ଦ୍ୱିତୀୟ ଟି-୨୦ରେ ଭାରତର ଜୋରଦାର କମବ୍ୟାକ୍, ୧୦୦ ରନରେ ଜିମ୍ୱାୱେକୁ ହରାଇଲା ଟିମ୍ ଇଣ୍ଡିଆ; ସିରିଜ ୧-୧ରେ ବରାବର

Published By : Prameya-News7 Bureau | July 07, 2024 IST

ନୂଆଦିଲ୍ଲୀ: ଜିମ୍ୱାୱେ ବିପକ୍ଷ ଟି-୨୦ ସିରିଜରେ ଟିମ୍ ଇଣ୍ଡିଆ ଜୋରଦାର କମବ୍ୟାକ୍ କରିଛି । ପ୍ରଥମ ମ୍ୟାଚ୍ ୧୩ ରନ୍‌ରେ ହାରିବା ପରେ ଭାରତୀୟ ଟିମ୍ ରବିବାର ଦ୍ୱିତୀୟ ମୁକାବିଲାରେ ୧୦୦ ରନ୍‌ରେ ବିଜୟୀ ହୋଇଛି । ଏହାସହ ୫ ମ୍ୟାଚ୍ ବିଶିଷ୍ଟ ଏହି ଟି-୨୦ ସିରିଜ ୧-ରେ ବରାବର ହୋଇଛି । ଓପନର ଅଭିଷେକ ଶର୍ମାଙ୍କ ଦମଦାର ଶତକ ବଳରେ ଭାରତ ୨୩୫ ରନ ଲକ୍ଷ୍ୟ ଦେଇଥିଲା । ଜବାବରେ ଜିମ୍ୱାୱେ ଟିମ୍ ୧୮.୪ ଓଭରରେ ୧୩୪ ରନ୍‌ରେ ଅଲଆଉଟ୍ ହୋଇଛି । ଭାରତ ପାଇଁ ଦ୍ରୁତ ବୋଲର ମୁକେଶ କୁମାର ଏବଂ ଅଭେଶ ଖାନ ତିନୋଟି ଲେଖାଏଁ ୱିକେଟ୍ ନେଇଥିଲେ । ସ୍ପିନର ରବି ବିଷ୍ଣୋଇ ଏବଂ ଅଲରାଉଣ୍ଡର ୱାଶିଂଟନ ସୁନ୍ଦର ଗୋଟିଏ ଲେଖାଏଁ ୱିକେଟ୍ ଶିକାର କରିଥିଲେ । 

ହରାରେ ସ୍ପୋର୍ଟ୍ସ କ୍ଲବରେ ଖେଳା ଯାଇଥିବା ଏହି ମ୍ୟାଚରେ ପ୍ରଥମ ଟସ୍ ଜିତି ଭାରତ ବ୍ୟାଟିଂ ନିଷ୍ପତ୍ତି ନେଇଥିଲା । ଅଭିଷେକ ଶର୍ମାଙ୍କ ଧୂଆଁଧାର ଶତକ ଏବଂ ଋତୁରାଜ ଗାଏକୱାଡଙ୍କ ଅର୍ଦ୍ଧଶତକୀୟ ଇନିଂସ ଏବଂ ରିଙ୍କୁ ସିଂହଙ୍କ ବିସ୍ଫୋରକ ବ୍ୟାଟିଂ ବଳରେ ଟିମ୍ ଇଣ୍ଡିଆ ନିର୍ଦ୍ଧାରିତ ୨୦ ଓଭରରେ ୨ ୱିକେଟ୍ ହରାଇ ୨୩୪ ରନ୍ କରିଥିଲା । 

ହରାରେ ସ୍ପୋର୍ଟ୍ସ କ୍ଲବରେ ଖେଳା ଯାଇଥିବା ଏହି ମ୍ୟାଚରେ ପ୍ରଥମ ଟସ୍ ଜିତି ଭାରତ ବ୍ୟାଟିଂ ନିଷ୍ପତ୍ତି ନେଇଥିଲା । ତେବେ କ୍ୟାପ୍ଟେନ ଶୁଭମନ ଗିଲ୍ ମାତ୍ର ୨ ରନ୍ କରି ଆଉଟ୍ ହୋଇଥିଲେ । ଅଭିଷେକ ଶର୍ମା ୪୬ ବଲରେ ଶତକ ହାସଲ କରି ଟିମ୍ ଇଣ୍ଡିଆକୁ ବିଶାଳ ସ୍କୋର ଆଡ଼କୁ ନେଇଥିଲେ । ଅଭିଷେକ ବିସ୍ଫୋରକ ବ୍ୟାଟିଂ କରୁଥିବା ବେଳେ ଋତୁରାଜ ଗାଏକୱାଡ ରକ୍ଷଣାତ୍ମକ ବ୍ୟାଟିଂ କରିଥିଲେ । ଦୁହିଁଙ୍କ ମଧ୍ୟରେ ୧୩୭ ରନର ପାର୍ଟନରଶିପ୍ ହୋଇଥିଲା । ତେବେ ଅଭିଷେକ ଆଉଟ୍ ହେବା ପରେ ନିଜ ଗିୟର ବଦଳାଇଥିଲେ ଋତୁରାଜ । ଶେଷରେ ରିଙ୍କୁ ସିଂହ ମଧ୍ୟ ନିଜ ବ୍ୟାଟରୁ ରନ୍ ବର୍ଷା କରି ଜିମ୍ୱାୱେକୁ ୨୩୫ ରନ୍ ଟାର୍ଗେଟ୍ ଦେଇଥିଲେ । ଋତୁରାଜ ୪୭ ବଲରେ ୭୭ ରନ୍ ଏବଂ ରିଙ୍କୁ ସିଂହ ୨୨ ବଲରୁ ୪୮ ରନ୍ କରି ଅପରାଜିତ ରହିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.