୧୭ ବର୍ଷରେ ବାଂଲାଦେଶୀ କ୍ରିକେଟରଙ୍କ ଅଲୋଡା ରେକର୍ଡ, ଫେଲ୍ ମାରିଛନ୍ତି ଦିଗ୍ଗଜ

ନୂଆଦିଲ୍ଲୀ ୦୮/୦୯: କୁହାଯାଏ ସବୁଠୁ ଡିସେଣ୍ଟ ଖେଳ କ୍ରିକେଟ । ପ୍ରତିଦିନ ସୃଷ୍ଟି ହୁଏ ନୁଆ ନୁଆ ରେକର୍ଡ । ୨୪ ବର୍ଷ ପୂର୍ବେ, ୨୦୦୧ ମସିହାରେ, କଲମ୍ବୋର ସିଂହଳୀ ସ୍ପୋର୍ଟସ୍ କ୍ଲବ୍ ଗ୍ରାଉଣ୍ଡରେ ସମାନ ରେକର୍ଡ ସୃଷ୍ଟି ହୋଇଥିଲା । ଯାହା ଏପର୍ଯ୍ୟନ୍ତ ଅତୁଟ । ଏହାପରେ ଏସୀୟ ଟେଷ୍ଟ ଚାମ୍ପିଅନ ସିପ୍ ଅନ୍ତର୍ଗତ ଏହି ଗ୍ରାଉଣ୍ଡରେ ଶ୍ରୀଲଙ୍କା ଏବଂ ବାଂଲାଦେଶ ମଧ୍ୟରେ ଏକ ମ୍ୟାଚ୍ ଖେଳାଯାଇଥିଲା । ଏହା ଦୁଇ ଦେଶ ମଧ୍ୟରେ ଟେଷ୍ଟ କ୍ରିକେଟ୍ ଇତିହାସରେ ପ୍ରଥମ ମ୍ୟାଚ୍ ଥିଲା । ଯାହାକୁ ବାଂଲାଦେଶୀ ବ୍ୟାଟ୍ସମ୍ୟାନ୍ ମହମ୍ମଦ ଅଶରଫୁଲ ଅଧିକ ସ୍ମରଣୀୟ କରିଥିଲେ । 

​​​​​​​
ଡେବ୍ୟୁ ଟେଷ୍ଟ ମ୍ୟାଚ୍‌ରେ ବାଂଲାଦେଶ ପାଇଁ ଦ୍ୱିତୀୟ ଇନିଂସରେ ୧୧୪ ରନ୍ କରିଥିଲେ ମହମ୍ମଦ ଅଶରଫୁଲ । ଯେଉଁଥିରେ ସେ ଖେଳିଥିଲେ ୨୧୨ ବଲ୍‌ । ଏହି ୧୧୪ ଇଂନିସରେ ଥିଲା ୧୬ଟି ଚୌକା । ଏହା ସହିତ, ଅଶରଫୁଲ ଟେଷ୍ଟ କ୍ରିକେଟ୍‌ରେ ଶତକ ହାସଲ କରିଥିବା ସବୁଠାରୁ ଯୁବ ବ୍ୟାଟ୍ସମ୍ୟାନ୍ ବି ଥିଲେ । ରିପୋର୍ଟ ଅନୁଯାୟୀ, ମହମ୍ମଦ ଅଶରଫୁଲ ୧୭ ବର୍ଷ ୬୧ ଦିନ ବୟସରେ ଏହି ଶତକ ହାସଲ କରିଥିଲେ।
ମ୍ୟାଚ୍‌ରେ, ବାଂଲାଦେଶ ଦଳ ପ୍ରଥମ ଇନିଂସରେ ୪୬୫ ରନ୍ ପଛୁଆ ଥିଲା । ତଥାପି ବାଂଲାଦେଶ ସେହି ମ୍ୟାଚ୍‌ରେ ଏକ ଦମଦାର ପରାଜୟରୁ ରକ୍ଷା ପାଇପାରିନଥିଲା । ବାଂଲାଦେଶର ଦ୍ୱିତୀୟ ଇନିଂସ ୩୨୮ରନରେ ସୀମିତ ଥିଲା । ଏକ ଇନିଂସ ଏବଂ ୧୩୭ ରନରେ ପରାଜୟର ସାମ୍ନା କରିବାକୁ ପଡିଥିଲା । ମାରଭାନ ଆଟାପାଟ୍ଟୁ ୨୦୧ରନ ଏବଂ ମାହେଲା ଜୟବର୍ଦ୍ଧନେ ୧୫୦ ରନଙ୍କ ବିସ୍ଫୋରକ ବ୍ୟାଟିଂ ବଳରେ ଶ୍ରୀଲଙ୍କା ୫ ଓ୍ୱିକେଟ ହରାଇ କରିଥିଲା ୫୫୫ ରନ୍ । ଅନ୍ୟପକ୍ଷରେ ବାଂଲାଦେଶ ପ୍ରଥମ ଇନିଂସରେ କେବଳ ୯୦ ରନ କରିପାରିଥିଲା। ମ୍ୟାଚ୍‌ରେ ଦଶ ୱିକେଟ୍ ନେଇଥିବା ମୁଥିଆ ମୁରଲୀଧରନ ଓ ଶତକ ହାସଲକାରୀ ମହମ୍ମଦ ଅଶରଫୁଲଙ୍କୁ ମିଳିତ ଭାବରେ 'ପ୍ଲେୟାର ଅଫ୍ ଦି ମ୍ୟାଚ୍' ଭାବରେ ମନୋନୀତ କରାଯାଇଥିଲା।

