ଏବେ ଭୋଟର ତାଲିକାରୁ ଆପଣଙ୍କ ନାମ ହଟାଇବା ସହଜ ନୁହେଁ...ଆରମ୍ଭ ହେଲା ଇ-ସାଇନ୍ ସିଷ୍ଟମ୍

ନୂଆଦିଲ୍ଲୀ ୨୪/୦୯: ଭୋଟର ତାଲିକାରୁ ବାଦ ଦେବା ନେଇ ବିବାଦର ସମାଧାନ ପାଇଁ ନିର୍ବାଚନ କମିଶନଙ୍କ ବଡ଼ ନିଷ୍ପତ୍ତି । ଏକ ନୂଆ ଟେକ୍‌ନିକି ପ୍ରଚଳନ କରିଛନ୍ତି ECI । କର୍ଣ୍ଣାଟକର ଆଲାଣ୍ଡ ବିଧାନସଭା ନିର୍ବାଚନମଣ୍ଡଳୀରେ ବହୁ ସଂଖ୍ୟାରେ ଭୋଟର ନାମ ବାଦ ଦେବା ଆବେଦନର ପର୍ଦ୍ଦାଫାସ ପରେ ଏହି ପରିବର୍ତ୍ତନ କରାଯାଇଛି । ଏହି ପ୍ରଯୁକ୍ତି ଭୋଟର ପରିଚୟପତ୍ରର ଅପବ୍ୟବହାରକୁ ରୋକିବ । ଏହି ସମସ୍ୟାର ସମାଧାନ ଏବେ ଇ-ସାଇନ୍ ପ୍ରଯୁକ୍ତିବିଦ୍ୟା ମାଧ୍ୟମରେ କରାଯିବ । ନିର୍ବାଚନ କମିଶନ ଏହାର ECINET ପୋର୍ଟାଲ୍ ଏବଂ ଆପ୍ ରେ ଏକ ନୂତନ "ଇ-ସାଇନ୍" ବୈଶିଷ୍ଟ୍ୟ ପ୍ରଚଳନ କରିଛି। 

ଏହି ବୈଶିଷ୍ଟ୍ୟ ଅଧୀନରେ, ପଞ୍ଜିକରଣ, ବାଦ ଦେବା କିମ୍ବା ସଂଶୋଧନ ପାଇଁ ଆବେଦନ କରିବା ସମୟରେ ଭୋଟରମାନଙ୍କୁ ସେମାନଙ୍କର ଆଧାର-ଲିଙ୍କ୍ ଫୋନ୍ ନମ୍ବର ବ୍ୟବହାର କରି ସେମାନଙ୍କର ପରିଚୟ ଯାଞ୍ଚ କରିବାକୁ ପଡ଼ିବ। ପୂର୍ବରୁ, ଆବେଦନକାରୀମାନେ କୌଣସି ଯାଞ୍ଚ ବିନା ଫର୍ମ ଦାଖଲ କରିପାରିବେ । ଯାହା ପରିଚୟ ଅପବ୍ୟବହାରର ବିପଦ ସୃଷ୍ଟି କରୁଥିଲା।
ନୂତନ ବ୍ୟବସ୍ଥା କାର୍ଯ୍ୟକାରୀ ହେବା ପରେ, ଯେତେବେଳେ ଜଣେ ବ୍ୟକ୍ତି ECINET ପୋର୍ଟାଲରେ ଫର୍ମ ୬ (ନୂତନ ପଞ୍ଜୀକରଣ ପାଇଁ), ଫର୍ମ ୭ (ଡିଲିଟ କରିବା ପାଇଁ), କିମ୍ବା ଫର୍ମ ୮ (ସଂଶୋଧନ ପାଇଁ) ପୂରଣ କରିବେ ।

ସେମାନଙ୍କୁ ଇ-ସାଇନ୍ ଆବଶ୍ୟକତା ପୂରଣ କରିବାକୁ ପଡିବ। ଏଥିରେ ଆଧାର ନମ୍ବର ଦେବା ପରେ ଆଧାର ସହ ସଂଯୋଗ ମୋବାଇଲ ନମ୍ବରକୁ ଏକ ଓଟିପି ଆସୁଥିଲା । ଓଟିପି ଭରି ସହମତି ଦେବା ପରେ ଆବେଦନ ଆଗକୁ ବଢ଼ୁଥିଲା  ଓ ଇସିଆଇ ନେଟ ପୋର୍ଟାଲରେ ସବମିଟ୍ କରାଯାଉଥିଲା । ସେପଟେ ନିର୍ବାଚନ ଆୟୋଗ ସୂତ୍ର କହିଛି ଏବେ ଯେଉଁ ନୂଆ ପ୍ରକ୍ରିୟା ଅଣାଯାଇଛି ସେଥିରେ ଆଲନ୍ଦ ନିର୍ବାଚନ କ୍ଷେତ୍ରରେ ଭୋଟର ତାଲିକାକୁ ନେଇ ଯେଉଁ ଘଟଣା ଘଟିଛି ତାହା ବନ୍ଦ ହୋଇଯିବ ।