୧୪ ସପ୍ତାହ ପରେ ହଠାତ୍ ବିଗ୍‌ବସ୍‌ ଘରୁ ବାହାରିଲେ ଅଶନୁର, କହିଲେ- ବହୁତ ଖରାପ ଲାଗୁଛି ହେଲେ…

ନୂଆଦିଲ୍ଲୀ ୦୧।୧୧; ଏଥର ବିଗ୍ ବସ୍ ୧୯ରେ ଡବଲ ଝଟକା ଦେଖିବାକୁ ମିଳିଛି। ଏଥର ଘରେ ଦୁଇ ଜଣଙ୍କର ଏଭିକ୍ସନ ହୋଇଥିଲା, ଯେଉଁଥିରେ ଶେହବାଜ ବାଦେଶା ସବୁଠାରୁ କମ୍ ଭୋଟ ପାଇଥିଲେ। ତାନ୍ୟା ମିତ୍ତଲଙ୍କୁ ମାରିବା ଘଟଣାରେ ଅଭିନେତ୍ରୀ ଅଶନୁର କୌରଙ୍କୁ ଶୋ’ରୁ ବାହାର କରାଯାଇଥିଲା। ଶୋ’ର ହୋଷ୍ଟ ସଲମାନ ଖାନ ନିଜେ ତାଙ୍କୁ ୱିକେଣ୍ଡ କା ୱାରରେ ଘରୁ ବାହାର କରିଦେଇଥିଲେ।

କ’ଣ ଅଶନୁର କୌର କହିଥିଲେ?

ଅଶନୁରଙ୍କ ଘରୁ ବାହାରିବା ଘଟଣା ଅନେକଙ୍କୁ ଆଶ୍ଚର୍ଯ୍ୟ କରିଥିଲା। ଟିଭି ଇଣ୍ଡଷ୍ଟ୍ରିରେ ଅନେକ ଲୋକ ଅଭିନେତ୍ରୀଙ୍କ ବିରୋଧରେ ନିଆଯାଇଥିବା ନିଷ୍ପତ୍ତିକୁ ନିନ୍ଦା କରିଥିଲେ। ଏବେ, ଅଶନୁର ବିଗ୍ ବସ୍ ୧୯ରୁ ହଠାତ୍ ବାହାରିଯିବା ପରେ ପ୍ରଥମ ଥର ପାଇଁ ପ୍ରତିକ୍ରିୟା ଦେଇଛନ୍ତି। ରବିବାର, ସେ ତାଙ୍କ ଇନଷ୍ଟାଗ୍ରାମରେ ଏକ ଲାଇଭ୍ ସେସନ୍ କରିଥିଲେ, ଯେଉଁଠାରେ ସେ ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଇଥିଲେ।

ପ୍ରଶଂସକମାନେ ଅଶନୁରଙ୍କ ପାଇଁ ଗଭୀର ଚିନ୍ତିତ ଥିଲେ। ୧୪ ସପ୍ତାହର ଏକ ଉଲ୍ଲେଖନୀୟ ଯାତ୍ରା ପରେ, ଅଭିନେତ୍ରୀ ଯେଉଁ ଢଙ୍ଗରେ ଶୋ’ ଛାଡିଥିଲେ, ତାହା ହୃଦୟ ଭାଙ୍ଗି ଦେଇଥିଲା। ଅଶନୁର କାନ୍ଦି କାନ୍ଦି ଘରୁ ବାହାରକୁ ଆସିଥିଲେ। ଲାଇଭ୍ ସେସନ୍ ସମୟରେ, ଅଭିନେତ୍ରୀ ପ୍ରକାଶ କରିଥିଲେ ଯେ ସେ ଏବେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ଏବଂ ଶାନ୍ତିରେ ରହୁଛନ୍ତି। ଲାଇଭ୍ ସେସନ୍ ସମୟରେ ଅଶନୁର କହିଥିଲେ, "ତୁମ ସମସ୍ତଙ୍କ ଠାରୁ ୧୪ ସପ୍ତାହ ଦୂର। ମୁଁ ତୁମ ସହିତ କଥା ହୋଇ ପାରିଲି ନାହିଁ। କିନ୍ତୁ ଆଜି ମୁଁ ଲାଇଭ୍ ଆସିବାର କାରଣ ହେଉଛି ମୁଁ ଏବେ ଭଲ ଅଛି…ମୁଁ ଜାଣେ ଏହି ଏଭିକସନ ବହୁତ ଶକିଂ ଥିଲା। ଯାହା ହେବାର ଥିଲା ବୋଧେ ଠିକ୍ ହେଲା। ଏହା ମୋର ଭାଗ୍ୟ ଥିଲା। ମୋତେ ଟିକେ ଖରାପ ଲାଗୁଛି…ତୁମେ ସମସ୍ତେ ମୋତେ ଯେଭଳି ସମର୍ଥନ କରିଛ... ଧନ୍ୟବାଦ।