ନୂଆଦିଲ୍ଲୀ: ଭାରତ ପୁଣି ଥରେ ପାକିସ୍ତାନକୁ ତାର ଔକାତ୍ ଦେଖାଇଛି । ଭାରତୀୟ ସେନା ସାମ୍ୱାଦିକ ସମ୍ମିଳନୀ କରି ପାକିସ୍ତାନର ମୁଖା ଖୋଲି ଦେଇଛି । ପାକିସ୍ତାନର ପ୍ରତିଟି ମିଛ ପ୍ରଚାରର ପର୍ଦ୍ଦାଫାସ କରିଛି । ଏହାସହ ପାକିସ୍ତାନର ଡିଫେନ୍ସ ସିଷ୍ଟମକୁ ବ୍ୟାପକ କ୍ଷତି ପହଞ୍ଚାଇଥିବା ଭାରତୀୟ ସେନା କହିଛି ।
ସେନାର ପ୍ରେସମିଟରେ କର୍ଣ୍ଣେଲ କୁରେସୀ ପାକିସ୍ତାନର ସବୁ ମିଛ ପ୍ରଚାରର ପର୍ଦ୍ଦାଫାସ୍ କରିଛନ୍ତି । ସେ କହିଛନ୍ତି ଯେ ନିଜର ବିଫଳତାକୁ ଲୁଚାଇବା ପାଇଁ ପାକିସ୍ତାନ ମିଛ ପ୍ରଚାର କରିଥିଲା ଯେ ଭାରତୀୟ ସେନା ମସଜିଦଗୁଡ଼ିକୁ କ୍ଷତି ପହଞ୍ଚାଇଛି । କର୍ଣ୍ଣେଲ କୁରେଶୀ କହିଛନ୍ତି, 'ଭାରତ ଏକ ଧର୍ମନିରପେକ୍ଷ ଦେଶ ଏବଂ ଆମର ସେନା ସାମ୍ବିଧାନିକ ମୂଲ୍ୟବୋଧର ଏକ ଉଦାହରଣ। ଆମେ କେବେବି ଧାର୍ମିକ ସ୍ଥାନଗୁଡ଼ିକୁ ଟାର୍ଗେଟ କରୁନାହୁଁ । ପାକିସ୍ତାନର ଏହି ଅଭିଯୋଗ ଏହାର ହତାଶା ଏବଂ କାପୁରୁଷତାକୁ ପ୍ରତିଫଳିତ କରୁଛି ।'
#WATCH | Delhi | Wing Commander Vyomika Singh says, "There has been an extensive damage to the crucial Pakistani air bases- Skardu, Jacobabad and Bholari. In addition, a loss of AD weapon system and radar made the defence of Pakistani airspace untenable..." pic.twitter.com/PorMBMhVug
— ANI (@ANI) May 10, 2025
କର୍ଣ୍ଣେଲ ସୋଫିଆ କୁରେଶୀ କହିଛନ୍ତି, 'ପାକିସ୍ତାନ ଦାବି କରିଛି ଯେ ସେ ଏହାର JF-17 ସାହାଯ୍ୟରେ ଆମର S-400 ଏବଂ ବ୍ରହ୍ମୋସ କ୍ଷେପଣାସ୍ତ୍ର ଘାଟିକୁ କ୍ଷତି ପହଞ୍ଚାଇଛି, ଯାହା ସମ୍ପୂର୍ଣ୍ଣ ଭୁଲ।' ପାକିସ୍ତାନ ଏହା ବି ପ୍ରଚାର କଲା ଯେ ଆମର ସିରସା, ଜମ୍ମୁ, ପଠାନକୋଟ, ଭଟିଣ୍ଡା, ନାଲିଆ ଏବଂ ଭୁଜ ବିମାନବନ୍ଦର କ୍ଷତିଗ୍ରସ୍ତ ହୋଇଛି, ଯାହା ମଧ୍ୟ ସମ୍ପୂର୍ଣ୍ଣ ମିଛ । ପାକିସ୍ତାନ ଆଉ ଏକ ମିଛ ପ୍ରଚାର କଲା ଯେ, ଚଣ୍ଡିଗଡ଼ ଏବଂ ବ୍ୟାସରେ ଆମର ଗୋଳାବାରୁଦ ଡିପୋ କ୍ଷତିଗ୍ରସ୍ତ ହୋଇଛି, ଯାହା ମଧ୍ୟ ସମ୍ପୂର୍ଣ୍ଣ ମିଛ ।
