ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୪ରେ ଇମ୍ପାକ୍ଟ ପ୍ଲେୟର ନିୟମକୁ ନେଇ କିଛି ବରିଷ୍ଠ କ୍ରିକେଟର ସ୍ୱର ଉଠାଇଥିଲେ । ଆଇପିଏଲ୍ ୨୩ରୁ ଆରମ୍ଭ ହୋଇଥିବା ଏହି ନିମୟରେ ଅଲରାଉଣ୍ଡର୍ସଙ୍କୁ କ୍ଷତି ସହିବାକୁ ପଡ଼ୁଛି । ଭାରତୀୟ ଟିମର ଅଧିନାୟକ ରୋହିତ୍ ଶର୍ମା ମଧ୍ୟ ଇମ୍ପାକ୍ଟ ପ୍ଲେୟର ନିୟମର ପ୍ରଶଂସକ ନୁହନ୍ତି । ଏହାରି ଭିତରେ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ ସଚିବ ଜୟ ଶହ କହିଛନ୍ତି ଯେ ଇମ୍ପାକ୍ଟ ପ୍ଲେୟର ନିୟମ ସ୍ଥାୟୀ ନୁହେଁ ଏବଂ ପୁଣି ଥରେ ଏହାର ସମୀକ୍ଷା କରାଯିବ । ତେବେ ଏହା ମଧ୍ୟ ସେ ସ୍ପଷ୍ଟ କରିଛନ୍ତି ଯେ ଇମ୍ପାକ୍ଟ ପ୍ଲେୟର ନିୟମକୁ ନେଇ ଏବେ ସୁଦ୍ଧା ବୋର୍ଟ ପାଖକୁ କୌଣସି ଫିଡ ବ୍ୟାକ୍ ଆସି ନାହିଁ । କିନ୍ତୁ ଟି-୨୦ ୱାର୍ଲଡ କପ୍ ଶେଷ ହେବା ପରେ ଏହି ନିମୟର ସମୀକ୍ଷା କରାଯିବ ।
ମୁମ୍ୱାଇରେ ଗଣମାଧ୍ୟମକୁ ଜବାବ ଦେଇ ଜୟ ଶାହ କହିଛନ୍ତି ଯେ ଏହି ନିୟମରୁ ଲାଭ ମିଳିଛି କାରଣ ଏହାଦ୍ୱାରା ଦୁଇ ଜଣ ନୂଆ ଖେଳାଳିଙ୍କୁ ଆଇପିଏଲରେ ଖେଳିବାର ସୁଯୋଗ ମିଳିଛି । ଶାହ କହିଛନ୍ତି, ଇମ୍ପାକ୍ଟ ପ୍ଲେୟର ନିୟମକୁ ଟେଷ୍ଟ କେସ ରୂପେ ଲାଗୁ କରାଯାଇଥିଲା, ଏହାର ଭଲ ପକ୍ଷ ଏହା ଯେ ଏଥିରେ ଦୁଇ ଅତିରିକ୍ତ ଭାରତୀୟ ଖେଳାଳିଙ୍କୁ ଖେଳିବାର ସୁଯୋଗ ମିଳୁଛି । ଅଧିକ ଦୁଇ ଜଣ ଭାରତୀୟ ଖେଳାଳିଙ୍କୁ ସୁଯୋଗ ମିଳୁ କ'ଣ ଏହା ଜରୁରୀ ନୁହେଁ । ଏହାଦ୍ୱାରା ପ୍ରତିଦ୍ୱନ୍ଦ୍ୱିତା ମଧ୍ୟ ବଢୁଛି, କିନ୍ତୁ ଏହା ସତ୍ତ୍ୱେ ଯଦି ଖେଳାଳିଙ୍କୁ ଲାଗେ ଏହା ଠିକ୍ ନୁହେଁ, ତେବେ ଆମେ ଏହା ଉପରେ ଆଲୋଚନା କରିବୁ । ତେବେ ବୋର୍ଡକୁ ବର୍ତ୍ତମାନ ସୁଦ୍ଧା କେହି ମଧ୍ୟ ଇମ୍ପାକ୍ଟ ପ୍ଲେୟର ନିୟମକୁ ନେଇ କିଛି କହିନାହାନ୍ତି ।
ଜୟ ଶାହ କହିଛନ୍ତି, ଟି-୨୦ ବିଶ୍ୱକପ ପରେ ଆମେ ଖେଳାଳି, ଫ୍ରାଞ୍ଚାଇଜ୍ ଟିମ୍ ଏବଂ ବ୍ରଡକାଷ୍ଟର୍ସଙ୍କ ସହ ଆଲୋଚନା କରିବୁ ଏବଂ ଆଗକୁ କଣ ହେବ ତାହା ଉପରେ ନିଷ୍ପତ୍ତି ନେବୁ । ଏହା କୌଣସି ସ୍ଥାୟୀ ନିୟମ ନୁହେଁ । ଏହାସହ ଜୟ ଶାହ କହିଛନ୍ତି ଯେ ଟି-୨୦ ଲିଗ୍ ଚାମ୍ପିୟନ ଲିଗକୁ ନେଇ କୌଣସି ଚର୍ଚ୍ଚା ହୋଇ ନାହିଁ ।
