ମାର୍ଗଶୀର ପୂର୍ଣ୍ଣିମାରେ କରନ୍ତୁ ଏହି ୫ ଉପାୟ, ମା’ ଲକ୍ଷ୍ମୀ ହେବେ ପ୍ରସନ୍ନ

ନୂଆଦିଲ୍ଲୀ: ଗୁରୁବାର ମାର୍ଗଶୀର ପୂର୍ଣ୍ଣିମା।ମାର୍ଗଶୀର ପୂର୍ଣ୍ଣିମା ତିଥି ଭଗବାନ ବିଷ୍ଣୁ ଏବଂ ମା’ ଲକ୍ଷ୍ମୀଙ୍କୁ ସମର୍ପିତ।ଏହି ଦିନ କିଛି ଉପାୟ କରିବା ଦ୍ବାରା ବିଶେଷ ଭାବରେ ଧନଦାତ୍ରୀ ମା’ ଲକ୍ଷ୍ମୀଙ୍କ ଘରେ କୃପା ଦୃଷ୍ଟି ପଡ଼ିଥାଏ। ବିଶେଷ କରି ଏହି ପୂର୍ଣ୍ଣିମା ଦିନ କିଛି ଏଭଳି ସାମଗ୍ରୀ କିଣିବା ଦ୍ବାରା ଘରର ଆର୍ଥିକ ସ୍ଥିତି ମଜଭୁତ ହେବା ସହ ସୁଖ- ସମୃଦ୍ଧି ମଧ୍ୟ ବଢ଼ିଥାଏ।

ଦେବୀ ଲକ୍ଷ୍ମୀଙ୍କୁ ପ୍ରସନ୍ନ କରିବା ପାଇଁ ମାର୍ଗଶୀର ପୂର୍ଣ୍ଣିମାରେ କରନ୍ତୁ ଏହି ୫ ଉପାୟ

ଶ୍ରୀ ଯନ୍ତ୍ର

ମାର୍ଗଶୀର ପୂର୍ଣ୍ଣିମା ଦିନ ଧନଦାତ୍ରୀ ମା’ ଲକ୍ଷ୍ମୀଙ୍କୁ ଖୁସି କରିବା ପାଇଁ ଶ୍ରୀ ଯନ୍ତ୍ରର ବିଧିବଦ୍ଧ ପୂଜା କରନ୍ତୁ। ଏହି ଦିନ ଶ୍ରୀ ଯନ୍ତ୍ର କିଣିବା ମଧ୍ୟ ଶୁଭ ବୋଲି ବିଶ୍ବାସ ରହିଛି।

ପଳାସ ଫୁଲ

ଏଭଳି ବିଶ୍ବାସ ରହିଛି ଯେ, ମା’ ଲକ୍ଷ୍ମୀଙ୍କୁ ପଳାସ ଫୁଲ ଖୁବ୍ ପ୍ରିୟ। ମାର୍ଗଶୀର ପୂର୍ଣ୍ଣିମା ଦିନ ପୂଜା କରିବା ସମୟରେ ମା’ ଲକ୍ଷ୍ମୀଙ୍କୁ ପଳାସ ଫୁଲ ଅର୍ପଣ କରନ୍ତୁ।

ସୁନା- ରୁପା

ମାର୍ଗଶୀର ପୂର୍ଣ୍ଣିମା ଦିନ ରୁପା କିମ୍ବା ସୁନା କିଣିବା, ଶୁଭ ବୋଲି ବିଶ୍ବାସ ରହିଛି। ତେଣୁ ସମ୍ଭବ ହେଲେ ମାର୍ଗଶୀର ପୂର୍ଣ୍ଣିମା ଦିନ ସୁନା ରୁପା କିଣିପାରିବେ। ଏହାଦ୍ବାରା ମା’ ଲକ୍ଷ୍ମୀଙ୍କ ଅପାର କୃପା ପାଇବା ଏବଂ ଘରର ଶୁଖ ସମୃଦ୍ଧି ବଢ଼ିଥାଏ।

ଏକାଆଖି ନଡ଼ିଆ

ମାର୍ଗଶୀର ପୂର୍ଣ୍ଣିମା ଦିନ ମା’ ଲକ୍ଷ୍ମୀଙ୍କୁ ଏକଆଖି ଥିବା ନଡ଼ିଆ ଚଢ଼ାଇବା ଶୁଭ ବୋଲି ଧରାଯାଏ। ଏଭଳି ବିଶ୍ବାସ ରହିଛି ଯେ, ମାର୍ଗଶୀର ପୂର୍ଣ୍ଣିମା ଦିନ ମା’ ଲକ୍ଷ୍ମୀଙ୍କୁ ଏହି ନଡ଼ିଆ ଅର୍ପଣ କରିବା ଦ୍ବାରା ଘରେ ଧନ ସମ୍ପତ୍ତି ବଢ଼ିଥାଏ। ମାର୍ଗଶୀର ପୂର୍ଣ୍ଣିମା ପୂଜାରେ ଏକଆଖି ନଡ଼ିଆ ଅର୍ପଣ କରନ୍ତୁ। ଆଉ ଏହା ପରଦିନ ଏହି ନଡ଼ିଆକୁ ଘରେ ଟଙ୍କା ରଖୁଥିବା ସ୍ଥାନରେ ରଖନ୍ତୁ। ଯାହାଦ୍ବାରା ଘରେ ଧନ ଲାଭ ବଢ଼ିବ।

ତୁଳସୀ ପୂଜା

ମାର୍ଗଶୀର ପୂର୍ଣ୍ଣିମା ଦିନ ତୁଳସୀ ପୂଜା କରିବାର ବହୁତ ମହତ୍ବ ରହିଛି। ତୁଳସୀ, ମା’ ଲକ୍ଷ୍ମୀଙ୍କ ରୂପ ବୋଲି ବିଶ୍ବାସ କରାଯାଏ। ଏମିତିରେ ମାର୍ଗଶୀର ପୂର୍ଣ୍ଣିମାରେ ତୁଳସୀ ପୂଜା କରିବା ଖୁବ୍ ଲାଭଦାୟକ ବୋଲି ବିଶ୍ବାସ କରାଯାଏ। ଏହି ଦିନ ଆପଣ ତୁଳସୀ ମଧ୍ୟ ଘରକୁ କିଣିଆଣିପାରିବେ।

ବି.ଦ୍ର: ଏହି ଖବରରେ ଦିଆଯାଇଥିବା ସୂଚନା ଧାର୍ମିକ ବିଶ୍ବାସ ଏବଂ ଇଣ୍ଟରନେଟ୍ ଆଧାରିତ। ନ୍ୟୁଜ ସେଭେନ ଏହାର ସତ୍ୟତା ଉପରେ କୌଣସି ଦାବି କରୁନାହିଁ।