ନୂଆଦିଲ୍ଲୀ ୬।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଧନ୍ୟବାଦ ପ୍ରସ୍ତାବ ଉପରେ ଚର୍ଚ୍ଚାର ଉତ୍ତର ରଖି ୬ ଫେବୃଆରୀ ଗୁରୁବାର ରାଜ୍ୟସଭାରେ କଂଗ୍ରେସ ଉପରେ ବର୍ଷିଛନ୍ତି। ସେ କହିଛନ୍ତି କଂଗ୍ରେସ ପାର୍ଟି କେବଳ ଗୋଟିଏ ପରିବାରରେ ହିଁ ସୀମିତ ହୋଇଯାଇଛି। କଂଗ୍ରେସ ଠାରୁ ‘ସବକା ସାଥ ସବକା ବିକାଶ’ର ଆଶା କରିବା ବୃଥା। ପ୍ରଧାନମନ୍ତ୍ରୀଙ୍କ ବୟାନ ଉପରେ ଏବେ କଂଗ୍ରେସ ପାଲଟା ଆକ୍ରମଣ କରିଛି। ଗଣମାଧ୍ୟମ ସହ ଆଲୋଚନା କରି ଜୟରାମ ରମେଶ କ’ଣ କହିଛନ୍ତି ଆସନ୍ତୁ ଜାଣିବା।
ରମେଶ ଏଏନଆଇକୁ କହିଛନ୍ତି ଯେ ପ୍ରଧାନମନ୍ତ୍ରୀ ରାଜ୍ୟସଭାରେ ୯୦ ମିନିଟ୍ ଭାଷଣ ରଖିଛନ୍ତି। ନିର୍ବାଚନସଭା ଭାଷଣ ଭଳି ସେ କେବଳ କଂଗ୍ରେସ ଉପରେ ବର୍ଷିଛନ୍ତି ଓ ଦଳକୁ ବଦନାମ କରିବାକୁ ଚେଷ୍ଟା କରିଛନ୍ତି। ଏହି ୯୦ ମିନିଟ୍ରେ ପ୍ରଧାନମନ୍ତ୍ରୀ ଗୃହରେ ମିଛର ବନ୍ୟା ବୁହାଇଛନ୍ତି। ସେ ରାଜ୍ୟସଭାର ଗାରିମା ଓ ପ୍ରଧାନମନ୍ତ୍ରୀ ପଦର ମର୍ଯ୍ୟଦା ଭୁଲି ଯାଇଛନ୍ତି। ସଦନରେ ପ୍ରଧାନମନ୍ତ୍ରୀ ମୋଦିଙ୍କୁ ମୂଲ୍ୟବୃଦ୍ଧି ଓ ଦେଶରେ ବୃଦ୍ଧି ପାଉଥିବା ବେକାରୀ ଉପରେ କହିବାର ଥିଲା। ଆମେରିକା ଭାରତୀୟଙ୍କୁ ଅପମାନିତ କରିଛି ଏହା ଉପରେ ପ୍ରଧାନମନ୍ତ୍ରୀଙ୍କର କହିବାର ଥିଲା। ହେଲେ ପ୍ରସଙ୍ଗକୁ ସେ କଂଗ୍ରେସ ଆଡକୁ ବୁଲାଇ ଦେଇଛନ୍ତି।
जो व्यक्ति सिर्फ़ इतिहास में रहता है वो वर्तमान और भविष्य का क्या निर्माण करेगा !
