ନୂଆଦିଲ୍ଲୀ : ବଲିଉଡ୍ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ଅଭିଯୋଗ କରିଛନ୍ତି ଯେ, କୋଲକାତା ପୁଲିସ ତାଙ୍କର ଫିଲ୍ମ ‘ ଦ ବେଙ୍ଗଲ ଫାଇଲ୍ସ’ ର ଟ୍ରେଲର ଲଞ୍ଚକୁ ରୋକି ଦେଇଛି। ୧୯୪୬ମସିହାର କୋଲକାତା ଦଙ୍ଗା ଉପରେ ଆଧାରିତ ଏହି ଫିଲ୍ମର ଟ୍ରେଲର ସହରର ପାଞ୍ଚଟି ଷ୍ଟାର ହୋଟେଲ୍ରେ ଆଜି ( ୧୬ ଅଗଷ୍ଟ) ଦ୍ୱିପ୍ରହରରେ ଲଞ୍ଚ ହେବାର ଥିଲା। ରିପୋର୍ଟ ଅନୁସାରେ , ଘଟଣା ସ୍ଥଳରେ ଉପସ୍ଥିତ ପୁଲିସକର୍ମୀମାନେ ଏହି ମାମଲା ଉପରେ ଟିପ୍ପଣୀ କରିବାକୁ ମନା କରି ଦେଇଛନ୍ତି। ଅଗ୍ନିହୋତ୍ରୀ କହିଛନ୍ତି , ଯଦି ଏହି ଏକଛତ୍ରବାଦ / ଫାସିବାଦ ନୁହେଁ ତ ଆଉ କଣ ? ଆପଣଙ୍କ ରାଜ୍ୟରେ ଆଇନ ଓ ବ୍ୟବସ୍ଥା ବିଫଳ ହୋଇ ସାରିଛି। ଏହି କାରଣ ଯେ, ଯେକେହି ‘ଦ ବେଙ୍ଗଲ ଫାଇଲ୍ସ’ର ସମର୍ଥନ କରୁଛନ୍ତି।
ବିବେକ ଅଗ୍ନିହୋତ୍ରୀ କହିଛନ୍ତି , ମୋତେ ଏବେ ଏବେ ଜଣାପଡ଼ିଲା ଯେ, କିଛି ଲୋକ ଏଠାକୁ ଆସିଥିଲେ ଏବଂ ସବୁ ତାରକୁ କାଟି ଦେଇଥିଲେ। ମୋତେ ଜଣା ନାହିଁ ଯେ ସ ଏହା କାହା ଆଦେଶରେ ହେଉଛି ? ଆପଣ ଜାଣନ୍ତି ଯେ , ଆମ ପଛରେ କେଉଁ ଲୋକେ ଅଛନ୍ତି।ସବୁ ପ୍ରକାରର ଟେଷ୍ଟ ଓ ଟ୍ରାୟଲ ପରେ ଏହି କାର୍ଯ୍ୟକ୍ରମ ଆୟୋଜିତ ହେଉଥିଲା। ହୋଟେଲ ମ୍ୟାନେଜର ଏବେସୁଦ୍ଧା ଆମକୁ କହି ନାହାନ୍ତି ଯେ, କାର୍ଯ୍ୟକ୍ରମକୁ ଜାରି ରଖିବାକୁ ଅନୁମତି କାହିଁକି ଦିଆ ଯାଉ ନାହିଁ। ସେ କହିଛନ୍ତି ଯେ, ଏହି ସ୍ଥିତି ବାସ୍ତବିକ ଚିନ୍ତାଜନକ।
