କୂଅକୁ ଖସିପିଡ଼ିଲା ହାତୀ, ବନ ବିଭାଗ ପକ୍ଷରୁ ଉଦ୍ଧାର ପାଇଁ ଉଦ୍ୟମ

କଣ୍ଟାବାଞ୍ଜି ୧୫/୧୧: କୂଅ ଭିତରେ ଖସିପଡିଛି ହାତୀ । ମୁରିବାହାଲ ରେଞ୍ଜ ଗୁଡିଘାଟ ପଞ୍ଚାୟତ ଲତାସହଡା ଗ୍ରାମର ଏକ କୂଅରେ ଖସିପଡିଛି ହାତୀ । ବନ ବିଭାଗ ଘଟଣା ସ୍ଥଳକୁ ପହଞ୍ଚି ହାତୀକୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରଖିଛି। ସାଧାରଣ ଲୋକ ଘଟଣା ସ୍ଥଳକୁ ନ ଯିବାକୁ ବନ ବିଭାଗ ଓ ପୁଲିସ୍ ବିଭାଗ ପକ୍ଷରୁ ଲୋକଙ୍କୁ ସତର୍କ ସୂଚନା ଦିଆଯାଇଛି ।

ଗତ ଦୁଇ ଦିନ ପୂର୍ବରୁ ବିଜାମାଲ ଗ୍ରାମର ଏକ ପରିତ୍ୟକ୍ତ କୂଅରେ ହାତୀ ଛୁଆ ଖସିପିଡ଼ିଥିଲା । ହାତୀକୁ ଉଦ୍ଧାର କରିବା ସମୟରେ ଜଣେ କେନ୍ଦୁଲିଫ ଫରେଷ୍ଟରଙ୍କୁ ହାତୀ ଦଳି ଦେବାରୁ ଗୁରୁତର ହୋଇଥିଲେ । ହାତୀପଲ ଗାଁ ମୁହାଁ ହୋଇ ବହୁ ଚାଷବାସ ନଷ୍ଟ କରୁଛନ୍ତି । ଆଜି ସକାଳୁ ଏକ କୂଅରେ ହାତୀ ପଡିଥିବା ଖବର ପାଇ ବନ ବିଭାଗ ପହଁଚିଥିଲେ । ହାତୀ କୁ ଉଦ୍ଧାର ପାଇଁ ଉଦ୍ୟମ ଚାଲିଛି । ବଲାଙ୍ଗୀର ଜିଲ୍ଲା ମୁରିବାହଲ ରେଞ୍ଜରେ ପୁଣି ହାତୀ ଛୁଆ କୂଅରେ ପଡ଼ିଥିବା ଘଟଣା ସମ୍ନାକୁ ଆସିଛି ।

ଆଜି ସକାଳୁ ମୁରିବାହଲ ରେଞ୍ଜ ଅନ୍ତର୍ଗତ ଲତାସହଡ଼ାରେ ପୁଣି ଏକ ହାତୀ କୂଅରେ ପଡ଼ିଥିବା ସୂଚନା ମିଳିଛି । କିଛିଦିନ ଆଗରୁ ଏକ ହାତୀ ଛୁଆ ବିଜାମାଲ ଗାଁର ଏକ କୂଅରେ ପଡ଼ିଥିଲା । ଏଥିରେ ବାହାରକୁ ବାହାରିବା ପରେ ଅନେକ ଲୋକଙ୍କୁ ଘଉଡ଼ାଇ ଥିଲା ହାତୀ । ଜଣେ କେନ୍ଦୁ ଲିଫ କର୍ମଚାରୀ ମଧ୍ୟ ଗୁରୁତର ହୋଇଥିଲେ ।

ତେବେ ଏହି ହାତୀ ଦେଖିବା ପାଇଁ କୌଣସି ସାଧାରଣ ଲୋକ ଘଟଣା ସ୍ଥଳକୁ ନ ଯିବାକୁ ବନ ବିଭାଗ ଓ ପୋଲିସ୍ ବିଭାଗ ପକ୍ଷରୁ ଅନୁରୋଧ କରାଯାଇଛି । ନିଜ ଜୀବନର ସୁରକ୍ଷା ନିଜେ କରନ୍ତୁ ବୋଲି କୁହାଯାଇଛି । ବନ ବିଭାଗ ଘଟଣା ସ୍ଥଳରେ ଉପସ୍ଥିତ ରହି ହାତୀଟିକୁ କିଭଳି କୂଅରୁ ବାହାର କରାଯିବ ସେନେଇ ଚେଷ୍ଟା ମଧ୍ୟ କରାଯାଇଛି ।