ଭୁବନେଶ୍ବର ୫।୬: ପ୍ରଭୁ ଲିଙ୍ଗରାଜଙ୍କୁ ଦର୍ଶନ କଲେ ଭୁବନେଶ୍ୱର ସାଂସଦ ବିଜୟୀ ପ୍ରାର୍ଥୀ ଅପରାଜିତା ଷଡଙ୍ଗୀ ଓ ଏକାମ୍ର ବିଜୟୀ ପ୍ରାର୍ଥୀ ବାବୁ ସିଂ । ବୁଧବାର ସକାଳେ ବାବୁ ସିଂ ନିଜ ଘରୁ ପଦଯାତ୍ରା କରି ଲିଙ୍ଗରାଜ ମନ୍ଦିରରେ ପହଞ୍ଚିଥିଲେ । ମନ୍ଦିର ନିକଟରେ ଅପରାଜିତା ଷଡଙ୍ଗୀ ତାଙ୍କ ସହ ମିଶି ମନ୍ଦିର ଅଭିମୁଖେ ବାହାରିଥିଲେ । ତେବେ ମନ୍ଦିର ନିକଟରେ ପହଞ୍ଚିବା ପରେ ସିଂହଦ୍ୱାର ଠାରେ ପ୍ରଣାମ କରିଥିଲେ ଉଭୟ । ଏହାପରେ ମନ୍ଦିରକୁ ଯାଇ ପ୍ରଭୁଙ୍କ ଆରାଧନା କରିଥିଲେ । ତେବେ ନିର୍ବାଚନ ପୂର୍ବରୁ ଓ ସରିଲା ବେଳେ ପ୍ରଭୁ ଲିଙ୍ଗରାଜଙ୍କ ଆଶୀର୍ବାଦ ନେଇଥିଲେ । ଆଉ ବିଜୟୀ ପରେ ଆଶୀର୍ବାଦ ନେଇଥିବା ସାଂସଦ ଅପରାଜିତା ଷଡଙ୍ଗୀ କହିଛନ୍ତି, ନିଜ ସାର୍ଟିଫିଟ୍ ପ୍ରଭୁଙ୍କ ଚରଣରେ ସମର୍ମିତ କରିଛନ୍ତି । ଏକାମ୍ର ଅଂଚଳ ଭାଇ ଭଉଣୀ ବହୁତ ସମର୍ଥନ ଜରିଛନ୍ତି । କେବଳ ଏହି ଅଞ୍ଚଳରେ ୨୫୦୦୦ରୁ ଅଧିକ ଭୋଟ୍ରେ ଆଗୁଆ ଥିବା ଅପରାଜିତା ଷଡଙ୍ଗୀ କହିଛନ୍ତି । ସମସ୍ତେ ଦେଖିବେ ଆଗାମୀ ଦିନରେ ଏହି ଅଞ୍ଚଳର ବିକାଶ ପାଇଁ କାମ କରିବୁ । ସେ ବାବୁ ସିଂଙ୍କ ସହ ମିଶି ଅଂଚଳର ବିକାଶ ପାଇଁ କାମ କରିବେ । ଓଡ଼ିଶାବାସୀ ତାଙ୍କ ଆସ୍ଥା ପ୍ରକଟ କରିଛନ୍ତି । ଆଉ ସମ୍ପୂର୍ଣ୍ଣ ବିକାଶ କରାଯିବ ବୋଲି ସେ କହିଛନ୍ତି ।
ସେପଟେ ବାବୁ ସିଂ ମଧ୍ୟ ପ୍ରଭୁ ଲିଙ୍ଗରାଜଙ୍କୁ ଦର୍ଶନ କଲା ପରେ ପ୍ରତିକ୍ରିୟା ରଖିଛନ୍ତି । ତାଙ୍କ କହିବା ଅନୁଯାୟୀ ଜନସାଧାରଣ ଆମ ମାଲିକ ସେ କାହାକୁ ହିରୋ କରିବେ ତ କାହାକୁ ଜିରୋ କରିବେ । ଓଡିଶାରେ ଜନତା ଐତିହାସିକ ରାୟ ଦେଇଛନ୍ତି । ଓଡ଼ିଶାବାସୀଙ୍କୁ ବାହାର ଅଫିସରମାନେ ଯେମିତି ଚାକର ଭାବୁଥିଲେ ଓଡିଶାବାସୀ ତାଙ୍କୁ ଜବାବ ଦେଇଛନ୍ତି । ଓଡ଼ିଆ ଲୋକେ ସ୍ୱାଭିମାମୀ । ସେମାନେ ସହିବା ବି ଜାଣିଛନ୍ତି ଆଉ ବିଦାୟ କରିବା ବି ଜାଣିଛନ୍ତି । ଆଗାମୀ ଦିନରେ ଅଞ୍ଚଳର ସମସ୍ୟାକୁ ନେଇ କାମ କରିବି । ଆସନ୍ତାକାଲି ଠାରୁ ଜଳବନ୍ଦୀ ସମସ୍ୟାର ସମାଧାନ ପାଇଁ କାମ କରିବି । ମୌସୁମୀ ପହଞ୍ଚିଯିବ ହେଲେ ଏବର୍ଷ କେମିତି ଜଳବନ୍ଦୀ ସମସ୍ୟା ହେବନାହିଁ ସେ ଦିଗରେ ଆମେ କାମ କରିବୁ । ଯୁଦ୍ଧକାଳୀନ ଭିତରେ କାମ କରିବୁ ବୋଲି ସେ କହିଛନ୍ତି । ନଣ୍ଡା ହେବାକୁ ନେଇ ମଧ୍ୟ ନିଜର ପ୍ରତିକ୍ରିୟା ରଖିଛନ୍ତି ବାବୁ ସିଂହ । ୨୫ବର୍ଷର ଅନ୍ୟ ଚାଲିଥିବା ଶାସନକୁ ଜନତା ଗ୍ରହଣ କଲେ ନାହିଁ । ଜନସାଧାରଣଙ୍କ ଐତିହାସିକ ନିଷ୍ପତ୍ତି ନେଲେ ସେହି ଉଦ୍ଦେଶ୍ୟରେ ପ୍ରଭୁଙ୍କ ନିକଟରେ ଚୁଟି ଅର୍ପଣ କରିଛନ୍ତି ବୋଲି ବାବୁ ସିଂ କହିଛନ୍ତି।
You Can Read :
ରାଜ୍ୟରେ ଲାଗୁହେବ ଆୟୁଷ୍ମାନ ଭାରତ ଯୋଜନା, ଖୋଲିବ ଶ୍ରୀମନ୍ଦିର ଚାରିଦ୍ବାର : ମନମୋହନ