LG Electronics ଭାଙ୍ଗିଲା ସବୁ ରେକର୍ଡ, ସବସ୍କ୍ରାଇବ୍ ହେଲା ୫୪ ଗୁଣ

ନୂଆଦିଲ୍ଲୀ: ଗତ କିଛି ଦିନ ହେଲା ଭାରତୀୟ IPO ବଜାର ବିଶେଷ ଚର୍ଚ୍ଚାରେ ନାହିଁ । ଟ୍ରମ୍ପଙ୍କ ଶୁଳ୍କ ଏବଂ ବିଦେଶୀ ନିବେଶକଙ୍କ ଚାପ ଯୋଗୁଁ ବଜାର  ଅନିଶ୍ଚିତ ଥିଲା । ବିଶ୍ୱ ଉତ୍ତେଜନା ଜାରି ରହିଛି । ତଥାପି, ବିଦେଶୀ ନିବେଶକଙ୍କ ଅଭିମୁଖ୍ୟରେ ପରିବର୍ତ୍ତନ ବଜାର ସେଣ୍ଟିମେଣ୍ଟ ମଧ୍ୟ ବଦଳୁଛି । ଏହାର ଏକ ପ୍ରମୁଖ ଉଦାହରଣ ଥିଲା LG ଇଲେକ୍ଟ୍ରୋନିକ୍ସ ଇଣ୍ଡିଆ ଲିମିଟେଡ୍ IPO । ଆଜି ୧୧,୬୦୭ କୋଟିର IPO ପାଇଁ ସବସ୍କ୍ରିପସନର ଶେଷ ଦିନ ଥିଲା ଏବଂ ନିବେଶକମାନେ ବହୁ ପରିମାଣରେ ନିବେଶ କରିଥିଲେ । ଏହି ନିବେଶ ପାଞ୍ଚ ବର୍ଷର ରେକର୍ଡ ଭାଙ୍ଗିଛି । ୨୦୨୦ ପରେ ନିବେଶକମାନେ ପ୍ରଥମ ଥର ୪.୪ ଲକ୍ଷ କୋଟିରୁ ଅଧିକ ମୂଲ୍ୟର ବିଡ୍ କରିଛନ୍ତି ।

ଏହି ଆଇପିଓରେ ନିବେଶକମାନେ ଆଶାଠାରୁ ବହୁ ନିବେଶ କରିଛନ୍ତି । ଉଦାହରଣ ସ୍ୱରୂପ, ବିକ୍ରୟ ପାଇଁ ପ୍ରସ୍ତାବିତ ଅଂଶଧନ ୫୪.୦୨ ଥର ସବସ୍କ୍ରାଇବ୍ ହୋଇଥିଲା । ସଂସ୍ଥାଗତ ନିବେଶକଙ୍କ ପାଇଁ ସଂରକ୍ଷିତ ଅଂଶ ୧୬୬.୫ ଥର ସବସ୍କ୍ରାଇବ୍ ହୋଇଥିଲା । ଖୁଚୁରା ବର୍ଗ ୩.୫ ଗୁଣ ସବସ୍କ୍ରାଇବ୍ ପାଇଥିଲା ଏବଂ HNI ବର୍ଗ ୨୨.୪୪ ଗୁଣ ସବସ୍କ୍ରାଇବ୍ ପାଇଥିଲା । ଏହି ସବସ୍କ୍ରିପସନ ସହିତ, IPO ୧୦,୦୦୦ କୋଟି ମୂଲ୍ୟର ଇଶ୍ୟୁ ପାଇଁ ସର୍ବାଧିକ ସବସ୍କ୍ରିପସନ ପାଇ ରେକର୍ଡ କରିଛି।

ବଜାଜ ହାଉସିଂର ପୂର୍ବ ରେକର୍ଡ ଭାଙ୍ଗିଛି । ପୂର୍ବରୁ, ବଜାଜ ହାଉସିଂ ଫାଇନାନ୍ସ ସର୍ବାଧିକ ସବସ୍କ୍ରିପସନର ରେକର୍ଡ କରିଥିଲା ।  ୨୦୨୪ ସେପ୍ଟେମ୍ୱରରେ ଏହାର ୬,୫୬୦ କୋଟି ଆଇପିୋ ପାଇଁ ୩.୨୪ ଲକ୍ଷ କୋଟିର ବିଡ୍ ଆସିଥିଲା । ଏହା ପୂର୍ବରୁ, କୋଲ୍ ଇଣ୍ଡିଆର ଆଇପିଓ (୨୦୧୦) ୨.୩୬ ଲକ୍ଷ କୋଟିର ବିଡ୍ ପାଇଥିଲା । ଟାଟା ଟେକ୍ନୋଲୋଜିସ୍ (ନଭେମ୍ବର ୨୦୨୩) ପାଇଁ ୧.୫୬ ଲକ୍ଷ କୋଟି ଟଙ୍କା ଓ ପ୍ରିମିୟର ଏନର୍ଜିଜ୍ (୨୦୨୪) ପାଇଁ ୧.୪୮ ଲକ୍ଷ କୋଟି ଟଙ୍କା ବିଡ୍ ମିଳିଥିଲା । ଏଲଜି ଇଲେକ୍ଟ୍ରୋନିକ୍ସ ଇଣ୍ଡିଆର QIB (ବଡ଼ ସଂସ୍ଥାଗତ ନିବେଶକ) ଅଂଶ ୧୬୬.୫୧ ଗୁଣ, ଅଣ-ସଂସ୍ଥାଗତ ନିବେଶକଙ୍କୁ ୨୨.୪୪ ଗୁଣ ଓ ରିଟେଲ ନିବେଶକଙ୍କୁ ୩.୪୫ ଗୁଣ ବିଡ୍ ମିଳିଥିଲା ।