ଚେନ୍ନାଇ: ଚେନ୍ନାଇରେ ଧରାଶାୟୀ ଚେନ୍ନାଇ ସୁପର କିଙ୍ଗସ୍ । କୋଲକାତା ନାଇଟ୍ ରାଇଡର୍ସ ସାମ୍ନାରେ ଦଳଗତ ଆତ୍ମସମର୍ପଣ । ଘାତକ ବୋଲିଂରେ ଘାଇଲା ହୋଇଛି ଧୋନି ଆଣ୍ଡ୍ କମ୍ପାନି । ଶିବମ୍ ଦୁବେଙ୍କ ବ୍ୟତୀତ କୌଣସି ବ୍ୟାଟର ବ୍ୟକ୍ତିଗତ ୩୦ ସ୍କୋର ପାର୍ କରିପାରିଲେ ନାହିଁ । ଫଳରେ ନିର୍ଦ୍ଧାରିତ କୋଡିଏ ଓଭରେ ୯ ଓ୍ବିକେଟ୍ ହରାଇ ସିଏସକେ ୧୦୩ ରନ୍ କରିଛି । ସେପଟେ କେକେଆର ସାମ୍ନାରେ ୧୦୪ ରନର ଟାର୍ଗେଟ୍ ରହିଛି ।
ଇଣ୍ଡିଆନ୍ ପ୍ରିମିୟର ଲିଗ୍ର ୨୫ତମ ମୁକାବିଲା ଚେନ୍ନାଇ ସୁପର କିଙ୍ଗସ୍ ଓ କୋଲକାତା ନାଇଟ୍ ରାଇଡର୍ସ ମଧ୍ୟରେ ଖେଳାଯାଉଛି । ଚଳିତ ଆଇପିଏଲରେ ପ୍ରଥମ ଥର ପାଇଁ ମହେନ୍ଦ୍ର ସିଂହ ଅଧିନାୟକତ୍ବ କରୁଛନ୍ତି । ଋତୁରାଜ ଗାଏକ୍ବାଡ୍ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିବା ପରେ ଏମ.ଏସ ନେତୃତ୍ବ ନେଇଛନ୍ତି । ପ୍ରଥମେ ବ୍ୟାଟିଂ କରି ଚେନ୍ନାଇ ସୁପର କିଙ୍ଗ୍ସ ୨୦ ଓଭରରେ ୯ ୱିକେଟ୍ ହରାଇ ମାତ୍ର ୧୦୩ ରନ୍ କରିଛି । ଚେନ୍ନାଇ ପକ୍ଷରୁ ବିଜୟ ଶଙ୍କର୨୯ ଏବଂ ଶିବମ୍ ଦୁବେ ୩୧ ସର୍ବାଧିକ ସ୍କୋର କରିଛନ୍ତି । କୋଲକାତା ପକ୍ଷରୁ ସୁନୀଲ୍ ତିନୋଟି ୱିକେଟ୍ ନେଇଥିବା ବେଳେ ହର୍ଷିତ ରାଣା ଏବଂ ବରୁଣ ଚକ୍ରବର୍ତ୍ତୀ ୨ଟି ଲେଖାଏଁ ୱିକେଟ୍ ନେଇଛନ୍ତି ।
