ଆମେରିକା ରାଷ୍ଟ୍ରପତିଙ୍କୁ ଅଚାନକ ହେଲା କଣ? କାନ ତଳେ ଏମିତି ସ୍ପଟ୍, ସାରା ବିଶ୍ୱ ଚକିତ...

ନୂଆଦିଲ୍ଲୀ ୦୩/୦୩: ଆମେରିକା ରାଷ୍ଟ୍ରପତି ବିଶ୍ୱର ଚର୍ଚ୍ଚିତ ଚେହେରା । ଲାଇମ ଲାଇଟ୍ରେ ରୁହନ୍ତ ଟ୍ରମ୍ପ । ବେଳେବେଳେ ଏକଛତ୍ର ବାଦ ନୀତି ପାଇଁ ସମାଲୋଚିତ । ଏବେ ଯୁଦ୍ଧ ପାଇଁ ସାରା ବିଶ୍ୱରେ ଆଲୋଚିତ । ଖାସ୍ କରି ତାଙ୍କ ଏୟାର ଷ୍ଟ୍ରାଇକ୍ ନୀତିକୁ ନେଇ ଅନେକ ସମାଲୋଚନା । ତଥାପି, ତାଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ଆରମ୍ଭ ହୋଇଛି କଳ୍ପନାଜଳ୍ପନା । କୁହାଯାଉଛି କି, ଟ୍ରମ୍ପ କୁଆଡେ ଗମ୍ଭାୀର ରୋଗରେ ପୀଡିତ ।

ରାଷ୍ଟ୍ରପତି ଟ୍ରମ୍ପଙ୍କ ବେକ ତଳେ ଲାଲ ଚିହ୍ନ ଦେଖାଯିବା ପରେ, ଏହାର କାରଣ ପ୍ରକୃତ ଘଟଣା ନେଇ ପ୍ରଶ୍ନ ଉଠିଲା । ତେବେ ଏନେଇ ପ୍ରତିକ୍ରିୟା ରଖିଛି ହ୍ୱାଇଟ୍ ହାଉସ୍ । ହ୍ୱାଇଟ ହାଉସ୍ କହିଛି ବଡ଼ ଲାଲ ଦାଗ ପଛର କାରଣ ସ୍କିନ୍ କ୍ରିମ୍ । କେଉଁ ସ୍କିନ୍ ରୋଗ ପାଇଁ ଏହି କ୍ରିମ୍ ଚିକିତ୍ସା ହେଉଛି ତାହା ସ୍ପଷ୍ଟ ହୋଇନି ।ନିକଟରେ ହ୍ୱାଇଟ୍ ହାଉସର ପୂର୍ବ କୋଠରୀରେ ପଦକ ସମ୍ମାନ ସମାରୋହ ଅନୁଷ୍ଠିତ ହୋଇଥିଲା । ଯେଉଁଥିରେ ରାଷ୍ଟ୍ରପତିଙ୍କ ଫଟୋର କ୍ଲୋଜ୍-ଅପ୍ ଲାଲ ଚିହ୍ନ କ୍ୟାମେରାରେ କଏଦ ହୋଇଥିଲା ।

ଆଉ ରାଷ୍ଟ୍ରପତି ଟ୍ରମ୍ପଙ୍କ କାନ ତଳେ ତାଙ୍କ ବେକରେ ଲାଲ ଚିହ୍ନ ଥିବାର ଫଟୋ ବେଶ୍ ଭାଇରାଲ ହୋଇଗଲା ।ଯାହା ଜଣାପଡିଛି ସେହି ଲାଲା ଚିହ୍ନ ସବୁ ଆଗାମୀ କିଛି ସପ୍ତାହ ପର୍ଯ୍ୟନ୍ତ ରହିବ । ରାଷ୍ଟ୍ରପତି ଟ୍ରମ୍ପଙ୍କ ହ୍ୱାଇଟ୍ ହାଉସ୍ ଡାକ୍ତର ସିଆନ୍ ବାର୍ବେଲା ଏକ ବିବୃତ୍ତିରେ କହିଛନ୍ତି, ରାଷ୍ଟ୍ରପତି ଟ୍ରମ୍ପ ତାଙ୍କ ବେକର ଡାହାଣ ପାର୍ଶ୍ୱରେ ଏକ ସାଧାରଣ କ୍ରିମ୍ ବ୍ୟବହାର କରୁଛନ୍ତି । ଯାହା ହ୍ୱାଇଟ୍ ହାଉସ୍ ଡାକ୍ତରଙ୍କ ଦ୍ୱାରା ନିର୍ଦ୍ଧାରିତ ଏକ ପ୍ରତିରୋଧକ ଚର୍ମ ଚିକିତ୍ସା। ସେ ଆହୁରି ମଧ୍ୟ କହିଛନ୍ତି, ଟ୍ରମ୍ପ ଗୋଟିଏ ସପ୍ତାହ ଧରି ଏହି ଚିକିତ୍ସା ଗ୍ରହଣ କରୁଛନ୍ତି ।

