NGO ନିକଟରୁ ନେଉଥିଲେ ୨୦ହଜାର ଟଙ୍କା ଲାଞ୍ଚ, ଭିଜିଲାନ୍ସ ହାତରେ ଧରାପଡିଗଲେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ

କେନ୍ଦୁଝର ୬।୧୧: ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଲେ କେନ୍ଦୁଝର ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିପ୍ଳବ କେଶରୀ ସାମନ୍ତରାୟ । ଗୋଟିଏ NGO ନିକଟରୁ ଫୋନ୍ ପେ’ ଜରିଆରେ ସେ ୨୦ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଛନ୍ତି l

ଏହାପରେ ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ତାଙ୍କର ୩ଟି ଠିକଣାରେ ଚଢ଼ାଉ କରିଛି ଭିଜିଲାନ୍ସ ବିଭାଗ । ତାଙ୍କର ଭୁବନେଶ୍ଵରରେ ୧୦ଟି ଫ୍ଲଟ୍, ଭୁବନେଶ୍ଵର ରେ ୩ହଜାର ବର୍ଗଫୁଟ୍ ର ଏକ ୩ମହଲା ଘର, ଭୁବନେଶ୍ୱର ମଦନପୁର ଠାରେ ଅନ୍ୟ ଏକ ଘର, ଭୁବନେଶ୍ୱର ମଦନପୁର ଠାରେ ୩ ଏକର ପରିମିତ ଏକ ଫାର୍ମ ହାଉସ୍ ଠାବ ହୋଇଛି । ସେ ବିଭିନ୍ନ କାମ କରାଇବା ପାଇଁ ବିଭିନ୍ନ NGO ଏବଂ ଲୋକଙ୍କ ଠାରୁ ଫୋନ୍ ପେ’ ମାଧ୍ୟମରେ ଲାଞ୍ଚ ନେଇଥିବା ଭିଜିଲାନ୍ସ ବିଭାଗ ଜାଣିବାକୁ ପାଇଛି ।