ମୃତ୍ୟୁ ଖବର ଗୁଜବ ଉପରେ ମୁହଁ ଖୋଲିଲେ କାଜଲ ଅଗ୍ରୱାଲ, କହିଲେ-ମୁଁ ବଞ୍ଚିଛି...

ନୂଆଦିଲ୍ଲୀ ୧୧।୦୯; ସାଉଥର ବରିଷ୍ଠ ଅଭିନେତ୍ରୀ କାଜଲ ଅଗ୍ରୱାଲ। ତାଙ୍କ ବିଷୟରେ ଏକ ଗୁଜବ ସାମ୍ନାକୁ ଆସିଛି । ଯେଉଁଥିରେ କୁହାଯାଇଛି ଯେ ଏକ ଦୁର୍ଘଟଣାରେ ମୃତ୍ୟୁ ହୋଇଛି । ଅନେକ ରିପୋର୍ଟରେ ଏହା ମଧ୍ୟ କୁହାଯାଉଥିଲା ଯେ ଅଭିନେତ୍ରୀ ଏକ ସଡ଼କ ଦୁର୍ଘଟଣାରେ ଗୁରୁତର ଆହତ ମଧ୍ୟ ହୋଇଛନ୍ତି । ଏବେ କାଜଲ ନିଜେ ପୋଷ୍ଟ କରି ଏହି ରିପୋର୍ଟ ଗୁଡ଼ିକୁ ମିଥ୍ୟା ବୋଲି କହିଛନ୍ତି । ଏଥିସହ ସେ ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରି କହିଛନ୍ତି ଯେ ମୁଁ ସମ୍ପୂର୍ଣ୍ଣ ସୁସ୍ଥ ଅଛି ।
କାଜଲ ଅଗ୍ରୱାଲ ଇନଷ୍ଟାଗ୍ରାମରେ ଲେଖିଛନ୍ତି- ମୁଁ କିଛି ଖବର ପାଇଲି ଯେଉଁଥିରେ କୁହାଯାଇଛି ଯେ ମୋର ଏକ ଦୁର୍ଘଟଣା ହୋଇଛି । ଏହା ସମ୍ପୂର୍ଣ୍ଣ ଭାବରେ ମିଥ୍ୟା । ଭଗବାନଙ୍କ କୃପାରୁ, ମୁଁ ଆପଣମାନଙ୍କୁ ସମସ୍ତଙ୍କୁ ଆଶ୍ୱସ୍ତ କରିବାକୁ ଚାହୁଁଛି ଯେ ମୁଁ ସମ୍ପୂର୍ଣ୍ଣ ସୁସ୍ଥ ଅଛି । ମୁଁ ସୁରକ୍ଷିତ ଅଛି ଏବଂ ବହୁତ ଭଲ ମଧ୍ୟ ଅଛି । ମୁଁ ଆପଣଙ୍କୁ ବିନମ୍ରତାର ସହିତ ଅନୁରୋଧ କରୁଛି ଯେ ଏପରି ମିଥ୍ୟା ଖବରକୁ ବିଶ୍ୱାସ କରନ୍ତୁ ନାହିଁ କିମ୍ବା ପ୍ରସାର କରନ୍ତୁ ନାହିଁ ।
କହିବାକୁ ଗଲେ କାଜଲ, ଗୌତମ କିଚଲୁଙ୍କ ସହ ମାଳଦ୍ୱୀପ ଛୁଟି କାଟିବାକୁ ଯାଇଥିଲେ । ଏନେଇ ସେ ଇନଷ୍ଟାଗ୍ରାମରେ ଛୁଟିର ଫଟୋ ମଧ୍ୟ ସେୟାର କରି ଲେଖିଛନ୍ତି- ‘ମାଳଦ୍ୱୀପ’ ମୋର ପୁନରାବୃତ୍ତି ପ୍ରେମ । ଏକ ମାସିକ ଗସ୍ତ ଯାହାକୁ ମୁଁ ଖୁସିରେ କାଟିବି । ଏପରି ବହୁତ କିଛି ଲେଖି ସେୟାର କରିଛନ୍ତି । କାଜଲ ଅଗ୍ରୱାଲ ଶେଷ ଥର ପାଇଁ ବିଷ୍ଣୁ ମାଞ୍ଚୁଙ୍କ ଫିଲ୍ମ ‘କନ୍ନପ୍ପା’ରେ ନଜର ଆସିଥିଲେ । ଏହା ବ୍ୟତୀତ ସେ ନିତେଶ ତିୱାରୀଙ୍କ ପୌରାଣିକ ଫିଲ୍ମ ‘ରାମାୟଣ’ରେ ମଧ୍ୟ ନଜର ଆସିବେ ।