ଭୁବନେଶ୍ଵର: ଲିଭର ଯାହାକୁ ଓଡ଼ିଆରେ କୁହାଯାଏ ଯକୃତ, ମାନବ ଶରୀରର ଏକ ଗୁରୁତ୍ଵପୂର୍ଣ୍ଣ ଅଙ୍ଗ। ଏହା ମେଟାବୋଲିଜିମ, ଇମ୍ୟୁନିଟି, ଡାଇଜେସନ, ଟକ୍ସିନ୍ସକୁ ବାହାର କରିବା, ଭିଟାମିନର ଷ୍ଟୋରେଜ ସମେତ ଶରୀରର ଅନେକ ସଞ୍ଚାଳନରେ ମୁଖ୍ୟ ଭୂମିକା ଗ୍ରହଣ କରିଥାଏ। ଲିଭର ସୁସ୍ଥ ରହିବା ମୋଟାମୋଟି ସ୍ଵାସ୍ଥ୍ୟ ପାଇଁ ଅତି ଜରୁରୀ। ଲିଭର ଅସୁସ୍ଥ ହେଲେ ଶରୀରରେ ନାନା ପ୍ରକାରର ସମସ୍ୟା ଦେଖାଦିଏ, ଏପରିକି ଜୀବନ ଚାଲି ଯିବାର ଆଶଙ୍କା ରହିଥାଏ। ଏଥିପାଇଁ ଶରୀରକୁ ସୁସ୍ଥ ରଖିବା ପାଇଁ ଲିଭରକୁ ସୁସ୍ଥ ରଖିବା ଅତି ଜରୁରୀ। ଲିଭରକୁ ସୁସ୍ଥ ରଖିବା ପାଇଁ ଏହି ଖାଦ୍ୟ ଖାଇବା ଆବଶ୍ୟକତା ରହିଛି।
ଫଳ ଓ ପନିପରିବା
ଲିଭରକୁ ସୁସ୍ଥ ରଖିବା ପାଇଁ ପ୍ରତିଦିନ ନିଜ ଖାଦ୍ୟରେ ଫଳ ଓ ପନିପରିବାର ରଖନ୍ତୁ। ଏଥିରେ ଆଣ୍ଟିଅକ୍ସିଡେନ୍ସ, ଭିଟାମିନ ଓ ଫାଇବର ରହିଥାଏ, ଯାହା ଲିଭରକୁ ସୁସ୍ଥ ରଖିଥାଏ। ପାଳଙ୍ଗ ସାଗ, ଗାଜର, ସେଓ, ଅଙ୍ଗୁର, ବ୍ରୋକଲି ପରି ଫଳ ଓ ପନିପରିବା ଖାଆନ୍ତୁ। ବିଶେଷ କରି ନିୟମିତ ଭାବେ ଖଟା ଫଳ ଖାଇବାରେ ଲିଭର ଫୁଲି ନ ଥାଏ।
ଡାଲି ଜାତୀୟ ଖାଦ୍ୟ ଶରୀର ପାଇଁ ଅତି ଜରୁରୀ। ଏଥିପାଇଁ ମୁଗ ଡାଲି, ଚଣା ଡାଲି ଓ ମଶୂର ଡାଲି ଖାଇବା ଦ୍ଵାରା ଲିଭର ସୁସ୍ଥ ରହିଥାଏ। ବାଦାମ ନିଶ୍ଚୟ ଖାଆନ୍ତୁ।
ଗବେଷଣା ଅନୁ୍ଯାୟୀ, ଗ୍ରୀନ ଟିକୁ ଲିଭର ପାଇଁ ଲାଭଦାୟୀ କୁହାଯାଏ। କାରଣ ଏଥିରେ ଆଣ୍ଟିଅକ୍ସିଡେଣ୍ଟ୍ସ ରହିଥାଏ। ଏହା ଲିଭରକୁ ଫୁଲିବାକୁ ଦେଇ ନ ଥାଏ।
