ନୂଆଦିଲ୍ଲୀ ୧୨।୫: ଆମ ଆଦମୀ ପାର୍ଟି (ଆପ) ଲୋକସଭା ନିର୍ବାଚନ ନିମନ୍ତେ ରବିବାର ୧୦ ଗ୍ୟାରେଣ୍ଟି ଜାରି କରିଛି। ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଦେଶ ସମ୍ମୁଖରେ ଯେଉଁ ଗ୍ୟାରେଣ୍ଟି ରଖିଛନ୍ତି ସେଥିରେ ଦିଲ୍ଲୀକୁ ପୂର୍ଣ୍ଣ ରାଜ୍ୟର ମାନ୍ୟତା ମଧ୍ୟ ରହିଛି। କେଜରିୱାଲ କହିଛନ୍ତି ଯେ କେନ୍ଦ୍ରରେ ଇଣ୍ଡିଆ ମେଣ୍ଟ ସରକାର ହେଲେ ଦିଲ୍ଲୀକୁ ପୂର୍ଣ୍ଣ ରାଜ୍ୟର ମାନ୍ୟତା ମିଳିବ। ମୁଖ୍ୟମନ୍ତ୍ରୀ କେଜରିୱାଲ ସାମ୍ବାଦିକ ସମ୍ମିଳନୀ କରି ଲୋକଙ୍କୁ ୧୦ ଗ୍ୟାରେଣ୍ଟି ଦେଇଛନ୍ତି। 

ସେ କହିଛନ୍ତି ଯେ ମୋ ଗିରଫ ଯୋଗୁ ପାର୍ଟିର ନିର୍ବାଚନ ପ୍ରତିଶ୍ରୁତି ମିଳିବାରେ ବିଳମ୍ବ ହୋଇଛି। ହେଲେ ଏବେବି ଆଉ ୪ ପର୍ଯ୍ୟାୟ ନିର୍ବାଚନ ବାକି ଅଛି। କେଜରିୱାଲ କହିଛନ୍ତି ଯେ ମୁଁ ଏହି ଗ୍ୟାରେଣ୍ଟି ନେଉଛି ଇଣ୍ଡିଆ ମେଣ୍ଟ ସରକାର ହେବା ପରେ ଏହି ସବୁ ଗ୍ୟାରେଣ୍ଟି ପୂରଣ କରାଇବି। ଏହି ଗ୍ୟାରେଣ୍ଟି ଭାରତର ଭିଜନ। ସେକହିଛନ୍ତି ଯେ ଆଜି କାଲି ଦେଶରେ ମୋଦିଙ୍କ ଗ୍ୟାରେଣ୍ଟିର ଚର୍ଚ୍ଚା ହେଉଛି। ତେବେ ଦେଶ ହିଁ ନିଶ୍ଚିତ କରୁ ମୋଦି ବା କେଜରିୱାଲ କାହା ଗ୍ୟାରେଣ୍ଟି ଉପରେ ବିଶ୍ୱାସ କରାଯାଇ ପାରିବ। 

କେଜରିୱାଲ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ସମସ୍ତଙ୍କ ବ୍ୟାଙ୍କ ଆକାଉଣ୍ଟରେ ୧୫ଲକ୍ଷ ଟଙ୍କା, ବର୍ଷକୁ ୨ କୋଟି ରୋଜଗାର, ସ୍ୱାମୀନାଥନ ରିପୋର୍ଟ ଲାଗୁ କରିବା, ୨୦୨୨ରେ ଚାଷୀଙ୍କ ଆୟ ଦୁଇଗୁଣା କରିବା, ୨୦୨୨ରେ ଦେଶରେ ୨୪ ଘଣ୍ଟା ବିଜୁଳି ମିଳିବା, ୧୫ ଅଗଷ୍ଟ ୨୦୨୨ ସୁଧା ସାବରମତୀ ଓ ମୁମ୍ବାଇ ମଧ୍ୟରେ ବୁଲେଟ୍ ଟ୍ରେନ, ଦେଶରେ ୧୦୦ଟି ସ୍ମାର୍ଟ ସିଟିର ଗ୍ୟାରେଣ୍ଟି ଦେଇଥିଲେ। ଏଥିରୁ କୌଣସି ଗୋଟିଏ ବି ଗ୍ୟାରେଣ୍ଟି ପୂରଣ ହୋଇନି। 

देश की जनता को केजरीवाल की 10 Guarantee 🇮🇳

1️⃣ पूरे देश में 24x7 बिजली और ग़रीबों को मुफ़्त बिजली देंगे

2️⃣ देश के हर गाँव, हर मोहल्ले में World Class सरकारी School बनाकर सभी बच्चों के लिए मुफ़्त शिक्षा का इंतज़ाम किया जाएगा

