ଭୁବନେଶ୍ବର ୨୯।୦୪ : ରାଜଧାନୀରେ ଥମୁନି ବ୍ରାଉନ୍ସୁଗାର କାରବାର । ପୁଣି ୧୦ ଲକ୍ଷ ଟଙ୍କାର ଧଳାଜହର ଜବତ କରିଛି ଅବକାରୀ ବିଭାଗ । ଏହାସହି ବେପାରୀଙ୍କ ନିକଟରୁ ଗୋଟିଏ ସ୍କୁଟି ଜବତ ହୋଇଛି ।
ଖବର ଅନୁଯାୟୀ, ଖଣ୍ଡଗିରି ଅଞ୍ଚଳରେ ଦୀର୍ଘଦିନ ଧରି ବ୍ରାଉନସୁଗାର ବେପାର ଚାଲିଥିବା ଅବକାରୀ ବିଭାଗ ନିକଟରେ ଗୁଇନ୍ଦା ସୂଚନା ମିଳିଥିଲା । ଏହି ସୂଚନାକୁ ଆଧାର କରି ଉକ୍ତ ଅଞ୍ଚଳରେ ଚଢାଉ କରିଥିଲା ଅବକାରୀ ବିଭାଗ । ଆଉ ଏହି ଚଢାଉରେ ଅବକାରୀ ବିଭାଗକୁ ୧୧୨ ଗ୍ରାମ୍ର ବ୍ରାଉନ୍ସୁଗାର ଜବତ ହୋଇଛି । ଯାହାର ମୂଲ୍ୟ ୧୦ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଏହାସହ ବେପାରୀଙ୍କ ନିକଟରୁ ଗୋଟିଏ ସ୍କୁଟି ଜବତ ହୋଇଛି ।
ସେପଟେ ଏହି ଘଟଣାରେ ଆଉ କିଏ କିଏ ସାମିଲ ଅଛନ୍ତି । ସେନେଇ ଛାନ୍ଭିନ୍ ଜାରି ରଖିଛି ଅବକାରୀ ବିଭାଗ । ଗିରଫ ବ୍ୟକ୍ତିଙ୍କ ମଧ୍ୟ ପଚରାଉଚରା କରୁଛି ଅବକାରୀ ବିଭାଗ ।