— Mallikarjun Kharge (@kharge) February 6, 2025
इस सरकार के हाथों में देश का भविष्य अंधकारमय है।
बेरोज़गारी, महँगाई, आर्थिक असामनता, मंदी, लुढ़कता रूपया, गिरता निजी निवेश और विफ़ल 'मेक इन इंडिया' पर बात करने के बजाय मोदी जी केवल कांग्रेस को…
ରମେଶ କହିଛନ୍ତି ଯେ ‘ଏ ସରକାର କେବଳ ସମ୍ବିଧାନ ଉପରେ ଆକ୍ରମଣ କରୁଛି ଓ ପ୍ରଧାନମନ୍ତ୍ରୀ ମୋଦି ଇତିହାସକୁ ମୋଡ଼ିମକଚି ଉପସ୍ଥାପନ କରୁଛନ୍ତି’। ସେହିପରି ମଲ୍ଲିକାର୍ଜୁନ ଖଡଗେ ଏକ ଟ୍ୱିଟ୍ ରେ ‘ଯେଉଁ ବ୍ୟକ୍ତି ଇତିହାସରେ ଡୁବି ରହିଛି ସେ ବର୍ତ୍ତମାନ ଓ ଭବିଷ୍ୟତର କଣ ନିର୍ମାଣ କରିବ’? ବୋଲି ପ୍ରଶ୍ନ କରିଛନ୍ତି, ସେ ଉଲ୍ଲେଖ କରିଛନ୍ତି ଯେ ଏହି ସରକାର ହାତରେ ଦେଶର ଭବିଷ୍ୟତ ଅନ୍ଧକାରମୟ। ଖଡଗେ କହିଛନ୍ତିଯେ ବେକାରୀ, ମୂଲ୍ୟବୃଦ୍ଧି, ଆର୍ଥିକ ଅସମାନତା, ମାନ୍ଦାବସ୍ଥା, ଦୁର୍ବଳ ହେଉଥିବା ଟଙ୍କା, ହ୍ରାସ ହେଉଥିବା ଘରୋଇ ନିବେଶ ଓ ବିଫଳ ‘ମେକ ଇନ ଇଣ୍ଡିଆ ସମ୍ପର୍କରେ କହିବା ବଦଳେ ମୋଦିଜୀ କେବଳ କଂଗ୍ରେସ ଉପରେ ନିଜର ରୋଷ ଝଡାଇଛନ୍ତି’।
ଖଡଗେ କହିଛନ୍ତି ଯେ ସେ ଦଳିତ, ଆଦିବାସୀ, ପଛୁଆ ବର୍ଗ, ସଂଖ୍ୟାଲଘୁ ଓ ଗରିବଙ୍କ ଯୋଜନା ସମ୍ପର୍କରେ କହିବା ବଦଳେ ଇତିହାସର ତଥ୍ୟକୁ ମୋଡ଼ି ମକଚି ସଦନକୁ ଭ୍ରମିତ କରିବାର କାମ କରିଛନ୍ତି। ଏଥିରେ ଖଡଗେ କଂଗ୍ରେସ ପକ୍ଷରୁ ପ୍ରଥମ ସମ୍ବିଧାନ ସଂଶୋଧନ, ବାବାସାହେବ ଆମ୍ବେଦକର, ଉାଦରୀକରଣ, ଇନ୍ଦିରାଙ୍କ ‘ଗରିବ ହଟାଓ’ କାର୍ଯ୍ୟକ୍ରମ ଆଦି ସମ୍ପର୍କରେ ସ୍ପଷ୍ଟିକରଣ ଦେଇଛନ୍ତି। ଏହା ସହ ବର୍ତ୍ତମାନ ସରକାରରେ କିପରି ଲୋକଙ୍କ ସଞ୍ଚୟ ମୂଲ୍ୟବୃଦ୍ଧିରେ ବ୍ୟୟ ହେଉଛି, ଯୁବ ବର୍ଗରେ ଗରିବୀକୁ ନେଇ କିପରି ଅସନ୍ତୋଷ ବ୍ୟାପୁଛି, ଜିଡିପି ବିକାଶ ଦର କିପରି ହ୍ରାସହେବାରେ ଲାଗିଛି ଏ ସବୁ ବିଷୟରେ ନିଜ ପୋଷ୍ଟରେ ବିସ୍ତୃତ ଚର୍ଚ୍ଚା କରିଛନ୍ତି।
