ଚିଲି ଜଙ୍ଗଲରେ ଭୟଙ୍କର ନିଆଁ ; ଗଲାଣି ୧୮ ଜୀବନ, ଜରୁରୀକାଳୀନ ପରିସ୍ଥିତି ଘୋଷଣା

ନୂଆଦିଲ୍ଲୀ ୧୯।୦୧; ଚିଲିରେ ଜଙ୍ଗଲ ନିଆଁ । ଦକ୍ଷିଣ ଚିଲି ଜଙ୍ଗଲରେ ଲାଗିଥିବା ନିଆଁ ନିୟନ୍ତ୍ରଣ ବାହାରକୁ ଚାଲିଯାଇଛି । ନିଆଁ ଲାଗି ଅତି କମରେ ୧୮ ଜଣ ଲୋକଙ୍କ ମୃତ୍ୟୁ ହୋଇଛି। ୫୦,୦୦୦ ରୁ ଅଧିକ ଲୋକଙ୍କୁ ଘର ଛାଡିବାକୁ ବାଧ୍ୟ କରାଯାଇଛି। ଅଗ୍ନିକାଣ୍ଡରେ ଅନେକ ପଶୁ ପ୍ରାଣୀ ପ୍ରାଣ ହରାଇଛନ୍ତି ଏବଂ ହଜାର ହଜାର ଏକର ଜଙ୍ଗଲ ନଷ୍ଟ ହୋଇଯାଇଛି। ୨୦,୦୦୦ ଲୋକଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି। ଯେଉଁ ଜଙ୍ଗଲରେ ନିଆଁ ଲାଗିଥିଲା, ସେଠାରେ ଇନ୍ଦୁରା ଗ୍ୟାସ୍ ପ୍ଲାଣ୍ଟ ମଧ୍ୟ ରହିଛି। ଯାହା ଏବେ ଲିକେଜ୍ ହେବାର ଆଶଙ୍କା ରହିଛି।

ଜଙ୍ଗଲ ଅଗ୍ନିକାଣ୍ଡ ଯୋଗୁଁ ବାୟୋବିଓ ଏବଂ ନୁବଲ୍ ଅଞ୍ଚଳର ପରିସ୍ଥିତି ଅତ୍ୟନ୍ତ ଭୟଙ୍କର। ପ୍ରାୟ ୮,୫୦୦ ହେକ୍ଟର ଜଙ୍ଗଲ ପାଉଁଶ ହୋଇଗଲାଣି। ଏହା ସହ ହଜାର ହଜାର ଲୋକ ନିଜ ଘର ଛାଡ଼ି ପଳାଇବାକୁ ବାଧ୍ୟ ହୋଇଛନ୍ତି। ଜଙ୍ଗଲ ନିଆଁ ଜନବସତି ଆଡକୁ ମାଡିଆସିଛି। ଶହ ଶହ ଘର ଜଳିଯାଇଥିବାର ଭିଡିଓ ସାମ୍ନାକୁ ଆସିଛି । ବାୟୋବିଓ ଅଞ୍ଚଳର ପେନକୋର ମେୟର କହିଛନ୍ତି ଯେ ପ୍ରବଳ ପବନ ଏବଂ ପ୍ରବଳ ଗରମ ଯୋଗୁଁ ନିଆଁ ଅଧିକ ଭୟଙ୍କର ହେଉଛି। ଯେଉଁଠାରେ ନିଆଁ ଲାଗିଛି ସେଠାରେ ତାପମାତ୍ରା ୩୮ ଡିଗ୍ରୀ ସେଲସିୟସ୍ ଉପରେ ପହଞ୍ଚିଛି। ଯାହା ଅଗ୍ନିଶମ କର୍ମଚାରୀଙ୍କ ପାଇଁ ମଧ୍ୟ ବିପଦପୂର୍ଣ୍ଣ କରିଛି।

ଚିଲି ରାଷ୍ଟ୍ରପତି ଗାବ୍ରିଏଲ୍ ବୋରିକ୍ ରାଜଧାନୀ ସାଣ୍ଟିଆଗୋଠାରୁ ପ୍ରାୟ ୫୦୦ କିଲୋମିଟର ଦକ୍ଷିଣରେ ଅବସ୍ଥିତ ନୁବଲେ ଓ ବିଓବିଓ ଅଞ୍ଚଳ ବିପଦ ଅବସ୍ଥାରେ ଥିବା ଘୋଷଣା କରିଛନ୍ତି। ଯେଉଁଠାରେ ନିଆଁ ଦୁଇ ଦିନ ପାଇଁ ଜଳି ଚାଲିଛି । ଚିଲି ପ୍ରତିରକ୍ଷା ମନ୍ତ୍ରୀ ଲୁଇସ୍ କୋର୍ଡେରୋ କହିଛନ୍ତି ଯେ ଏହି ଦୁଇ ଅଞ୍ଚଳରେ ଅତି କମରେ ୧୪ଟି ଜଙ୍ଗଲ ନିଆଁରେ ମୃତ୍ୟୁ ସଂଖ୍ୟା ନିଶ୍ଚିତ ହୋଇଛି । ଅଧିକାଂଶ ମୃତ୍ୟୁ ଉପକୂଳବର୍ତ୍ତୀ ସହର ପେଙ୍କୋରେ ଘଟିଛି ବୋଲି ସେଠାରର ମେୟର ରୋଡ୍ରିଗୋ ଭେରା କହିଛନ୍ତି। ନିଆଁକୁ ଆୟତ୍ତ କରିବାକୁ ଅଗ୍ନୀଶମ ଟିମ୍ ଚେଷ୍ଟା ଜାରି ରହିଛି।

ଚିଲି ରାଷ୍ଟ୍ରପତି ଗାବ୍ରିଏଲ୍ ବୋରିକ୍ ବାୟୋବିଓ ଏବଂ ନୁବଲ୍ ଅଞ୍ଚଳରେ ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି। ଉଭୟ ଅଞ୍ଚଳ ପରସ୍ପର ସଂଲଗ୍ନ ଏବଂ ରାଜଧାନୀ ସାଣ୍ଟିଆଗୋରୁ ପ୍ରାୟ ୫୦୦ କିଲୋମିଟର ଦକ୍ଷିଣରେ ଅବସ୍ଥିତ। ଚିଲିକା ସୁରକ୍ଷା ମନ୍ତ୍ରୀ ଲୁଇସ୍ କର୍ଡେରୋ କହିଛନ୍ତି ଯେ ଅଗ୍ନିକାଣ୍ଡରେ ଘରଗୁଡ଼ିକ ପୋଡ଼ି ଯାଇଛି ଏବଂ କାରଗୁଡ଼ିକ କ୍ଷତିଗ୍ରସ୍ତ ହୋଇଛି। ଅନେକ ଚର୍ଚ୍ଚ ମଧ୍ୟ ଜଳିଯାଇଛି, ଭିତରୁ ମୃତଦେହ ଉଦ୍ଧାର କରାଯାଇଛି। ଧୂଆଁ ଏବଂ ଜଳୁଥିବା ପଶୁମାନଙ୍କ ଦୁର୍ଗନ୍ଧ ମଧ୍ୟ ଅସ୍ତବ୍ୟସ୍ତ କରୁଛି।