ଭୁବନେଶ୍ବର ୯।୭: ଭୁବନେଶ୍ବର ମଞ୍ଚେଶ୍ବର ଶ୍ରୀରାମ ନଗର ବସ୍ତିରେ ଘଟିଛି ଅଭାବନୀୟ ଘଟଣା । ଜଣେ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ଭଡ଼ାଘରେ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ନାବାଳିକାଙ୍କ ବୟସ ୧୬ ବର୍ଷ ହେବ ବୋଲି ଜଣାପଡିଛି । ନାବାଳିକା ଜଣଙ୍କ ଦମ୍ପତିଙ୍କ ନିକଟରେ କିଛି ମାସ ଧରି ରହୁଥିଲେ ।
ଦମ୍ପତିଙ୍କ ସୂଚନା ଅନୁସାରେ, ନାବାଳିକା ଜଣଙ୍କ ସୋମବାର ଦିନତମାମ ହସଖୁସିରେ ବୁଲାବୁଲି କରୁଥିଲା । ସନ୍ଧ୍ୟାରେ ରୁମ୍କୁ ଯାଇ ଭିତରପଟୁ କବାଟ କିଳି ଦେଇଥିଲା । ସେ ରୁମ୍ରେ ଶୋଇପଡି଼ଥିବ ବୋଲି ଭାବି କାହାରି ସନ୍ଦେହ ହେଲାନାହିଁ । ରାତି ସାଢ଼େ ୯ଟାରେ ଖାଇବା ପାଇଁ ଦମ୍ପତି ନାବାଳିକାଙ୍କୁ ଡାକିଥିଲେ । କିନ୍ତୁ କବାଟ ନ ଖୋଲିବାରୁ ସେମାନେ ଝରକା ତାଡି଼ ଭିତରକୁ ଦେଖିଥିଲେ । ସେତବେଳକୁ ନାବାଳିକାଟି ଏକ ଶାଢ଼ୀରେ ଝୁଲିପଡି଼ଥିଲେ । ମଞ୍ଚେଶ୍ୱର ଥାନା ପୋଲିସ ଘଟଣାସ୍ଥଳକୁ ଯାଇ ତନାଘନା କରିଛି । ନାବାଳିକାଙ୍କୁ ହତ୍ୟା କରି ଟଙ୍ଗାଯାଇ ଆତ୍ମହତ୍ୟା ରୂପ ଦିଆଯାଇ ଥାଇପାରେ ବୋଲି ପୋଲିସ ସନ୍ଦେହ କରୁଛି । ପୋଲିସ ଉକ୍ତ ରୁମ୍କୁ ସିଲ୍ କରିଦେଇଛି । ମଙ୍ଗଳବାର ସାଇଣ୍ଟିଫିକ୍ ଟିମ୍ ଆସିବା ପରେ ନାବାଳିକାଙ୍କ ମୃତଦେହ ଉଦ୍ଧାର ହେବ ବୋଲି ଜଣାପଡିଛି ।
You Can Read:
ଚୋରା ମଦ ଚାଲାଣ ବେଳେ କାର୍ ସହ ଦେଶୀ ମଦ ବସ୍ତା ଜବତ, ଜଣେ ବେପାରୀ ଗିରଫ
