ଛାଡପତ୍ର ମଧ୍ୟରେ ଥଲାପତି ବିଜୟ ନେଲେ ବଡ ନିଷ୍ପତ୍ତି, ପତ୍ନୀଙ୍କୁ ଦେବେ ୨୫୦ କୋଟି ଟଙ୍କାର ଭରଣପୋଷଣ !

ମୁମ୍ଵାଇ ୦୪।୦୩; ତାମିଲ ସୁପରଷ୍ଟାର ଥାଲାପତି ବିଜୟଙ୍କ ବ୍ୟକ୍ତିଗତ ଜୀବନ ବର୍ତ୍ତମାନ ଚର୍ଚ୍ଚାରେ ଅଛି। ତାଙ୍କ ପତ୍ନୀ ସଙ୍ଗୀତା ୨୭ ବର୍ଷର ବିବାହ ପରେ ଛାଡପତ୍ର ପାଇଁ ଆବେଦନ କରିଛନ୍ତି। ଦୁହିଁଙ୍କ ମଧ୍ୟରେ ଛାଡପତ୍ର ମାମଲା ଜୋର ଧରିଛି। ସଂଗୀତା ସମ୍ପ୍ରତି ଚେଙ୍ଗାଲପଟୁ ପରିବାର କୋର୍ଟରେ ଏକ୍ସଟ୍ରା ମ୍ୟାରିଟାକ ଆଫେୟାର୍ସ ସମ୍ପର୍କ ଏବଂ ବୈବାହିକ ଜୀବନରେ ଗମ୍ଭୀର ସମସ୍ୟାର ଅଭିଯୋଗ ଆଣି ଛାଡପତ୍ର ଆବେଦନ କରିଛନ୍ତି। ବର୍ତ୍ତମାନ ରିପୋର୍ଟ ଅନୁସାରେ ବିଜୟ କୋର୍ଟରୁମ ବାହାରେ ଏହି ମାମଲାକୁ ସୌହାର୍ଦ୍ଦ୍ୟପୂର୍ଣ୍ଣ ଭାବରେ ସମାଧାନ କରିବାକୁ ଚାହୁଁଛନ୍ତି।

୨୫୦ କୋଟିର ଭରଣପୋଷଣ

ବିଜୟଙ୍କ ପତ୍ନୀ ସଙ୍ଗୀତା ସୋର୍ନାଲିଙ୍ଗମ ୨୭ ବର୍ଷର ବିବାହ ପରେ ଛାଡପତ୍ର ପାଇଁ ଆବେଦନ କରିଛନ୍ତି। ରିପୋର୍ଟ ଗୁଡ଼ିକ ଏବେ ସୂଚିତ କରୁଛି ଯେ ବିଜୟ କୋର୍ଟ ବାହାରେ ସମାଧାନ କରିବାକୁ ବିଚାର କରୁଛନ୍ତି, ତାଙ୍କୁ ୨୫୦ କୋଟିର ଭରଣପୋଷଣ ପ୍ରଦାନ କରୁଛନ୍ତି। ଯାହାଦ୍ୱାରା ଉଭୟଙ୍କ ମଧ୍ୟରେ ଶୀଘ୍ର ସମାଧାନ ହୋଇପାରିବ ଏବଂ ଏକ ଲମ୍ବା, ସଂଘର୍ଷପୂର୍ଣ୍ଣ କୋର୍ଟ ପ୍ରକ୍ରିୟାକୁ ଏଡାଇ ପାରିବେ। ସଙ୍ଗୀତାଙ୍କ ଆବେଦନରେ ଅନେକ ଗମ୍ଭୀର ଦାବି କରାଯାଇଛି। ଯେଉଁଥିରେ ଜଣେ ଅଭିନେତ୍ରୀଙ୍କ ସହିତ ଏକ୍ସଟ୍ରା ମ୍ୟାରିଟାଲ ଆଫେୟାର୍ସର ଅଭିଯୋଗ ମଧ୍ୟ ସାମିଲ ଅଛି। ହେଲେ ଅଭିନେତ୍ରୀଙ୍କ ନାମ ସାର୍ବଜନୀନ ଭାବରେ ପ୍ରକାଶ କରାଯାଇ ନାହିଁ। କୁହାଯାଉଛି ଯେ ସଙ୍ଗୀତା ଏହି ପ୍ରସଙ୍ଗ ଉଠାଇଥିଲେ କାରଣ ସେ ଗତ ଦୁଇ ବର୍ଷ ଧରି ବିଜୟଙ୍କ ଠାରୁ ଅଲଗା ରହୁଥିଲେ।

ଏହି ସମୟରେ, ବିଜୟଙ୍କ ପ୍ରସ୍ତାବ ସୂଚାଇ ଦେଉଛି ଯେ ସେ ଏହି ମାମଲାକୁ ସୌହାର୍ଦ୍ଦପୂର୍ଣ୍ଣ ଭାବରେ ସମାଧାନ କରିବାକୁ ଏବଂ ଆଇନଗତ କାର୍ଯ୍ୟାନୁଷ୍ଠାନ ବିନା ଏହି ବ୍ୟକ୍ତିଗତ ସମସ୍ୟାର ସମାଧାନ କରିବାକୁ ଚାହାଁନ୍ତି। ଛାଡପତ୍ର ମାମଲାରେ ଭରଣପୋଷଣ ବିବାଦ ପ୍ରାୟତଃ ଲମ୍ବିଥାଏ କିନ୍ତୁ ଏହି ଗୁରୁତ୍ୱପୂର୍ଣ୍ଣ ପ୍ରସ୍ତାବ ସହିତ, ସମସ୍ତଙ୍କ ନଜର ସଙ୍ଗୀତାଙ୍କ ପ୍ରତିକ୍ରିୟା ଏବଂ ପରବର୍ତ୍ତୀ ଆଇନଗତ ରଣନୀତି ଉପରେ ରହିଛି। ଏହି ଖବର ପ୍ରଶଂସକ ଏବଂ ଗଣମାଧ୍ୟମ ପକ୍ଷରୁ ବିଭିନ୍ନ ପ୍ରତିକ୍ରିୟା ସୃଷ୍ଟି କରିଛି। ତଥାପି, ବିଜୟ କିମ୍ବା ସଙ୍ଗୀତା ଏପର୍ଯ୍ୟନ୍ତ ଏହି ବିଷୟରେ କିଛି କହିନାହାଁନ୍ତି।

ଅଧିକ ପଢନ୍ତୁ- ବୁଢା ବୟସରେ ଛାଡୁନି ସାଉଥ ଷ୍ଟାରଙ୍କ ଜବାନୀ, ଅଭିନେତ୍ରୀଙ୍କ ପ୍ରେମରେ ଉବୁଟୁବୁ ବିଜୟ !