ଭୁବନେଶ୍ୱର ୦୫।୦୫ : ଦୀଘା ଜଗନ୍ନାଥ ବିବାଦ। ଏହି ପ୍ରସଙ୍ଗରେ ଆସିଲା ତଦନ୍ତ ରିପୋର୍ଟ। ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ପକ୍ଷରୁ ଏହି ରିପୋର୍ଟ ଆଇନମନ୍ତ୍ରୀଙ୍କ ପାଖରେ ଦାଖଲ କରାଯାଇଛି । ବଳକା ଦାରୁରୁ ମୂର୍ତ୍ତି ତିଆରି ହେବା କଥା ପୁରା ମିଛ । ନିମ୍ବ କାଠରେ ତିଆରି ହୋଇଛି ମହାପ୍ରଭୁ । ପଶ୍ଚିମବଙ୍ଗ ସରକାର ଧାମ ଶବ୍ଦର ବ୍ୟବହାର କରିପାରିବେନାହିଁ । କାହିଁକି ନା ଏହା କେବଳେ ଚାରି ଧାମରେ ବ୍ୟବହାର କରାଯିବ । ଏନେଇ ପଶ୍ଚିମବଙ୍ଗ ସରକାରଙ୍କୁ ଚିଠି କରାଯିବ ବୋଲି କହିଛନ୍ତି ଆଇନ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ।
ସେ ଆହୁରି ମଧ୍ୟ କହିଛନ୍ତି ଯେ, ବଳକା ଦାରୁ କାଠ ଯାଇକି ମୂର୍ତ୍ତି ତିଆରି ହୋଇଥିଲା ବୋଲି ଯେଉଁ କଥା ଆସିଥିଲା ତାହା ସମ୍ପୂର୍ଣ୍ଣ ମିଛ | ଦାରୁ ଘର ଭିତରେ କାଠ ରୁହେ | ୧୯୯୫-୯୬ରେ ସେତେବେଳର ସରକାରଙ୍କ ଭୁଲ୍ ନିଷ୍ପତ୍ତି ପାଇଁ ଦଇତାପତି ନିଯୋଗ ଘରେ କିଛି କାଠ ଥିଲା। ସମସ୍ତ କାଠ ଦାରୁ ଘରକୁ ଆଣିବା ପାଇଁ ଏକ ୫ ଜଣିଆ କମିଟି ଗଠନ ହୋଇଛି। ସେବାୟତମାନେ ଗଣମାଧ୍ୟମକୁ ଆସି ପୂଜାବିଦ୍ଧି ବିଷୟରେ କହୁଛନ୍ତି। କେତେ ଦୂର କହିପାରିବେ ସେନେଇ ଖୁବଶୀଘ୍ର ମାର୍ଗଦର୍ଶିକା ଆସିବ। ଦଇତାପତି ନିଯୋଗ ସଭାପତିଙ୍କ ବିରୁଦ୍ଧରେ ଯେଉଁ ଅଭିଯୋଗ ଆସିଥିଲା ତାଙ୍କୁ ସମନ ଦିଆଯାଇଥିଲା। ସେ ଉତ୍ତର ରଖିଛନ୍ତି। ଭୁବନେଶ୍ଵରର ଜଣେ ସୁଦର୍ଶନ ମହାରଣାଙ୍କ ପାଖରୁ ଲିମ୍ଵ କାଠରେ ମହାପ୍ରଭୁଙ୍କୁ ମୂର୍ତ୍ତି ତିଆରି କରି ନେଇଥିଲେ। ଏନେଇ ମହାରଣା ସ୍ଵୀକାର ବି କରିଛନ୍ତି। ଶ୍ରୀମନ୍ଦିର ନିୟମ ଅନୁଯାୟୀ, ପୁଣି ୭ ଦିନ ଭିତରେ ଜଣାଇବା ପାଇଁ କୁହାଯାଇଛି। ସେଥିରେ ସନ୍ତୁଷ୍ଟ ନହେଲେ ଶ୍ରୀମନ୍ଦିର ପ୍ରଶାସନ ଦଣ୍ଡିତ କରିବ। ଜଗନ୍ନାଥପ୍ରେମୀଙ୍କୁ ବାଧିଛି। ମହାପ୍ରଭୁଙ୍କ କୌଣସି ଜିନିଷ ନେଇ କେହି ବଞ୍ଚିବେ ନାହିଁ।
ସେହିପରି ମହାରଣା ସେବକ, ବିଭିନ୍ନ ନିଯୋଗ, ଦଇତାପତି ନିଯୋଗ ଓ ଯେଉଁମାନେ ଦୀଘା ଯାଇଥିଲେ ସେମାନଙ୍କୁ ନେଇ ମାରାଥନ ବୈଠକ ହୋଇଥିଲା। ଏନେଇ ମୁଖ୍ୟମନ୍ତ୍ରୀଙ୍କୁ ଅବଗତ ପରେ ପରବର୍ତ୍ତୀ ପଦକ୍ଷେପ ନିଆଯିବ। ମହାପ୍ରଭୁଙ୍କର କଣ ଦୈନିଦିନ କାର୍ଯ୍ୟ ରହିବ ଏନେଇ ରାଜ୍ୟର ସବୁ ଜଗନ୍ନାଥ ମନ୍ଦିରକୁ ଶ୍ରୀମନ୍ଦିର ପକ୍ଷରୁ ଖୁବଶୀଘ୍ର ମାର୍ଗଦର୍ଶିକା ଜାରିହେବ। ଦୀଘାରେ ଜଗନ୍ନାଥ ଧାମ ଉଲ୍ଲେଖ କରାଯାଇଥିଲା। ଏହାକୁ ସମସ୍ତେ ବିରୋଧ କରିଛନ୍ତି। ଧାମ ଶବ୍ଦର ନାମ କେବଳ ଚାରି ଧାମରେ ଲାଗିବ। ପଶ୍ଚିମବଙ୍ଗ ସରକାରଙ୍କୁ ରାଜ୍ୟ ସରକାରଙ୍କ ତରଫରୁ ଚିଠି ଯିବ ଏବଂ ଦୀଘା ଠାରେ ମହାଦୋଧି ନାମକୁ କାଟିବା ପାଇଁ ଜଣାଇବୁ। ଯଦି ନମାନିଲେ ଆଇନଗତ ଆଶ୍ରୟ ନେବୁ। ସେବାୟତମାନେ କେଉଁଠିକୁ ଯିବେ କି ନଯିବେ, ସେନେଇ ମାର୍ଗଦର୍ଶିକା ଜାରି ହେବ।
