ଅଜଣା ଗାଡ଼ିର ସିରିଜ୍ ଦୁର୍ଘଟଣା, ଚାଲିଗଲା ୨ ଜୀବନ

କନ୍ଧମାଳ ୦୭।୧୨: କନ୍ଧମାଳ ଖଜୁରୀପଡା ଥାନା ଅନ୍ତର୍ଗତ ସମ୍ବେପଦରଠାରେ ସିରିଜ୍ ଦୁର୍ଘଟଣା । ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଛି । ବିଳମ୍ବିତ ରାତିର ଘଟିଛି ଏହି ଘଟଣା । ଏକ ଅଜଣା ଗାଡି ସିରିଜ୍ ଦୁର୍ଘଟଣା ଘଟାଇ ଫେରାର ହୋଇ ଯାଇଛି। ଏଥିରେ ଦୁଇଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ହୋଇଛନ୍ତି ।

ଖବର ଅନୁଯାୟୀ, ଖଜୁରୀପଡ଼ା ପଟୁ ଫୁଲବାଣୀ ଯାଉଥିବା ଏକ ଗାଡି ଖଜୁରୀପଡ଼ା ରୁ ମାତ୍ର ଦୁଇ କିଲୋମିଟର ଦୂର ସମ୍ବେପଦର ନିକଟରେ ଜଣଙ୍କୁ ଧକ୍କା ଦେଇଥିଲା , ଏହାର ୫ଶହ ମିଟର ବ୍ୟବଧାନରେ ଅନ୍ୟ ଜଣଙ୍କୁ ଧକ୍କା ଦେଇଥିଲା। ଉଭୟଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବାବେଳେ ଗାଡିଟି ଆଉ ଦୁଇ କିଲୋମିଟର ଦୂର ଦୁତୀମେଣ୍ଡି ଠାରେ ଅନ୍ୟ ଦୁଇଜଣଙ୍କୁ ଧକ୍କା ଦେଇ ଫେରାର ହୋଇଯାଇଛି। ଏମାନେ ଗୁରୁତର ଆହତ ହୋଇଛନ୍ତି । ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଦେଖାଦେଇଛି ।