ଭୁବନେଶ୍ୱର: ଧ୍ୱନି ଫାଉଣ୍ଡେସନ୍ ପକ୍ଷରୁ ତୃଣମୂଳ ସ୍ତରର ଏନଜିଓମାନଙ୍କ ମଧ୍ୟରେ ବିଶ୍ୱସନୀୟତା, ଦାୟିତ୍ୱ ଏବଂ ସ୍ଥିରତା ସୃଷ୍ଟି କରି ସାମାଜିକ କ୍ଷେତ୍ରକୁ ସୁଦୃଢ଼ କରିବା ପାଇଁ ଏକ ୨ଦିନିଆ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଏଭିଏସନ୍ ଏକାଡେମୀ, ଏୟାର ଇଣ୍ଡିଆ ଲିମିଟେଡ୍, ନିର୍ଦ୍ଦେଶକ ସୁନୀଲ ଭାସ୍କରନ ଏବଂ ସୁବ୍ରତ ବାଗଚୀ ଯୋଗଦେଇ ଏକ ସୁସ୍ଥ ସାମାଜିକ ପରିବେଶ ପ୍ରସ୍ତୁତ ଲାଗି ସାମାଜିକ ଅନୁଷ୍ଠାନ ବା ସଂସ୍ଥା ଗୁଡିକ ନିୟମିତ ପ୍ରଚେଷ୍ଠା କରିବା ଉଚିତ ବୋଲି ମତବ୍ୟକ୍ତ କରିଥିଲେ।
ଶ୍ରୀ ଭାସ୍କରନ ତାଙ୍କ ବକ୍ତବ୍ୟରେ କହିଥିଲେ ଯେ, ସ୍ୱାସ୍ଥ୍ୟ, ଶିକ୍ଷା, ରାଜନୀତି ଏବଂ ସାମାଜିକ ଚଳଣି ଗୁଡିକରେ ଅନେକ କ୍ଷେତ୍ରରେ କିଛି ବ୍ୟକ୍ତି ବିଶେଷ ଅଥବା କିଛି ନିର୍ଦ୍ଧିଷ୍ଟ ଜାତି ସମାନ ସୁବିଧା ସୁଯୋଗ ପାଇବାରୁ ବଞ୍ôଚତ ହୋଇଥାନ୍ତି। ଯଦିଓ ସରକାର ସମସ୍ତ ସୁବିଧା ଦେଉଛନ୍ତି ତଥାପି ସେ ସବୁ ସଭିଙ୍କ ପାଖରେ ପହଞ୍ôଚପାରିନଥାଏ। ତେଣୁ ସାମଜିକ ଅନୁଷ୍ଠାନ ଗୁଡିକ ଏ ଦିଗରେ ଗୁରୁତ୍ୱ ଦେବା ଉଚିତ। ସେହିପରି ଶ୍ରୀ ବାଗଚୀ କହିଥିଲେ ଯେ, ସାମାଜିକ ବିକାଶ ଏବଂ ଲୋକଙ୍କ ବିକାଶ ସହ ସରକାରଙ୍କ ସୁବିଧା ସୁବିଧା, ଯୋଜନା ସମ୍ପର୍କରେ ସାମାଜିକ ଅନୁଷ୍ଠାନ ଲୋକଙ୍କୁ ସଚେତନ କରିବା ସହ ଲୋକଙ୍କ ସମସ୍ୟା ମଧ୍ୟ ସରକାରଙ୍କ ପାଖରେ ଉପସ୍ଥାନ କରିଥାଏ। ଫଳରେ ବିଗତବର୍ଷ ଅପେକ୍ଷା ବର୍ତ୍ତମାନ ସ୍ଥିତିରେ ଅନେକ ପରିବର୍ତ୍ତନ ଘଟିଛି ବୋଲି କହିଥିଲେ।
ସେହିପରି ପ୍ରଥମ ଦିବସରେ ଆୟୋଜିତ ଆଲୋଚନାଚକ୍ରରେ ମୋଟ ୨୬ଜଣ ପ୍ରତିଷ୍ଠିତ ବ୍ୟକ୍ତି, ଶିକ୍ଷାବିତ୍ ଯୋଗଦେଇ ଥିଲେ। ସେମାନଙ୍କ ମଧ୍ୟରେ ସିୱାଇଏସ୍ଡିର ଜଗଦାନନ୍ଦ, ଆଇଏସ୍ଡିଏମ୍ର ରବି ଶ୍ରୀଧରନ ପ୍ରମୁଖ ଉପସ୍ଥିତ ରହିଥିଲେ। ଏହି ଅବସରରେ ରାଜ୍ୟରେ ଲୋକଙ୍କ ଲାଗି କାର୍ଯ୍ୟକରୁଥିବା ପ୍ରତିଷ୍ଠିତ ସାମାଜିକ ସଂସ୍ଥାକୁ ପୁରସ୍କୃତ କରାଯାଇଥିଲା।
ସେହିପରି ୨ୟ ଦିନ ଆୟୋଜିତ କାର୍ଯ୍ୟକ୍ରମରେ ସୁବ୍ରୋତୋ ବାଗଚୀଙ୍କ ସମେତ ସୁଶାନ୍ତ ବର୍ମା, ଯୋଗଦେଇ "ତୃଣମୂଳ ଏବଂ ଗ୍ରାମୀଣ ସଂଗଠନ ପାଇଁ ପାଣ୍ଠି ସଂଗ୍ରହ’ ଉପରେ ଆଲୋଚନା କରିଥିଲେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିତେନ୍ଦ୍ର ରଥ, ସିନିୟର ପ୍ରୋଗ୍ରାମ ମ୍ୟାନେଜର, ଅଜିମ୍ ପ୍ରେମଜୀ ଫାଉଣ୍ଡେସନ୍, ଦିବ୍ୟା ମୁକନ୍ଦ, ଇଣ୍ଡିଆ ପ୍ରୋଗ୍ରାମ ଆଡଭାଇଜର- ଗାର୍ଲ୍ସ ଫାଷ୍ଟ ଫଣ୍ଡ, ଶ୍ରେୟା ମାନେ,ପ୍ରତ୍ୟୁଷ କୁମାର ପଣ୍ଡା, ପ୍ରଫେସର ବିପିନ୍ କିସୋର ଜୋଜୋ, ଦୀପକ ବାରା, ଡକ୍ଟର ସଶ୍ମି ନାୟକ, ନିର୍ଦ୍ଦେଶକ- ନିସ୍ୱାସ ଉପସ୍ଥିତ ରହିଥିଲେ। କାର୍ଯ୍ୟକ୍ରମକୁ ଧ୍ୱନି ଫାଉଣ୍ଡେସନର ଡକ୍ଟର ଅନଙ୍ଗଦେବ ସିଂହ, ରାଜ୍ୟ ମୁଖ୍ୟ- ଝାଡ଼ଖଣ୍ଡ, ଏବଂ ମିହିର କୁମାର ମହାନ୍ତି, ରାଜ୍ୟ ମୁଖ୍ୟ- ଓଡିଶା ପରିଚାଳନା କରିଥିଲେ।
