୁ ଏଆଇ ଜରିଆରେ ନୋଟ୍ ପ୍ରସ୍ତୁତ କରିବା ଏବଂ ଆସାଇନମେଣ୍ଟ ଲେଖିବା, କୋଡିଂ, ପ୍ରୋଜେକ୍ଟ ପରିକଳ୍ପନା, ଡିଜାଇନ୍, ସାକ୍ଷାତକାର ପ୍ରସ୍ତୁତି ଇତ୍ୟାଦି ପାଇଁ ନୋଟବୁକ୍ ଏଲଏମ ଭଳି ଏଆଇ ଟୁଲସ ବ୍ୟବହାର କରି ସେମାନଙ୍କର ବ୍ୟକ୍ତିଗତ ଏବଂ ବୃତ୍ତିଗତ ଅଭିବୃଦ୍ଧି ହାସଲ କରିବା ଉପରେ ଆଲୋକପାତ କରାଯାଇଛି। ଛାତ୍ରଛାତ୍ରୀମାନଙ୍କ ମଧ୍ୟରେ ଜେମିନି ଲାଇଭ୍ ଫିଚର ବେଶ ଲୋକପ୍ରିୟ ହୋଇଛି କାରଣ ଏହା ସେମାନଙ୍କର ପସନ୍ଦର ଭାଷାରେ ସମସ୍ତ ପ୍ରଶ୍ନର ଉତ୍ତର ପ୍ରସ୍ତୁତ କରୁଛି।

ଏହି ମିଶନର ସହାୟତା ପାଇଁ ଗୁଗଲ ଜେମିନି ପ୍ରୋ ପ୍ଲାନ ସମସ୍ତ ସକ୍ରିୟ ଜିଓ ଅନଲିମିଟେଡ଼ ୫ଜି ଉପଭୋକ୍ତାମାନଙ୍କ ପାଇଁ ମାଗଣାରେ ଉପଲବ୍ଧ, ଯାହା ୩୫,୧୦୦ ଟଙ୍କା ମୂଲ୍ୟର ୧୮ ମାସର ସବସ୍କ୍ରିପସନ୍ ମାଗଣାରେ ପ୍ରଦାନ କରୁଛି। ଏହି ପ୍ରିମିୟମ୍ ଏଆଇ ପ୍ଲାନରେ ଅନ୍ତର୍ଭୁକ୍ତ ରହିଛି ସର୍ବାଧୁନିକ ଗୁଗଲ ଜେମିନି ୩ ପ୍ରୋ ମଡେଲ୍, ଏଆଇ ସହାୟତାରେ ଡିଜାଇନ ଚିତ୍ର ସୃଷ୍ଟି ପାଇଁ ନାନୋ ବନାନା ପ୍ରୋ (Nano Banana Pro), ଭିଡିଓ ପ୍ରସ୍ତୁତି ପାଇଁ ଭିଓ ୩.୧ (Veo 3.1), ଶିକ୍ଷାଭିତ୍ତିକ ଗବେଷଣା ପାଇଁ ନୋଟବୁକଏଲଏମ (NotebookLM) ଏବଂ ୨ ଟିବି କ୍ଲାଉଡ୍ ଷ୍ଟୋରେଜ୍ ଭଳି ଉନ୍ନତ ଏଆଇ ଟୁଲସର ବ୍ୟବହାର ସୁଯୋଗ।

ଜିଓ ଅନଲିମିଟେଡ ୫ଜି ଉପଭୋକ୍ତାମାନେ ମାଇଁ ଜିଓ ଆପ୍ ମାଧ୍ୟମରେ ଅତି ସହଜରେ ଏହି ପ୍ଲାନକୁ ସକ୍ରିୟ କରିପାରିବେ, ଯାହା ଶିକ୍ଷା ଏବଂ ସୃଜନଶୀଳତାକୁ ବଢାଇବା ପାଇଁ ପରିବର୍ତ୍ତନକାରୀ ଏଆଇ କ୍ଷମତାଗୁଡ଼ିକର ତୁରନ୍ତ ଆକ୍ସେସ ପ୍ରଦାନ କରିଥାଏ।

ଏହି ପଦକ୍ଷେପ ଡିଜିଟାଲ୍ ଅପସ୍କିଲିଂ ଉପରେ ଜାତୀୟ ଶିକ୍ଷା ନୀତି (ଏନଇପି) ର ପ୍ରାଥମିକତା ଅନୁରୂପ ରହିଛି, ଯାହାଦ୍ୱାରା ଛାତ୍ରଛାତ୍ରୀମାନଙ୍କୁ ଜିଓ ଏଆଇ କ୍ଲାସରୁମ୍ ସେସନ୍ରେ ଅଂଶଗ୍ରହଣ କରି ଜିଓ ଇନଷ୍ଟିଚ୍ୟୁଟରୁ ଦକ୍ଷତା ପ୍ରମାଣପତ୍ର ପାଇପାରିବେ ଏବଂ ସେମାନଙ୍କର ଶିକ୍ଷାଗତ ଓ ବୃତ୍ତିଗତ ଅଭିବୃଦ୍ଧିକୁ ଆଗକୁ ଆଗକୁ ନେଇପାରିବେ। ଏହାର ବ୍ୟାପକ ୫ଜି ନେଟୱାର୍କ ସହିତ ଅତ୍ୟାଧୁନିକ ଏଆଇ ପ୍ରଯୁକ୍ତିବିଦ୍ୟାକୁ ସମ୍ମିଳିତ କରି, ଜିଓ ସମଗ୍ର ଓଡ଼ିଶାରେ ଡିଜିଟାଲ୍ ବୈଷମ୍ୟକୁ ଦୂର କରିବା ଏବଂ ଭବିଷ୍ୟତର ଡିଜିଟାଲ୍ ଅର୍ଥନୀତିରେ ଅର୍ଥପୂର୍ଣ୍ଣ ଯୋଗଦାନ ପାଇଁ ଯୁବପିଢ଼ିଙ୍କୁ ପ୍ରସ୍ତୁତ କରିବା ପାଇଁ ପ୍ରତିବଦ୍ଧ ରହିଛି।

ଏହି ପଦକ୍ଷେପ ଛାତ୍ରଛାତ୍ରୀମାନଙ୍କୁ ଶକ୍ତିଶାଳୀ ଏଆଇ ଟୁଲସ୍ ଏବଂ ବିଶେଷଜ୍ଞଙ୍କ ସହାୟତାରେ ଏଆଇ ବ୍ୟବହାର ସହିତ ପରିଚିତ ହେବାରେ ସହାୟକ ହେଉଛି, ଯାହା ସେମାନଙ୍କୁ ଆତ୍ମବିଶ୍ୱାସର ସହିତ ଏଆଇ-ରେଡି ପ୍ରଫେସନାଲ ହେବା ଦିଗରେ ସଶକ୍ତ କରୁଛି।