ମୁମ୍ଵାଇ ୧୩।୦୪: ଲୋକସଭା ନିର୍ବାଚନରେ ପ୍ରଚାର କରିବାରେ ଏବେ ପ୍ରାର୍ଥୀମାନେ ଲାଗି ପଡ଼ିଛନ୍ତି। ପ୍ରଚାର ସମୟରେ ପ୍ରାର୍ଥୀମାନେ ବିଭିନ୍ନ ଢଙ୍ଗରେ ଲୋକଙ୍କ ସହ ଯୋଡି ହେଉଛନ୍ତି। ବର୍ତ୍ତମାନ ପ୍ରଚାରରେ ବ୍ୟସ୍ତ ଥିବା ବିଜେପି ସାଂସଦ ତଥା ମଥୁରା ନିର୍ବାଚନମଣ୍ଡଳୀର ପ୍ରାର୍ଥୀ ହେମା ମାଲିନୀ ନିକଟରେ ଉତ୍ତରପ୍ରଦେଶର ଏକ ଗହମ କ୍ଷେତ ବୁଲୁଥିବାର ନଜର ଆସିଛନ୍ତି। ଯାହାର ଫଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ । ଏକ୍ସ ଆକାଉଣ୍ଟ୍ରେ କିଛି ଫଟୋ ସେୟାର କରିଥିଲେ। ଫଟୋରେ ତାଙ୍କୁ ଚାଷୀମାନଙ୍କ ସହ ମିଶି ଗହମ କାଟୁଥିବାର ଦେଖିବାକୁ ମିଳିଛି।
କ୍ଷେତରେ କାମ କରୁଥିବା ମହିଳାମାନଙ୍କୁ କାମରେ ସାହାଯ୍ୟ କରିବାରୁ ଆରମ୍ଭ କରି ଫଟୋ ପାଇଁ ସେମାନଙ୍କ ସହିତ ପୋଜ୍ କରିବା ପର୍ଯ୍ୟନ୍ତ, ହେମା ମାଲିନି ଚାଷ ଜମିରେ ଅତ୍ୟନ୍ତ ଖୁସି ଥିବା ମନେ ହେଉଥିଲେ। ହେମା ମାଳିନୀ ଗୁରୁବାର ଦିନ ମଥୁରାର ବଲଦେବଙ୍କ ହୟତପୁର ଗ୍ରାମରେ ବିଧାନସଭା ନିର୍ବାଚନ ପାଇଁ ପ୍ରଚାର କରିଥିଲେ। ଏହି ସମୟ ମଧ୍ୟରେ ହେମା ମାଲିନି ଗହମ ଫସଲ ହେଉଥିବାର କ୍ଷେତରେ ନଜର ଆସିଥିଲେ। X ରେ ଫଟୋ ସେୟାର କରି ସେ ଲେଖିଛନ୍ତି ... ଆଜି ମୁଁ କ୍ଷେତକୁ ଯାଇଥିଲି ଯେଉଁ ଚାଷୀଙ୍କ ସହ ଗତ ୧୦ ବର୍ଷ ଧରି ମୁଁ ନିୟମିତ ସାକ୍ଷାତ କରୁଥିଲି । ତାଙ୍କୁ ଆମ ସମୟ ରହିବା ବହୁତ ଭଲ ଲାଗିଲା ଏବଂ ସେମାନେ କହିଥିଲେ ଯେ ମୁଁ ତାଙ୍କ ସହ ପୋଜ୍ କରେ ଏବଂ ମୁଁ କରିଥିଲି ।
Today I went into the farms to interact with the farmers who I have been meeting regularly these 10 years. They loved having me in their midst and insisted I pose with them which I did❤️ pic.twitter.com/iRD4y9DH4k
— Hema Malini (@dreamgirlhema) April 11, 2024
ମଥୁରା ଲୋକସଭା ପାଇଁ ବିଜେପିରୁ ଟିକେଟ ପାଇଥିବା ହେମା ମାଳିନୀ ନିଜ ନିର୍ବାଚନ କ୍ଷେତ୍ରକୁ ଯାଇ ଲୋକଙ୍କ ଭେଟିବା ସହ ସେମାନଙ୍କ ସୁଖଦୁଃଖ ପଚାରି ବୁଝୁଛନ୍ତି । ହେମା ମାଳିନୀ ୨୦୧୪ରୁ ମଥୁରାରେ ଜିତି ଆସୁଛନ୍ତି । ସେଠାରେ ତାଙ୍କର ଲୋକପ୍ରିୟତା ରହିଛି । ୨୦୧୯ ନିର୍ବାଚନରେ ହେମାଙ୍କ ସ୍ୱାମୀ ଅଭିନେତା ଧର୍ମେନ୍ଦ୍ର ମଧ୍ୟ ତାଙ୍କ ପାଇଁ ପ୍ରଚାର କରିଥିଲେ। ଡବଲ ଇଞ୍ଜିନ ସରକାରଙ୍କ ଜନ କଲ୍ୟାଣ ଯୋଜନା ଯୋଗୁଁ ହେମା ମାଲିନି ୨୦୧୯ ରେ ତାଙ୍କର ଦ୍ୱିତୀୟ କାର୍ଯ୍ୟକାଳ ଜିତିଥିଲେ। ସେଠିକାର ଲୋକଙ୍କ ପାଇଁ ସେ ବିକାଶମୂଳକ କାମ କରିଥିବାରୁ ଏଥର ମଧ୍ୟ ମଥୁରାରୁ ସେ ଜିତିବେ ବୋଲି ଚର୍ଚ୍ଚା ହେଉଛି। ଏପ୍ରିଲ ୨୬ ରେ ମଥୁରାରେ ସାଧାରଣ ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ।
