ନୂଆଦିଲ୍ଲୀ ୦୨।୧୨: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) । ବିଶ୍ୱର ସର୍ବବୃହତ ତଥା ପ୍ରସିଦ୍ଧ ଟି-୨୦ କ୍ରିକେଟ୍ ଲିଗ୍ । ପ୍ରତି ଫ୍ରାଞ୍ଚାଇଜ ପଛରେ ରହିଛନ୍ତି ଜଣେ କୋଟିପତି ମାଲିକ । ଆଇପିଏଲର ପ୍ରତ୍ୟେକ ମ୍ୟାଚର ରହିଛି ମହତ୍ବ । ଗୋଟିଏ ମ୍ୟାଚ୍ ହାରିବା କେବଳ ଦଳ ପାଇଁ ନୁହେଁ ମାଲିକମାନଙ୍କ ପାଇଁ ମଧ୍ୟ ଏକ ବଡ଼ ଝଟକା । କିନ୍ତୁ ପ୍ରଶ୍ନ ଆସୁଛି ମାଲିକମାନେ ଗୋଟିଏ ମ୍ୟାଚ୍ ହରାଇ କେତେ ଟଙ୍କା କ୍ଷତି ସହିଥାନ୍ତି ?
ଆଇପିଏଲ୍କୁ ଅନେକ ସୋର୍ସରୁ ଆସିଥାଏ ଟଙ୍କା । ଖାସ୍ କରି ମିଡିଆ କଭରେଜ, ସ୍ପନସ୍ପରସିପ୍, ଟିକେଟ୍ ବିକ୍ରି ଏବଂ ମର୍ଚେଡାଇଜ୍ରୁ ଆସିଥାଏ ଆୟ । ବାସ୍ତବରେ କୌଣସି ବି ଆଇପିଏଲ୍ ମ୍ୟାଚରେ ଟେଲିଭିଜନ୍ ଏବଂ ଡିଜିଟାଲ୍ ଅଧିକାରର ନିଲାମରୁ ଭଲ ଆୟ ମିଳିଥାଏ । ଏହାବ୍ୟତୀତ ବିଭିନ୍ନ କମ୍ପାନୀ ଆଇପିଏଲ୍ ଟିମ୍ ଏବଂ ମ୍ୟାଚ୍କୁ ସ୍ପନସର କରିଥାନ୍ତି । ଯାହା ରାଜସ୍ୱକୁ ବୃଦ୍ଧି କରିଥାଏ ।
ଷ୍ଟାଡିୟମରେ ଆୟୋଜିତ ମ୍ୟାଚ୍ ପାଇଁ ଟିକେଟ୍, ଦଳର ଜର୍ସି, ବ୍ୟାଟ୍, ବଲ୍ ଇତ୍ୟାଦି ବିକ୍ରି କରି କରିଥାଏ ଆୟ । ଯଦି ଗୋଟିଏ ଫ୍ରାଞ୍ଚାଇଜ୍ ଆଇପିଏଲ୍ରେ ଗୋଟିଏ ମ୍ୟାଚ୍ ହାରିଯାଏ, ତେବେ ଏହାର ମାଲିକମାନେ କୋଟି କୋଟି ଟଙ୍କା କ୍ଷତି ସହିଥାନ୍ତି । ବାସ୍ତବରେ ଟିମ୍ ଗଠନ ପାଇଁ ମାଲିକମାନେ ପ୍ରତ୍ୟେକ ଖେଳାଳିଙ୍କୁ କୋଟି କୋଟି ଟଙ୍କା କିଣନ୍ତି । ଏହାବ୍ୟତୀତ ବ୍ରାଣ୍ଡିଂ ଏବଂ ମ୍ୟାଚ୍ ଆୟୋଜନ କରିବାରେ ବିପୁଳ ଖର୍ଚ୍ଚ ହୋଇଥାଏ ।
ପ୍ରତ୍ୟେକ ମ୍ୟାଚର ବିଜୟ ଏବଂ ପରାଜୟ ଟିମ୍ର ବ୍ରାଣ୍ଡ ଏବଂ ଏହାର ସ୍ପନସରଙ୍କୁ ପ୍ରଭାବିତ କରେ । ଯଦି ଗୋଟିଏ ଦଳ କ୍ରମାଗତ ଭାବରେ ହାରୁଛି ତେବେ ଏହାର ପ୍ରଭାବ ସିଧାସଳଖ ସ୍ପନସର ଏବଂ ବ୍ରାଣ୍ଡ ଆମ୍ବାସାଡରଙ୍କ କାଉପରେ ପଡିଥାଏ । ଉଦାହରଣ ସ୍ବରୂପ ଯଦି ଗୋଟିଏ ଟିମ୍ ୧୦-୧୨ଟି ମ୍ୟାଚ୍ ୬-୭ଟି ମ୍ୟାଚ୍ ହାରିଯାଏ, ତେବେ ସେହି ଟିମ୍ର ମାଲିକମାନେ ସ୍ପନସରଙ୍କ ଠାରୁ ପାଇବାକୁ ଥିବା କୋଟି କୋଟି ଟଙ୍କା ହରାଇପାରନ୍ତି ।
ଏହାବ୍ୟତୀତ କ୍ରମାଗତ ମ୍ୟାଚ୍ ହାରିବା କାରଣରୁ ଷ୍ଟାଡିୟମକୁ କମ୍ ସଂଖ୍ୟକ ଦର୍ଶକ ଆସନ୍ତି । ଯେଉଁ କାରଣରୁ ଟିକେଟ୍ ବିକ୍ରି ଉପରେ ପଡିଥାଏ ବଡ ପ୍ରଭାବ । କମ୍ ଦର୍ଶକଙ୍କ ଯୋଗୁଁ ଟିମ୍ ମାଲିକମାନେ ୫-୧୦ ଲକ୍ଷ ଟଙ୍କା ପର୍ଯ୍ୟନ୍ତ କ୍ଷତି ସହିପାରନ୍ତି । ଏହାବ୍ୟତୀତ ଟିମ୍ ଯଦି ଭଲ ପ୍ରଦର୍ଶନ କରୁଛି ତେବେ ବିଜୟ ପରେ ଟିମ୍କୁ ମିଳିଥାଏ ୧୦-୨୦ କୋଟିର ଅର୍ଥ ।
କିନ୍ତୁ ଯଦି ଦଳ କ୍ରମାଗତ ଭାବରେ ହାରୁଛି, ତେବେ ଏହି ପରିମାଣ କମିଯାଏ । ଆଇପିଏଲ୍ ଟିମ୍ର ମାଲିକମାନଙ୍କ ପାଇଁ ଗୋଟିଏ ମ୍ୟାଚ୍ ହାରିବା ପରେ ସେମାନେ ଯେଉଁ କ୍ଷତି ସହିଥାନ୍ତି ତାହା ଆକଳନ କରିବା କଷ୍ଟକର । ଗୋଟିଏ ମ୍ୟାଚ୍ ହାରିବା ପରେ ମାଲିକଙ୍କୁ ୨ରୁ ୧୦ କୋଟି ଟଙ୍କା କ୍ଷତି ସହିପାରନ୍ତି । ଯାହା ସ୍ପନସର, ଟିକେଟ୍ ବିକ୍ରି, ମିଡିଆ କଭରେଜ୍ ଏବଂ ବୋନସ୍ ସହିତ ଜଡିତ ।
