ବେକାରୀ ସମସ୍ୟା ଦୂର କରିବାକୁ ନାହିଁ ବ୍ଲୁପ୍ରିଣ୍ଟ, ବଜେଟ୍ ନୈରାଶ୍ୟଜନକ; ସମାଲୋଚନା କଲେ କେଜ୍ରିଓ୍ବାଲ

ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ରବିବାର (୧ ଫେବୃଆରୀ) ଲୋକସଭାରେ କେନ୍ଦ୍ରୀୟ ବଜେଟ୍ ଉପସ୍ଥାପନ କରିଛନ୍ତି। ବିରୋଧୀ ଦଳଗୁଡ଼ିକ ଏହି ବଜେଟ୍ ଉପରେ ପ୍ରଶ୍ନ ଉଠାଉଛନ୍ତି। ଆମ ଆଦମୀ ପାର୍ଟି ମଧ୍ୟ କେନ୍ଦ୍ର ସରକାରଙ୍କୁ ସମାଲୋଚନା କରି ଏହାକୁ ନୈରାଶ୍ୟଜନକ ବୋଲି କହିଛି। ଦଳ କହିଛି ଯେ, ନିଯୁକ୍ତି ବୃଦ୍ଧି, ମୁଦ୍ରାସ୍ଫୀତି ହ୍ରାସ, ବିଦେଶରୁ କଳାଧନ ଫେରାଇ ଆଣିବା ଏବଂ ଚାଷୀଙ୍କ ଆୟ ଦ୍ୱିଗୁଣିତ କରିବା ଉପରେ କେନ୍ଦ୍ର ସରକାରଙ୍କ ନୀରବତା ପ୍ରଶ୍ନ ଉଠାଇଛି।

ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଏବଂ ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ବଜେଟ ଉପରେ ପ୍ରତିକ୍ରିୟା ଦେଇ କହିଛନ୍ତି ଯେ, ଆଜି ଦେଶର ସବୁଠାରୁ ବଡ଼ ସମସ୍ୟା ହେଉଛି ବେକାରୀ ଏବଂ ମୁଦ୍ରାସ୍ଫୀତି । କିନ୍ତୁ ବଜେଟରେ ନିଯୁକ୍ତି ସୃଷ୍ଟି ପାଇଁ କୌଣସି ବ୍ଲୁପ୍ରିଣ୍ଟ ନାହିଁ। ଏହି ବଜେଟ ମୁଦ୍ରାସ୍ଫୀତି ଏବଂ ବେକାରୀ ସମସ୍ୟାକୁ ଆହୁରି ବଢ଼ାଇବ ।

ତିନି ଦିନିଆ ଗୋଆ ଗସ୍ତରେ ଥିବା ଅରବିନ୍ଦ କେଜ୍ରିୱାଲ ବଜେଟ ବିଷୟରେ କହିଛନ୍ତି ଯେ, ଏହି ବଜେଟରେ ଗୋଆ ପାଇଁ କିଛି ନାହିଁ। ସମ୍ପୂର୍ଣ୍ଣ ବଜେଟରେ ‘ଗୋଆ’ ଶବ୍ଦ ମଧ୍ୟ ଉଲ୍ଲେଖ ହୋଇନାହିଁ। ସେ କେନ୍ଦ୍ର ସରକାରଙ୍କୁ ଟାର୍ଗେଟ କରି ଗୋଆକୁ ଅବହେଳା କରୁଥିବା ନେଇ ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ, ସରକାର ଗୋଆକୁ ଭୁଲି ଯାଇଛନ୍ତି ଏବଂ ବଜେଟ୍ରେ ଗୋଆର ଲୋକଙ୍କ ପାଇଁ କିଛି ନାହିଁ।

ସେ କହିଛନ୍ତି ଯେ, ଏହି ବଜେଟ୍ ମୁଦ୍ରାସ୍ଫୀତି ଏବଂ ବେକାରୀକୁ ଆହୁରି ବୃଦ୍ଧି କରିବ। ଆଜି ପିଲାମାନେ ସମ୍ମୁଖୀନ ହେଉଥିବା ସବୁଠାରୁ ବଡ଼ ସମସ୍ୟା ହେଉଛି ବେକାରୀ ଏବଂ ମୁଦ୍ରାସ୍ଫୀତି । କିନ୍ତୁ ବଜେଟରେ ନିଯୁକ୍ତି ପାଇଁ ଏକ ଠୋସ୍ ବ୍ଲୁପ୍ରିଣ୍ଟର ଅଭାବ ଅଛି । ଏହା ଏମିତି ଏକ ବଜେଟ୍, ଯାହା ମୁଦ୍ରାସ୍ଫୀତିକୁ ବୃଦ୍ଧି କରିବ।