ଭୁବନେଶ୍ବର ୧୩/୪: ରାଜଧାନୀରୁ ପିଲା ଚୋରିର ସାଂଘାତିକ ଅଭିଯୋଗ । ଦେଢ ବର୍ଷର ଶିଶୁ ପୁତ୍ରକୁ ମାଆ କୋଳରୁ ନେଇଯାଇଛନ୍ତି ଦୁର୍ବୃତ୍ତ । ବିସ୍କୁଟ,ଜୁସ୍ ଓ ମୋବାଇଲର ଲୋଭ ଦେଖାଇ ଜଣେ ଦୃଷ୍ଟିବାଧିତ ମାଆର ଶିଶୁ ପୁତ୍ରକୁ ନେଇଯାଇଛନ୍ତି ଦୁର୍ବୃତ୍ତ। ଏପରି ଅଭିଯୋଗ ଆଣିଛନ୍ତି ରାମ ମନ୍ଦିର ଆଗରେ ଭିକ୍ଷାବୃତ୍ତି କରିଥିବା ଜଣେ ଦିବ୍ୟାଙ୍ଗ ମହିଳା ।
ଶନିବାର ବିଳମ୍ବିତ ରାତି ପ୍ରାୟ ୨ଟା ସମୟର ଘଟଣା । ଏହି ଘଟଣା ରାଜଧାନୀରେ ଚାଞ୍ଚଲ୍ୟ ଖେଳାଇ ଦେଇଛି । ପିଲାକୁ ପାଇବା ପାଇଁ ଖାରବେଳନଗର ଥାନାରେ ଦ୍ବାରସ୍ଥ ହୋଇଛନ୍ତି ମହିଳା । କହିଛନ୍ତି ମୋ ପିଲାକୁ କିଏ ନେଇଯାଇଛି । ଅଙ୍ଗ ତସ୍କରି ପାଇଁ କେହି କିଡନାପ୍ କରିଥିବା ଆଣିଛନ୍ତି ସଂଗୀନ ଅଭିଯୋଗ ।
ଅଭିଯୋଗ ଆଧାରରେ ତନାଘନା ଆରମ୍ଭ କରିଛି ପୋଲିସ । ସହରରେ ଲାଗିଥିବା ସିସିଟିଭିକୁ ତନ୍ନତନ୍ନ କରି ଯାଞ୍ଚ କରିଛି ପୋଲିସ । ଦୁର୍ବୃତ୍ତମାନେ ଦେଢ ବର୍ଷର ଶିଶୁ ପୁତ୍ରକୁ ନେବା ପରେ ଏକ ଗାଡିରେ ଖାରବେଳ ନଗର ଥାନା ଅଞ୍ଚଳ ଦେଇ ଯାଉଥିବା ଦେଖିବାକୁ ମିଳିଛି ।
