ମୁମ୍ଵାଇ ୧୨।୦୮: ବଲିଉଡ୍ ଅଭିନେତା ଅର୍ଜୁନ କପୁର। ମଲାଇକାଙ୍କ ସହ ବ୍ରେକଅପ ହୋଇ ସାରିଛି । ବର୍ତ୍ତମାନ ସେ ସୋସିଆଲ ମିଡିଆରେ ଇନଫ୍ଲୁଏନସର କୁଶା କପିଲା ଏବଂ ବଲିଉଡ ଅଭିନେତା ଅର୍ଜୁନ କପୁରଙ୍କ ଡେଟିଂ ଖବର ଜୋରସୋରରେ ଚାଲିଛି। ଚାରିଆଡେ ଗୁଜବ ଚାଲିଛି ଯେ ଦୁହେଁ ପରସ୍ପରକୁ ଡେଟ୍ କରୁଛନ୍ତି । ମଲାଇକା ଆରୋରାଙ୍କ ସହିତ ବ୍ରେକଅପ୍ ପରେ ଅର୍ଜୁନ କପୁର କୁଶାଙ୍କୁ ଡେଟ କରୁଥିବା ଖବର ରହିଛି। ଏହି ସମୟରେ ବର୍ତ୍ତମାନ କୁଶା କପିଲା ସୋସିଆଲ ମିଡିଆରେ ମୁଭି ଡେଟ୍ର ଫଟୋ ସେୟାର କରିଛନ୍ତି।
ଅର୍ଜୁନ କପୁର କୁଶାଙ୍କୁ ଡେଟ କରୁଛନ୍ତି
କୁଶା ଏବଂ ଅର୍ଜୁନଙ୍କ ମଧ୍ୟରେ ଡେଟିଂ ଖବର ସାମ୍ନାକୁ ଆସୁଛି। ଯେଉଁଥିପାଇଁ ସେମାନଙ୍କର ବ୍ୟକ୍ତିଗତ ଜୀବନ ବିଷୟରେ ଅନେକ ଆଲୋଚନା ହେଉଛି । ଏହି ସମୟରେ କୁଶା ଅର୍ଜୁନ କପୁରଙ୍କୁ ଏକ ସ୍ପେଶାଲ ହ୍ୟାସଟ୍ୟାଗ ଦେଇଛନ୍ତି, ଯାହା ବର୍ତ୍ତମାନ ଚର୍ଚ୍ଚାରେ ଅଛି। କୁଶା ଏକ ସାକ୍ଷାତକାରରେ ପ୍ରକାଶ କରିଛନ୍ତି ଯେ ସେ ଅର୍ଜୁନ କପୁରଙ୍କ ପାଇଁ 'କପୁର' ନାମକ ହ୍ୟାସଟ୍ୟାଗକୁ ବାଛିଛନ୍ତି।
ସାକ୍ଷାତକାର ସମୟରେ ତାଙ୍କୁ ଏହି ନାମ ପରାମର୍ଶ ଦିଆଯାଇଥିଲା ଏବଂ ସେ ଏହାକୁ ଗ୍ରହଣ କରିଥିଲେ । ଏହି ହ୍ୟାସଟ୍ୟାଗ ବର୍ତ୍ତମାନ ସୋସିଆଲ ମିଡିଆରେ ବହୁତ ଚର୍ଚ୍ଚା ହେଉଛି। କୁଶା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି। ଯେଉଁଥିରେ ସେ ଡିଜ୍ନି ହଟଷ୍ଟାରରେ ତାଙ୍କ ସିରିଜ୍ 'ଲାଇଫ୍ ହିଲ୍ ଗୟି' ଦେଖୁଛନ୍ତି । ଏହି ଫଟୋ ସେୟାର କରିବାବେଳେ କୁଶା ସୋଲୋ ମୁଭି ଡେଟ୍ ଲେଖିଛନ୍ତି। ଅର୍ଥାତ୍ କୁଶା ବର୍ତ୍ତମାନ ଏକାକୀ ତାଙ୍କ ସିରିଜ୍ ଉପଭୋଗ କରୁଛନ୍ତି ।
ଗତ ବର୍ଷ କରଣ ଜୋହରଙ୍କ ପାର୍ଟିରୁ କୁଶା ଏବଂ ଅର୍ଜୁନ କପୁରଙ୍କ ଡେଟିଂ ଗୁଜବ ଆରମ୍ଭ ହୋଇଥିଲା। ସେହି ପାର୍ଟୀରେ ଦୁହେଁ ଏକାଠି ନଜର ଆସିଥିଲେ। ଏହା ପରେ ଗଣମାଧ୍ୟମରେ ଖବର ପ୍ରଚାରିତ ହୋଇଥିଲା ଯେ ଉଭୟଙ୍କ ମଧ୍ୟରେ କିଛି ଚାଲିଛି। କୁଶାଙ୍କ ଛାଡପତ୍ର ପରେ ଏହି ଗୁଜବ ଅଧିକ ଗତିଶୀଳ ହେଲା । ହେଲେ କୁଶା ଅନେକ ସମୟରେ ଏହି ଗୁଜବକୁ ଖାରଜ କରିଦେଇଛନ୍ତି, କିନ୍ତୁ ଅର୍ଜୁନ କପୁର ଏ ବିଷୟରେ ଖୋଲାଖୋଲି ଭାବେ କହିନାହାଁନ୍ତି ।
