ଏପ୍‌ଷ୍ଟିନ୍ ଫାଇଲ୍ସରେ ୫୦୦୦ ବର୍ଷ ପୁରୁଣା 'ମସାଜ କଳା' ଓ 'ଆୟୁର୍ବେଦ'ର ଉଲ୍ଲେଖ

ନୂଆଦିଲ୍ଲୀ: ଆମେରିକାର ନ୍ୟାୟ ବିଭାଗ ଦ୍ୱାରା ପ୍ରକାଶିତ ଏପଷ୍ଟିନ ଫାଇଲକୁ ନେଇ ଏବେ ସାରା ଦୁନିଆରେ ଚର୍ଚ୍ଚା । ଏହି ଫାଇଲ୍ ଅନେକ ଗୁମର ନିଜ ଭତରେ ରଖିଛି ବୋଲି ଦାବି କରାଯାଉଛି । ଏହାରି ଭିତରେ ଭାରତ ଆୟୁର୍ବେଦକୁ ନେଇ ଏହି ଫାଇଲ୍ ଉଲ୍ଲେଖ ଥିବା ଜଣାପଡ଼ିଛି । ଏଥିରେ 'ମସାଜ କଳା' ଏବଂ ଭାରତର ଆୟୁର୍ବେଦର ଉଲ୍ଲେଖ ମିଳିଛି । ନ୍ୟାୟ ବିଭାଗ ଶୁକ୍ରବାର ଦୋଷୀ ସାବ୍ୟସ୍ତ ଯୌନ ଅପରାଧୀ ଜେଫ୍ରି ଏପଷ୍ଟିନଙ୍କ ସହ ଜଡିତ ହଜାର ହଜାର ଫାଇଲ ପ୍ରକାଶ କରିଛି ।

୨୦୧୯ ମସିହାରେ ଏପଷ୍ଟିନ୍ ମାନହାଟନ୍ ଜେଲରେ ଆତ୍ମହତ୍ୟା କରିଥିଲେ । ତାଙ୍କ ବିରୁଦ୍ଧରେ ଡଜନ ଡଜନ ନାବାଳିକା ଝିଅଙ୍କୁ ଯୌନ ନିର୍ଯାତନା ଏବଂ ଚାଲାଣ କରିବାର ଅଭିଯୋଗ ଥିଲା । ଏହି ପ୍ରସଙ୍ଗଟି ରାଜନୈତିକ ଦୃଷ୍ଟିରୁ ବେଶ ସମ୍ବେଦନଶୀଳ । ଆମେରିକାର ଡେମୋକ୍ରାଟିକ୍ ନେତାମାନେ ବିଶ୍ୱର କିଛି ଶକ୍ତିଶାଳୀ ବ୍ୟକ୍ତିତ୍ୱଙ୍କ ସହ ସମ୍ପର୍କ ରଖିଥିବା ଏପଷ୍ଟିନଙ୍କ ସହ ଜଡିତ ସମସ୍ତ ରେକର୍ଡ ପ୍ରକାଶ କରିବାକୁ ଦାବି କରି ଏକ ଅଭିଯାନ ଆରମ୍ଭ କରିଛନ୍ତି ।

ଏପଷ୍ଟିନ୍ ଫାଇଲଗୁଡ଼ିକରେ ଡକ୍ୟୁମେଣ୍ଟ୍ ଏବଂ ଫଟୋଗ୍ରାଫ୍ ରହିଛି । ଗୋଟିଏ ଡକ୍ୟୁମେଣ୍ଟରେ ଶରୀରରୁ ବିଷାକ୍ତ ପଦାର୍ଥ ବାହାର କରିବା ପାଇଁ ମସାଜ୍ ଏବଂ ଆୟୁର୍ବେଦର ବ୍ୟବହାର ବିଷୟରେ ଉଲ୍ଲେଖ ଅଛି । ଏଥିରେ କୁହାଯାଇଛି, "ପଶ୍ଚିମ ଦେଶର ଅନେକ ଡାକ୍ତର ଭାରତର ୫୦୦୦ ବର୍ଷ ପୁରୁଣା ପ୍ରାକୃତିକ ଚିକିତ୍ସା ପ୍ରଣାଳୀ ଉପରେ ଆଧାରିତ ମସାଜ୍ ଏବଂ ଅନ୍ୟାନ୍ୟ ଚିକିତ୍ସା ପ୍ରଦାନ କରୁଛନ୍ତି ।" ଫାଇଲଗୁଡ଼ିକରେ "ମସାଜ୍ କଳା" ଭଳି ଲେଖା ମଧ୍ୟ ରହିଛି, ଯେଉଁଥିରେ ବିଷାକ୍ତ ପଦାର୍ଥ ବାହାର କରିବା ପାଇଁ ତେଲର ବ୍ୟବହାର ବିଷୟରେ ଉଲ୍ଲେଖ ଅଛି ।

ଟ୍ରମ୍ପଙ୍କ କେବଳ ସୀମିତ ସଂଖ୍ୟକ ଫଟୋଗ୍ରାଫ୍ ସହ ଏହି ପ୍ରକାଶନଗୁଡ଼ିକ ପ୍ରକାଶ ପାଇଛି । ନ୍ୟାୟ ବିଭାଗ ସ୍ୱୀକାର କରିଛି ଯେ ପ୍ରକାଶିତ ଦଲିଲ୍ ସମ୍ପୂର୍ଣ୍ଣ ନୁହେଁ । ଫାଇଲଗୁଡ଼ିକରେ ପୂର୍ବତନ ଆମେରିକା ରାଷ୍ଟ୍ରପତି ବିଲ୍ କ୍ଲିଣ୍ଟନଙ୍କ ଅନେକ ଫଟୋଗ୍ରାଫ୍ ଏବଂ ପପ୍ ଷ୍ଟାର ମାଇକେଲ୍ ଜ୍ୟାକସନଙ୍କ ସହିତ ଏପଷ୍ଟିନଙ୍କ ଫଟୋ ମଧ୍ୟ ରହିଛି । ଏପଷ୍ଟିନ୍ ସହିତ ଜଡିତ କୌଣସି ମାମଲାରେ ଟ୍ରମ୍ପ କିମ୍ବା କ୍ଲିଣ୍ଟନଙ୍କ ବିରୁଦ୍ଧରେ କୌଣସି ଭୁଲ୍ ଅଭିଯୋଗ ଆସିନାହିଁ ।