ଉଦ୍ଧାର ମୃତଦେହ ୟୁଟ୍ୟୁବରଙ୍କ ନୁହେଁ, କୋଲକାତାର ଯୁବ ଇଞ୍ଜିନିୟର ଅନିମେଷ

ଲମତାପୁଟ: ୮୨ ଦିନ ପରେ ମିଳିଲା ନିଖୋଜ ଯୁବ ଇଞ୍ଜିନିୟର ଅନିମେଷ ଦାସଙ୍କ ଗଳିତ ଶବ । ଅନିମେଷଙ୍କ ନିଜ ଘର କଲିକତାରେ । ସେ ଭୁବନେଶ୍ବରରେ ରହୁଥିବା  ନିଜ ବଡ଼ ଭାଇ ଏବଂ ଭାଉଜ ପୁତୁରାଙ୍କୁ ନେଇ ଭୁବନେଶ୍ବରରୁ କୋରାପୁଟ ଜିଲ୍ଲା ଡୁଡୁମା ଜଳପ୍ରପାତ ବୁଲିବା ପାଇଁ ଆସିଥିଲେ l ପରିବାର ସହ ମାଛକୁଣ୍ଡ ଜଳବିଦ୍ୟୁତ ପ୍ରକଳ୍ପ ବୁଲିବା ପାଇଁ ଯାଇଥିଲେ । ମାଛକୁଣ୍ଡ ଜଳବିଦ୍ୟୁତ ପ୍ରକଳ୍ପ ତଳ ଭାଗରେ ଥିବା ପ୍ରାୟ ୩ କିଲୋମିଟର ଦୂର ଗୁମୁଡାପୁଟ ନିକଟରେ   ଏକ ଗଳିତ ମୃତ ଦେହ ଭାସୁଥିବା ଦେଖିଥିଲେ ଗ୍ରାମବାସୀ l ତେବେ ଏହି ମୃତଦେହ ମିଳିବା ପରେ ସମସ୍ତେ ଭାବିଲେ ଏହା ଗଞ୍ଜାମ ଜିଲ୍ଲାର ୟୁଟ୍ୟୁବରଙ୍କ ମୃତଦେହ। ତେବେ ଏହା ଯୁବ ଇଞ୍ଜିନିୟର ଅନିମେଷ ଦାସଙ୍କ ଗଳିତ ଶବ।

ମାଛକୁଣ୍ଡ ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଥିଲା l ଗଳିତ ମୃତ ଦେହରୁ ମୁଣ୍ଡ ନଥିବା  ବେଳେ ଡୁଡୁମାରେ ନିଖୋଜ ଦୁଇ ଯୁବକ ତଥା ଅନିମେଷ ଦାସ ନା ସାଗର କୁଣ୍ଡୁଙ୍କ ମୃତ ଦେହ ଚି଼ହ୍ନଟ କରିବା ପାଇଁ ଉଦ୍ୟମ ଆରମ୍ଭ କରିଥିଲା l ଶବକୁ ଜବତ କରି ଯାଞ୍ଚ କରିବା ବେଳେ ଏକ ମୋବାଇଲ ଫୋନ ମିଳିଥିଲା l ଗଳିତ ମୃତ ଦେହକୁ ଲମତାପୁଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଶବ ବ୍ୟବଛେଦ ପାଇଁ ପଠାଇ ଥିବା ବେଳେ ମୋବାଇଲ ଫୋନ କୁ ପୋଲିସ ଯାଞ୍ଚ କରିବାରୁ ଅନିମେଷ ଙ୍କ ଫୋନ ହୋଇଥିବା ଜଣାପଡିଥିଲା l ଆସନ୍ତାକାଲି ମେଡିକାଲ ଟିମ ଏବଂ ସାଇଣ୍ଟି ଫିକ ଶବ ଭ୍ୟବଛେଦ ପରେ ମୁତ ବ୍ୟକ୍ତି ଜଣକ ଅନିମେଷ ବୋଲି ସ୍ପଷ୍ଟ ହେବ ବୋଲି ପୋଲିସ ସୂଚନା ଦେଇଛି l

ଜୁନ ୧୪ ତାରିଖ ରେ ଡୁଡୁମା ଜଳପ୍ରପାତରେ ଯୁବ ଇଞ୍ଜିନିୟର ଅନିମେଷ ଦାସ  ନିଖୋଜ ହୋଇଯାଇଥିଲେ l ଅନିମେଷ ନିଜ ବଡ଼ ଭାଇ ଏବଂ ଭାଉଜ ପୁତୁରା ନେଇ ଭୁବନେଶ୍ବରରୁ କୋରାପୁଟ ଜିଲ୍ଲା ଡୁଡୁମା ଜଳପ୍ରପାତ ବୁଲିବା ପାଇଁ ଆସିଥିଲେ l ଡୁଡୁମା ଜଳପ୍ରପାତର ୫୫୦ ଫୁଟ ପାଦ ତଳକୁ ଯାଇଥିଲେ। ପରିବାର ବର୍ଗ ସେଠାରେ ବୁଲା ବୁଲି କରିବା ସମୟରେ  ଅନିମେଷଙ୍କ ଚପଲ ବାହାରେ ଥିବା ବେଳେ ସେ ନିଖୋଜ ଥିବା ଜଣାପଡ଼ିଥିଲା l ପରିବାର ଲୋକ ଏବଂ  ଡୁଡୁମାରେ ଥିବା ସ୍ଥାନୀୟ ବାସିନ୍ଦା ଖୋଜା ଖୋଜି କରିବା ସ୍ୱେତେ କୌଣସି ପତା ମିଳିନଥିଲା l ଉଦ୍ଧାର କାର୍ଯ୍ୟ ପାଇଁ ଲମତାପୁଟ ଅଗ୍ନିଶମକୁ  କୋରାପୁଟ ଓଡ୍ରାଫ ଟିମ ଖୋଜି ଥିଲେ ମଧ୍ୟ କୌଣସି ସନ୍ଧାନ ମିଳିନଥିଲା l