ସେତେବେଳେ ଅଶରଫୁଲଙ୍କ ବୟସ ନେଇ ଥିଲା ଦ୍ୱନ୍ଦ୍ୱ । ମହମ୍ମଦଙ୍କ ଶତକ ସେହି ମ୍ୟାଚ୍‌ର ଫଳାଫଳକୁ ପରିବର୍ତ୍ତନ କରିପାରିନଥିଲା । କିନ୍ତୁ ଏହି ଶତକ ସେତେବେଳେ ବାଂଲାଦେଶ ଭଳି ଏକ ନୂତନ ଓ ଦୁର୍ବଳ ଦଳ ପାଇଁ ଏକ ବଡ଼ ସଫଳତାଠାରୁ କମ୍ ନଥିଲା । ଯେତେବେଳେ ଅଶରଫୁଲ ଶତକ କରିଥିଲେ । କିଛି ରିପୋର୍ଟ ଅନୁଯାୟୀ, ଅଶରଫୁଲଙ୍କ ଶତକ ତାଙ୍କ ୧୭ତମ ଜନ୍ମଦିନର ଗୋଟିଏ ଦିନ ପୂର୍ବରୁ ହୋଇଥିଲା । ଅନ୍ୟ ରିପୋର୍ଟ ଅନୁଯାୟୀ, ଏହି ଶତକ ୧୭ ବର୍ଷ ୬୩ ଦିନ ବୟସରେ ଆସିଥିଲା ।

ତଥାପି, ସରକାରୀ ବୟସ ୧୭ ବର୍ଷ ୬୧ ଦିନ ଭାବରେ ରେକର୍ଡ କରାଯାଇଥିଲା । ଯାହାହେଉ, ମହମ୍ମଦ ଅଶରଫୁଲ ପାକିସ୍ତାନର ମୁସ୍ତାକ ମହମ୍ମଦଙ୍କ ଦ୍ୱାରା କରାଯାଇଥିବା ରେକର୍ଡ ଭାଙ୍ଗିଥିଲେ । ମୁସ୍ତାକ ଫେବୃଆରୀ ୧୯୬୧ରେ ଭାରତ ବିପକ୍ଷରେ ଦିଲ୍ଲୀ ଟେଷ୍ଟ ମ୍ୟାଚ୍‌ରେ ୧୭ ବର୍ଷ ୮୨ ଦିନ ବୟସରେ ଶତକ (୧୦୧ ରନ୍) କରିଥିଲେ। ଏହି ମାମଲାରେ ପୂର୍ବତନ ଭାରତୀୟ ଅଧିନାୟକ ସଚିନ ତେନ୍ଦୁଲକର ତୃତୀୟ ସ୍ଥାନରେ ଥିଲେ । ସଚିନ ଅଗଷ୍ଟ ୧୯୯୦ରେ ମାଞ୍ଚେଷ୍ଟରରେ ଇଂଲଣ୍ଡ ବିପକ୍ଷରେ ଭାରତର ଦ୍ୱିତୀୟ ଇନିଂସରେ ଅପରାଜିତ ୧୧୯ ରନ୍ କରିଥିଲେ ।