ନୂଆଦିଲ୍ଲୀ: ସଂସଦରେ ପଶି ଆକ୍ରମଣ କରିଥିବା ଅଭିଯୁକ୍ତଙ୍କ ଉପରେ ଏବେ ୟୁଏପିଏ ଲାଗୁ କରାଯିବ । ଏଥିପାଇଁ ଦିଲ୍ଲୀ ଏଲଜି ଦିଲ୍ଲୀ ପୋଲିସକୁ ଅନୁମତି ଦେଇଛନ୍ତି । ଏହାପରେ ଏବେ ପାର୍ଲାମେଣ୍ଟ ଉପରେ ଆକ୍ରମଣର ସମସ୍ତ ଅଭିଯୁକ୍ତଙ୍କ ଉପରେ ଦିଲ୍ଲୀ ପୋଲିସ ୟୁଏପିଏ ଲାଗୁ କରିବ । ଉଲ୍ଲେଖଯୋଗ୍ୟ ଯେ ୨୦୨୩ ଡିସେମ୍ୱର ୧୩ରେ ୨ ଜଣ ସଂସଦ ଭିତରେ ପଶିଥିଲେ । ଏହାସହ ସଂସଦ ଭିତରେ ସ୍ମୋକ୍ କଣ୍ଟେନର ଏବଂ କଲର୍ ସ୍ପ୍ରେକୁ ବ୍ୟବହାର ଆତଙ୍କ ଖେଳାଇଥିଲେ ।
ଦିଲ୍ଲୀ ଉପରାଜ୍ୟପାଳ ଭିକେ ସକ୍ସେନା ୨୦୨୩ ଡିସେମ୍ୱର ୧୩ରେ ସଂସଦ ଉପରେ ଆକ୍ରମଣର ୬ ଅଭିଯୁକ୍ତ ବିରୋଧରେ ୟୁଏପିଏ ଅଧିନରେ କାର୍ଯ୍ୟାନୁଷ୍ଠାନ ପାଇଁ ମଞ୍ଜୁରୀ ଦେଇଥିଲେ । ୨୦୨୩ ଡିସେମ୍ୱର ୧୩ରେ ସଂସଦର ଗୃହକାର୍ଯ୍ୟ ବେଳେ ୬ ଜଣ କଥିତ ରୂପେ ଆକ୍ରମଣ କରିବା ମାମଲାରେ ୟୁଏପିଏ ଅଧିନରେ ମାମଲା ରୁଜୁ କରାଯାଇଛି । ଏଥିରେ ମନୋରଞ୍ଜନ ଡି, ସାଗର ଶର୍ମା, ଅମୋଲ ଧନରାଜ ସିନ୍ଦେ, ନୀଲମ ରାନୋଲିଆ, ଲଲିତ୍ ଝା ଏବଂ କୁମାୱତଙ୍କ ନାଁ ସାମିଲ ଅଛି ।
