ନୂଆଦିଲ୍ଲୀ: ‘କିଛି ଲୋକଙ୍କ ନିଜ ହଜିଯିବ...’ କେରଳରେ ପ୍ରଧାନମନ୍ତ୍ରୀଙ୍କ ଏହି ବୟାନ ଏବେ ରାଜନୀତିରେ ଚର୍ଚ୍ଚାରେ ରହିଛି । ପିଏମଙ୍କ ଏହି ବୟାନ ଉପରେ ଏବେ କଂଗ୍ରେସର ପ୍ରତିକ୍ରିୟା ସାମନାକୁ ଆସିଛି । କଂଗ୍ରେସ ନେତା କେ.ସି.ବେଣୁଗୋପାଳ କହିଛନ୍ତି ଯେ ମୁଁ ଜାଣିନି ପ୍ରଧାନମନ୍ତ୍ରୀ ବୟାନ କାହିଁକି ଦେଲେ ।
କଂଗ୍ରେସ ମହାସଚିବ କେ.ସି ବେଣୁଗୋପାଳ ପ୍ରତିକ୍ରିୟା ଦେଇ କହିଛନ୍ତି, 'ମୁଁ ଜାଣିନି ପ୍ରଧାନମନ୍ତ୍ରୀ ଏପରି କାହିଁକି କହିଲେ । ପ୍ରଧାନମନ୍ତ୍ରୀ ହିଁ ସେହି ବ୍ୟକ୍ତି ହେବେ, ଯାହାଙ୍କ ରାତିର ନିଦ ହଜିବ । ଇଣ୍ଡିଆ ମେଣ୍ଟ, ରାହୁଲ ଗାନ୍ଧୀ କି କଂଗ୍ରେସର ନୁହେଁ । ଆମେ ଜାତି ଜନଗଣନା ଓ ୫୦ ପ୍ରତିଶତ ସଂରକ୍ଷଣ ସୀମା ହଟାଇବା ପ୍ରସଙ୍ଗରେ ସରକାରଙ୍କ ଚାପ ପକାଇବୁ । ବେଣୁଗୋପାଳ ମହିଳା ସଂରକ୍ଷଣ ବିଧେୟକ କଥା ଉଲ୍ଲେଖ କରି କହିଛନ୍ତି ଯେ କଂଗ୍ରେସ ଏହି ପ୍ରସଙ୍ଗରେ ସରକାରଙ୍କୁ ଶାନ୍ତିରେ ବସିବାକୁ ଦେବ ନାହିଁ ।'
#WATCH दिल्ली: कांग्रेस महासचिव के.सी. वेणुगोपाल ने कहा, "मुझे नहीं पता कि प्रधानमंत्री ऐसा क्यों कह रहे हैं... प्रधानमंत्री ही वह व्यक्ति होंगे जिनकी रातों की नींद उड़ जाएगी, न कि INDI गठबंधन, राहुल गांधी या कांग्रेस। हम जाति जनगणना के मुद्दे पर उन पर अधिकतम दबाव बनाने जा रहे… pic.twitter.com/eLJThSAN5S
— ANI_HindiNews (@AHindinews) May 2, 2025
ବେଣୁଗୋପାଳ ଏକ୍ସରେ ପୋଷ୍ଟ କରି କହିଛନ୍ତି, 'ପହଲଗାମ ଆତଙ୍କୀ ଆକ୍ରମଣ ପରେ ବି ଆମ ପ୍ରଧାନମନ୍ତ୍ରୀ ପାକିସ୍ତାନ ଲହ ଲଢିବା ପରିବର୍ତ୍ତେ ବିରୋଧୀ ନେତାଙ୍କ ନିଦ ହଜାଇବା କଥା କହୁଛନ୍ତି । ତାଙ୍କ ପ୍ରାଥମିକତା ପୂରା ସ୍ପଷ୍ଟ-ନିଜ ପ୍ରକୃତ ମାଲିକ ଆଦାନୀଙ୍କୁ ଖୁସି କରିବା । କିନ୍ତୁ ନିଶ୍ଚିତ ରୁହନ୍ତୁ, ଯେତେବେଳେ ଆପଣ ଆଣପଙ୍କ କର୍ମରେ ବ୍ୟସ୍ତ ରହିବେ, ସେତେବେଳେ ଆମ ରାତି ଆପଣଙ୍କୁ ଉତ୍ତରଦାୟୀ କରାଇବାରେ ବିତିବ ।'
ଥିରୁଅନନ୍ତପୁରମରେ ବିଜିଂଜମ ବନ୍ଦରର ଉଦଘାଟନ ବେଳେ ପିଏମ୍ ମୋଦୀ କଂଗ୍ରେସ ଓ ଇଣ୍ଡି ମେଣ୍ଟକୁ କଟାକ୍ଷ କରିଥିଲେ । ସେ କହିଥିଲେ, ଆଜିର ଏହି ଆୟୋଜନ ପୂରା ଅଲଗା । କିଛି ଲୋକଙ୍କ ନିଦ ଆଜି ହଜିଯିବ । ଏହି ଟିପ୍ପଣୀ ବେଳେ ମଞ୍ଚ ଉପରେ କଂଗ୍ରେସ ସାଂସଦ ଶଶି ଥରୁର ଓ କେରଳ ମୁଖ୍ୟମନ୍ତ୍ରୀ ପିନରାଇ ବିଜୟନଙ୍କ ଉପସ୍ଥିତ ରହିଥିଲେ ।