ଏହି ମଧ୍ୟରେ ଅଭିନେତ୍ରୀ ପଲ୍ଲବୀ ଯୋଶୀ ମଧ୍ୟ ଅଭିଯୋଗ କରିଛନ୍ତି ଯେ, ଟ୍ରେଲର ଲଞ୍ଚର ଅନୁମତି ଦିଆ ଯାଇ ନାହିଁ। ସେ କହିଛନ୍ତି , ମୋତେ କେବେ ବି ଭଲ ଲାଗିଲା ନାହିଁ ଯେ ମୋର ଫିଲ୍ମକୁ ଏହିପରି ରୋକା ଗଲା। ଏହି ରାଜ୍ୟରେ ମତବ୍ୟକ୍ତ କରିବାର ସ୍ୱାଧୀନତା ନାହିଁ କି? ଫିଲ୍ମ ନିର୍ମାତା ଓ ଅଭିନେତା ଭାବେ ଆମକୁ ତାହା ଦେଖାଇବାକୁ ଅନୁମତି ନାହିଁ ,ଯାହା ଆମେ ତିଆରି କରିଛୁ। ତାଙ୍କୁ କେଉଁ କଥାର ବିପଦ ଅନୁଭବ ହେଉଛି ? ଏମିତି କାଶ୍ମୀର ବି ହୋଇ ନାହିଁ । ଆମେ କଣ ଏହି ନିଷ୍କର୍ଷ ବାହାର କରି ପାରିବୁ କି କାଶ୍ମୀରର ସ୍ଥିତି ବଙ୍ଗଳା ଠାରୁ ଖୁବ୍ ଭଲ ? ସେ କହିଛନ୍ତି , ଆଜି ବଙ୍ଗଳାରେ କଣ ହେଉଛି। ଏହା କାରଣ ଯେ ‘ଦ ବେଙ୍ଗଲ ଫାଇଲ୍ସ’ ଭଳି ଫିଲ୍ମ ଆଜି ପ୍ରମୁଖ ହୋଇଯାଇଛି। ମୁଁ ଚାହୁଁଛି ଯେ, ଭାରତର ପ୍ରତି ବ୍ୟକ୍ତି ଏହି ଫିଲ୍ମକୁ ଦେଖନ୍ତୁ ଏବଂ ବଙ୍ଗଳା ବିଷୟରେ ସତକୁ ଜାଣନ୍ତୁ। କଳାକାରଙ୍କୁ ସମ୍ମାନ ଦେବା ରାଜ୍ୟର ଦାୟିତ୍ୱ।
ଶୁକ୍ରବାର ( ୧୫ ଅଗଷ୍ଟ)ରେ ବିବେକ ଅଗ୍ନିହୋତ୍ରୀ ନିଜର ଏକ୍ସ ଆକାଉଣ୍ଟରେ ଏକ ଭିଡ଼ିଓ ପୋଷ୍ଟ କରିଥିଲେ। ଏଥିରେ ସେ ଦାବି କରିଥିଲେ ଯେ, ଏକ ପ୍ରମୁଖ ମୁଭି ଥିଏଟର ଚେନ୍ ତାଙ୍କର ଫିଲ୍ମର ଟ୍ରେଲର ଲଞ୍ଚ ଇଭେଣ୍ଟରୁ ବାତିଲ କରିଛି। ସେ ଅଭିଯୋଗ କରି ଥିଏଟର ଚେନ୍ ଇଭେଣ୍ଟ ବାତିଲ କରିବା ପଛରେ ରାଜନୈତିକ ଚାପକୁ କାରଣ ଭାବେ କହି ଥିଲେ।
ସୂଚନା ଯେ, ‘ଦ ବେଙ୍ଗଲ ଫାଇଲ୍ସ’ ୧୯୪୦ ଦଶକରେ ଅବିଭାଜିତ ବଙ୍ଗଳାରେ ହୋଇଥିବା ସାଂପ୍ରଦାୟିକ ହିଂସାକାଣ୍ଡର କାହାଣୀକୁ ଦର୍ଶାଉଛି। ଏହି ଫିଲ୍ମ ୫ ସେପ୍ଟେମ୍ୱରରେ ଫିଲ୍ମ ହଲ୍ରେ ରିଲିଜ୍ ହେବ।