ଏହି ଚିହ୍ନଗୁଡ଼ିକ ଆଗାମୀ କିଛି ସପ୍ତାହ ପର୍ଯ୍ୟନ୍ତ ରହିବ ବୋଲି ଆଶା କରାଯାଉଛି।କହିବାକୁ ଗଲେ ଫେବୃଆରୀ ୧୯ ତାରିଖରେ ଆମେରିକାର ଶାନ୍ତି ପ୍ରତିଷ୍ଠାନ ବୋର୍ଡ ଅଫ୍ ଟ୍ରଷ୍ଟି ବୈଠକରେ ଟ୍ରମ୍ପଙ୍କ ବେକରେ ସ୍ପଷ୍ଟ ଲାଲ ସ୍ପଟ ଦେଖାଯାଇଥିଲା। ଗତ ବର୍ଷ ଏପ୍ରିଲରୁ ରାଷ୍ଟ୍ରପତି ଟ୍ରମ୍ପଙ୍କ ଶାରୀରିକ ରିପୋର୍ଟରେ କୁହାଯାଇଥିଲା ଯେ ସେ ଏକ ଅଜଣା ଚର୍ମ ରୋଗ ପାଇଁ ଆବଶ୍ୟକ ଅନୁଯାୟୀ ମୋମେଟାସୋନ୍ କ୍ରିମ୍ ନେଉଥିଲେ। ଗତ ବର୍ଷ ଜାନୁଆରୀରେ ତାଙ୍କ ଦ୍ୱିତୀୟ କାର୍ଯ୍ୟକାଳରେ ୭୯ ବର୍ଷୀୟ ଟ୍ରମ୍ପ ସବୁଠାରୁ ବୟସ୍କ ଆମେରିକାର ରାଷ୍ଟ୍ରପତି ହୋଇଥିଲେ । ତାଙ୍କ ବୟସ ବୃଦ୍ଧି ଯୋଗୁଁ, ତାଙ୍କ ସ୍ୱାସ୍ଥ୍ୟ ଉପରେ କଡ଼ା ନଜର ରଖାଯାଇଛି।

ଡକ୍ଟର ସିଆନ୍ ବାର୍ବେଲା ଡିସେମ୍ବରରେ କହିଥିଲେ ଯେ ଟ୍ରମ୍ପ ତାଙ୍କ ବୟସର ପୁରୁଷମାନଙ୍କ ପାଇଁ ପ୍ରତିରୋଧକ ସ୍କ୍ରିନିଂର ଅଂଶ ଭାବରେ ଅକ୍ଟୋବରରେ ତାଙ୍କ ଛାତି ଓ ପେଟର MRI ଇମେଜିଂ କରିଥିଲେ । ରେଜଲ୍ଟ ବି ଭଲ ଥିଲା । ତାଙ୍କ ଅନୁସାରେ, ୱାଲ୍ଟର ରିଡ୍ ନ୍ୟାସନାଲ୍ ମିଲିଟାରୀ ମେଡିକାଲ୍ ସେଣ୍ଟରରେ ଅକ୍ଟୋବରରେ କରାଯାଇଥିବା ଶାରୀରିକ ପରୀକ୍ଷାରୁ ଜଣାପଡ଼ିଛି ଯେ ଟ୍ରମ୍ପଙ୍କ ସାମଗ୍ରିକ ସ୍ୱାସ୍ଥ୍ୟ ବହୁତ ଭଲ ଥିଲା। ତଥାପି ତାଙ୍କର ବେକ ତଳର ଚିହ୍ନ ଅନେତ ଚିନ୍ତା ବଢାଇଛି ।