୨୦ ଦିନର ଯୁଦ୍ଧ ପରେ ଥାଇଲ୍ୟାଣ୍ଡ ଓ କାମ୍ୱୋଡିଆ ମଧ୍ୟରେ ଅସ୍ତ୍ରବିରତି, ୧୦୧ ଜଣଙ୍କ ଗଲାଣି ଜୀବନ

ନୂଆଦିଲ୍ଲୀ: ଥାଇଲ୍ୟାଣ୍ଡ ଓ କାମ୍ୱୋଡିଆ ଶନିବାର ଏକ ଯୁଦ୍ଧବିରତି ବୁଝାମଣା ସ୍ୱାକ୍ଷର କରିଛନ୍ତି । ଏହି ବୁଝାମଣା ସହ କ୍ଷେତ୍ରୀୟ ସୀମାକୁ ନେଇ ଧରି ଜାରି ରହିଥିବା ସଶସ୍ତ୍ର ସଂଘର୍ଷ ଶେଷ ହୋଇଛି । ସ୍ଥାନୀୟ ସମୟ ଅନୁସାରେ ଶନିବାର ମଧ୍ୟାହ୍ଣ ୧୨ଟାରୁ ପ୍ରଭାବୀ ହୋଇସାରିଛି ।

ଥାଇଲ୍ୟାଣ୍ଡ ପ୍ରତିରକ୍ଷା ମନ୍ତ୍ରୀ ନାଥାଫୋନ୍ ନାକ୍ରାଫାନିଟ୍ ଏବଂ ତାଙ୍କ କାମ୍ବୋଡିଆ ସମକକକ୍ଷ ଟି ସେହାଙ୍କ ଦ୍ୱାରା ସ୍ୱାକ୍ଷରିତ ଏହି ଚୁକ୍ତିନାମା ୨୦ ଦିନିଆ ସଂଘର୍ଷର ଅନ୍ତ ଘଟାଇଛି । ଏହି ସଂଘର୍ଷରେ ବର୍ତ୍ତମାନ ସୁଦ୍ଧା ୧୦୧ ଜଣଙ୍କ ଜୀବନ ଯାଇଛି ଏବଂ ଉଭୟ ପକ୍ଷର ପାଞ୍ଚ ଲକ୍ଷରୁ ଅଧିକ ଲୋକଙ୍କୁ ବିସ୍ଥାପିତ ହୋଇଛନ୍ତି ।

୧୮ ଜଣ କାମ୍ବୋଡିଆନ୍ ସୈନିକଙ୍କ ମୁକ୍ତି ପାଇଁ ଚୁକ୍ତିନାମା

ଚୁକ୍ତିନାମାରେ ଦୁଇ ଦେଶ କୌଣସି ସାମରିକ କାର୍ଯ୍ୟକଳାପ ନକରିବା ଏବଂ ସାମରିକ ଉଦ୍ଦେଶ୍ୟ ପାଇଁ ଉଭୟ ପକ୍ଷର ଆକାଶ ସୀମା ଉଲ୍ଲଂଘନ ନକରିବା ପାଇଁ ସହମତ ହୋଇଛନ୍ତି । ଏହା ବ୍ୟତୀତ ଥାଇଲ୍ୟାଣ୍ଡକୁ ଜୁଲାଇରେ ହୋଇଥିବା ୭୨ ଘଣ୍ଟାର ଯୁଦ୍ଧ ସମୟରେ ବନ୍ଦୀ ହୋଇଥିବା ୧୮ ଜଣ କାମ୍ବୋଡିଆନ୍ ସୈନିକଙ୍କୁ ମୁକ୍ତ କରିବାକୁ ପଡିବ ।

ପୂର୍ବରୁ ଏକ ଯୁଦ୍ଧବିରତି ହୋଇସାରିଛି

ଉଭୟ ପକ୍ଷ ପୂର୍ବ ଯୁଦ୍ଧବିରତି ଏବଂ ଜୁଲାଇରେ ପାଞ୍ଚ ଦିନିଆ ସଂଘର୍ଷର ଅନ୍ତ କରିଥିବା ଚୁକ୍ତିନାମା ପ୍ରତି ପ୍ରତିଶ୍ରୁତିବଦ୍ଧ । ଜୁଲାଇରେ ହୋଇଥିବା ପ୍ରାରମ୍ଭିକ ଯୁଦ୍ଧବିରତି ମାଲେସିଆ ଦ୍ୱାରା ମଧ୍ୟସ୍ଥତା କରାଯାଇଥିଲା । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଚାପ ପରେ ଏହି ଚୁକ୍ତିନାମା କାର୍ଯ୍ୟକାରୀ ହୋଇଥିଲା । ଥାଇଲ୍ୟାଣ୍ଡ ଏବଂ କାମ୍ବୋଡିଆ ରାଜି ନ ହେଲେ ବାଣିଜ୍ୟିକ ସୁବିଧାକୁ ରଦ୍ଦ କରିବାକୁ ଧମକ ଦେଇଥିଲେ ।