‘ରାବଣର ଅନ୍ତ ହୋଇଛି , କଂସର ମଧ୍ୟ ଅନ୍ତ ହୋଇଛି ’ : ସୋନମ ୱାଙ୍ଗଚୁକଙ୍କ ଗିରଫରେ ଉତ୍ତ୍ୟକ୍ତ କେଜ୍ରିୱାଲ

ନୂଆଦିଲ୍ଲୀ – ଆମ୍‌ ଆଦମୀ ପାର୍ଟିର ସୁପ୍ରିମୋ ଅରବିନ୍ଦ କେଜ୍ରିୱାଲ ସୋନମ ୱାଙ୍ଗଚୁକଙ୍କର ଗିରଫଦାରୀ ଉପରେ କ୍ରୋଧିତ ହୋଇ ଉଠିଛନ୍ତି। ସେ କହିଛନ୍ତି , ରାବଣର ମଧ୍ୟ ଅନ୍ତ ହୋଇ ଥିଲା। କଂସର ମଧ୍ୟ ଅନ୍ତ ହୋଇ ଥିଲା। ହିଟଲର ଓ ମୁସୋଲିନୀର ମଧ୍ୟ ଅନ୍ତ ହୋଇଥିଲା ଏବଂ ଆଜି ସେହି ସବୁ ଲୋକଙ୍କୁ ଲୋକେ ଘୃଣା କରନ୍ତି। ଆପ୍‌ ସୁପ୍ରିମୋ କହିଛନ୍ତି ଯେ, ଆଜି ଆମ ଦେଶରେ ଏକଛତ୍ରବାଦ ଶୀର୍ଷ ସ୍ତରରେ। ଏକଛତ୍ରବାଦୀ ଓ ଅହଙ୍କାରୀ ଲୋକଙ୍କ ଶେଷ ବହୁତ ଖରାପ ହୋଇଥାଏ।

ସୋନମ ୱାଙ୍ଗଚୁକଙ୍କ ଗିରଫଦାରୀକୁ ନେଇ ଆମ୍‌ ଆଦମୀ ପାର୍ଟିର ଦିଲ୍ଲୀ ପ୍ରଦେଶ ଅଧ୍ୟକ୍ଷ ସୌରଭ ଭରଦ୍ୱାଜ ମଧ୍ୟ ନିନ୍ଦା କରିଛନ୍ତି। ସେ ନିଜର ଏକ୍ସ ଆକାଉଣ୍ଟରେ ଲେଖିଛନ୍ତି ଯେ, ସୋନମ ୱାଙ୍ଗଚୁକଙ୍କର ଗିରଫଦାରୀ ଦେଖାଏ ଯେ , ବିଜେପିର କେନ୍ଦ୍ର ସରକାରଙ୍କୁ ନିଜର ଅନ୍ତ ନଜର ଆସୁଛି।

ଯେମିତି କଂସକୁ ନିଜର ଅନ୍ତ ନଜର ଆସୁଥିଲା , ଶୁଣା ଯାଉଥିଲା ଏବଂ ଭୟରେ ସେ ଦେବକୀଙ୍କ ପ୍ରତି ସନ୍ତାନଙ୍କୁ ନିଜର କାଳ ଭାବି ନେଇଥିଲା। ସେମିତି ଆଜି ବିଜେପିର ସରକାରଙ୍କୁ ପ୍ରତି ଆନ୍ଦୋଳନରେ ତାଙ୍କର କ୍ଷମତାର କାଳ ନଜର ଆସୁଛି। ତାଙ୍କର ସୋସିଆଲ ମିଡ଼ିଆ ହ୍ୟାଣ୍ଡଲରେ ଏହି ଡ଼ର ଦେଖାଯାଉଛି। ଏହି ଭୟ ଭଲ।

ଅନ୍ୟପଟେ ଆମ୍‌ ଆଦମୀ ପାର୍ଟିର ଏକ୍ସ ଆକାଉଣ୍ଟରେ କୁହାଯାଇଛି ଯେ, ଲଦ୍ଦାଖର ଅଧିକାର ଓ ସୁବିଧା ପାଇଁ ସ୍ୱର ଉଠାଇବା ପାଇଁ ମୋଦି ସରକାର ସୋନମ ୱାଙ୍ଗଚୁକ୍‌ଙ୍କୁ ଗିରଫ କରି କହି ଦେଇଛନ୍ତି ଯେ,ସେ ସଂପୂର୍ଣ୍ଣ ରୂପେ ଏକଛତ୍ରବାଦୀକୁ ଓହ୍ଲାଇ ଆସିଛନ୍ତି। ଆମ୍‌ ଆଦମୀ ପାର୍ଟି ମୋଦି ସରକାରଙ୍କର ଏହି ପଦକ୍ଷେପକୁ ବିରୋଧ କରେ। ଆମେ ଲଦ୍ଦାଖର ଲୋକଙ୍କ ଏହି ଲଢେଇରେ ତାଙ୍କ ସହ ଠିଆ ହୋଇଛୁ।