3️⃣ देश के हर ज़िले में World Class Multi-Speciality… pic.twitter.com/ACYnSZISMY

— AAP (@AamAadmiParty) May 12, 2024

ହେଲେ ଆମେ ସ୍କୁଲ ଓ ମହଲ୍ଲା କ୍ଲିନିକ ଖୋଲି ଆମ ପ୍ରତିଶ୍ରୁତି ପୂରଣ କରିଛୁ। ଏଥର ଆମେ ଗ୍ୟାରେଣ୍ଟିରେ ଦେଶକୁ ୨୪ ଘଣ୍ଟା ଓ ମାଗଣା ବିଦ୍ୟୁତ ଦେବୁ। ଆମେ ଯେପରି ଦିଲ୍ଲୀରେ କରିଛୁ ସେପରି ଦେଶରେ ମଧ୍ୟ କରି ଦେଖାଇବୁ। କେଉଁଠି ହେଲେ ବି ପାୱାର କଟ୍ ହେବ ନାହିଁ। ଦେଶରେ ଗରିବଙ୍କୁ ୨୦୦ ୟୁନିଟି ବିଦ୍ୟୁତ ମାଗଣା ମିଳିବ ଏବା ଆମର ଗ୍ୟାରେଣ୍ଟି। ସେହିପରି କେଜରିୱାଲ ଦେଶକୁ ଶିକ୍ଷାର ଗ୍ୟାରେଣ୍ଟି ଦେଇଛନ୍ତି। କହିଛନ୍ତି ଦିଲ୍ଲୀ ଓ ପଞ୍ଜାବ ଭଳି ସରକାରୀ ସ୍କୁଲଗୁଡିକୁ ଘରୋଇ ସ୍କୁଲଠାରୁ ଅଧିକ ଉନ୍ନତ କରିବୁ। ଯେଉଁଥିରେ ଛାତ୍ରଛାତ୍ରୀଙ୍କ ମାଗଣା ଶିକ୍ଷା ନିଶ୍ଚିତ କରାଯିବ। 

ସେହିପରି କେଜରିୱାଲ ସ୍ୱାସ୍ଥ୍ୟ ଗ୍ୟାରେଣ୍ଟି ଦେଇଛନ୍ତି। ସେ କହିଛନ୍ତି ଯେ ଯଦି ଜନତା ସୁସ୍ଥ ରହିବେ ଦେଶ ଆଗକୁ ବଢିବ। ଜଣେ ପ୍ରଧାନମନ୍ତ୍ରୀ ନୁହଁ ଜନତା ହିଁ ଦେଶକୁ ଆଗକୁ ବଢାଇଥାନ୍ତି। ଦେଶରେ ପ୍ରାଇଭେଟ ହସ୍ପିଟାଲମାନଙ୍କରେ ଲୁଟ ଚାଲିଥିବା ବେଳେ ସରକାର ହସ୍ପିଟାଲ ଅବସ୍ଥା ଖରାପ ହୋଇପଡିଛି। ହେଲେ କେନ୍ଦ୍ରରେ ଇଣ୍ଡିଆ ମେଣ୍ଟ ସରକାର ଦେଶର ସରକାରୀ ହସ୍ପିଟାଲ ପ୍ରାଇଭେଟ ଭଳି  କରିବେ। ବୀମା ଆଧାରିତ ସରକାରୀ ଯୋଜନା ଏକ ସ୍କାମ। ଏଣୁ ଏଥି ପାଇଁ ୫ ଲକ୍ଷ କୋଟି ଟଙ୍କା ଖର୍ଚ୍ଚ କରିବୁ। 

ସେହିପରି କେଜରିୱାଲ କହିଛନ୍ତି ଯେ ରାଷ୍ଟ୍ର ସର୍ବୋପରି। ଚୀନ ଆମ ଜମି ମାଡିବସିଛି। ଏହାକୁ ଲୁଚାଇଲେ ସମସ୍ୟାର ସମାଧାନ ହେବନି। ଦେଶର ଜମିକୁ ଚୀନଠାରୁ ଛଡାଇ ଅଣାଯିବ। ଏଥି ପାଇଁ ସେନାକୁ ରୋକଯିବନି। ସେନା ନିଯୁକ୍ତିରେ ଆରମ୍ଭ ହୋଇଥିବା ଅଗ୍ନିବୀର ଯୋଜନାକୁ ବନ୍ଦ କରାଯିବ। ସୈନ୍ୟ ନିଯୁକ୍ତି ପୁରୁଣା ପ୍ରକ୍ରିୟାରେ ହେବ। ଏପର୍ଯ୍ୟନ୍ତ ନିଯୁକ୍ତ ହୋଇଥିବା ସମସ୍ତ ଅଗ୍ନିବୀରଙ୍କ ନିଯୁକ୍ତି ସ୍ଥାୟୀ କରାଯିବ। ଦେଶର ଚାଷୀଙ୍କୁ ସ୍ୱାମୀନାଥନ ଆୟୋଗଙ୍କ ସୁପାରିଶ ଅନୁଯାୟୀ ସବୁ ପ୍ରକାର ଫସଲର ଏମଏସପି ନିର୍ଦ୍ଧାରଣ କରାଯାଇ ଫସଲର ପୁରା ଦାମ ଦିଆଯିବ ବୋଲି କହିଛନ୍ତି। ସେହିପରି କେଜରିୱାଲ ବେକାରୀ ଦୂରିକରଣ, ଭ୍ରଷ୍ଟାଚାର ନିବାରଣ ଓ ଜିଏସଟି ଶରଳୀକରଣ ଆଦି ନେଇ ମଧ୍ୟ ପ୍ରତିଶ୍ରୁତି ଦେଇଛନ୍ତି।