ପେଡ୍ ପ୍ରମୋସନ୍‌କୁ ନେଇ କ୍ରୋଧ ପ୍ରକାଶ କଲେ ୟାମି ଗୌତମ, ସପୋର୍ଟରେ ବାହାରିଲେ ହ୍ରିତିକ ରୋଶନ

ମୁମ୍ଵାଇ ୦୬।୧୨; ବିଗତ ଦିନରେ ରିଲିଜ ହୋଇଥିବା ‘ହକ୍’ ଫିଲ୍ମକୁ ନେଇ ଅଭିନେତ୍ରୀ ୟାମି ଗୌତମ ପ୍ରଶଂସା ପାଇଛନ୍ତି । ହେଲେ ଏବେ ପେଡ ପ୍ରମୋସନ ଏବଂ ଏହାର ସିଣ୍ଡିକେଟକୁ ନେଇ କ୍ରୋଧ ପ୍ରକାଶ କରିଛନ୍ତି । ଏହାରି ମଧ୍ୟରେ ୟାମି ତାଙ୍କ ଏକ୍ସ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି । ୟାମିଙ୍କର ସେୟାର ହୋଇଥିବା ଏହି ପୋଷ୍ଟକୁ ହ୍ରିତିକ ରୋଶନ ସମର୍ଥନ କରିବା ସହ ମନ୍ତବ୍ୟ ମଧ୍ୟ ଦେଇଥିଲେ ।

More than anything , the golden thing that gets lost and leaves them and all of us impoverished is the journalists true voice , a chance for them to inform all the creative forces behind a movie what they felt , thought , what they applaud and criticise. Only true opinions have…

— Hrithik Roshan (@iHrithik) December 4, 2025

There is something iv been wanting to express since really long, I feel today is that day & I must .
This so called trend of giving money, in the disguise of marketing a film, to ensure good ‘hype’ for a film is created or else ‘they’ will continuously write negative things…

— Yami Gautam Dhar (@yamigautam) December 4, 2025

ୟାମି ଗୌତମ ତାଙ୍କ ଟ୍ୱିଟର ଆକାଉଣ୍ଟରେ ଏକ ଲମ୍ବା ପୋଷ୍ଟ ଲେଖି ଏହି ପ୍ରଥାକୁ "ଚାନ୍ଦା ଆଦାୟ" ଏବଂ ଶିଳ୍ପ ପାଇଁ "ଉଇପୋକ" ବୋଲି କହିଛନ୍ତି। ‘ କିଛି ଏମିତି ଅଛି ଯାହା ମୁଁ ଅନେକ ଦିନରୁ କହିବାକୁ ଚେଷ୍ଟା କରୁଥିଲି ।’’ ମୋତେ ଲାଗୁଛି ଯେ ଆଜି ହିଁ ସେହି ଦିନ, ଏବଂ ମୋତେ ଏହା କହିବାକୁ ପଡିବ। ଫିଲ୍ମ ମାର୍କେଟିଂ ନାଁରେ ଟଙ୍କା ଦେବା ଏହା ତଥାକଥିତ ଧାରା । ଯାହା ନିଶ୍ଚିତ କରିବାକୁ ଫିଲ୍ମର ଭଲ ପ୍ରୋମୋସନ ହୁଏ । ନଚେତ୍ ‘ସେମାନେ’ ନକାରାତ୍ମକ ଜିନିଷ ଲେଖି ଚାଲିବେ । କେବଳ କାରଣ ଏହି ବ୍ୟବସ୍ଥା ସମସ୍ତଙ୍କ ପାଇଁ ଉପଲବ୍ଧ – ଏହା ଏକ ଫିଲ୍ମ ‘ପ୍ରମୋଟ୍’ କରିବା ପାଇଁ ହେଉ କିମ୍ବା ଅନ୍ୟ ଅଭିନେତା/ଫିଲ୍ମ ବିରୋଧରେ ନକାରାତ୍ମକତା ପ୍ରସାର କରିବା ପାଇଁ ହେଉ – ଏକ ମହାମାରୀ ଯାହା ଆମ ଶିଳ୍ପର ଭବିଷ୍ୟତକୁ ବଡ଼ ପ୍ରଭାବ ପକାଇବ। 

ୟାମି ଆହୁରି କହିଛନ୍ତି ଯେ ଦକ୍ଷିଣ ଭାରତୀୟ ଚଳଚ୍ଚିତ୍ର ଶିଳ୍ପରେ କେହି ଏପରି କାମ କରିବାକୁ ସାହସ କରନ୍ତି ନାହିଁ କାରଣ ସେଠାକାର ଲୋକମାନେ ଏକଜୁଟ୍ । ୟାମି ସମସ୍ତ ପ୍ରଯୋଜକ, ନିର୍ଦ୍ଦେଶକ ଏବଂ ଅଭିନେତାଙ୍କୁ ଏହି ଖରାପ ସଂସ୍କୃତିକୁ ଏବେ ବନ୍ଦ କରିବାକୁ ନିବେଦନ କରିଛନ୍ତି, ନଚେତ୍ ଏହା ସମସ୍ତଙ୍କର କ୍ଷତି କରିବ। ୟାମି ଆହୁରି ଲେଖିଛନ୍ତି ଯେ ସେ ଜଣେ ସଚ୍ଚୋଟ ପ୍ରଯୋଜକଙ୍କ ପତ୍ନୀ ଏବଂ ଶିଳ୍ପର ଜଣେ ଚିନ୍ତିତ ସଦସ୍ୟ ଭାବରେ ସେ ଏହା କହୁଛନ୍ତି। ଦର୍ଶକମାନେ ନିଜେ ନିଷ୍ପତ୍ତି ନିଅନ୍ତୁ ଯେ ସେମାନେ ଫିଲ୍ମଟିକୁ କିପରି ପସନ୍ଦ କରିଛନ୍ତି। ହ୍ରିତିକ୍ ରୋଶନ୍ ୟାମିଙ୍କ ସହ ସହମତ ହୋଇଛନ୍ତି ଏବଂ ତାଙ୍କୁ ସମର୍ଥନ କରିଛନ୍ତି।