କଟକରେ ଗର୍ଜିଲେ ଚାଷୀ, ୧୬ ଦଫା ଦାବି ପୂରଣ ପାଇଁ ଜିଲ୍ଲାପାଳଙ୍କ ଦ୍ବାରା ଦେଲେ ମୁଖ୍ୟମନ୍ତ୍ରୀଙ୍କୁ ଚିଠି

କଟକ: କଟକରେ ଗର୍ଜିଲେ ହଜାର ହଜାର ଚାଷୀ। ନବ ନିର୍ମାଣ କୃଷକ ସଂଗଠନର ହଜାର ହଜାର ଚାଷୀମାନେ ଶୋଭାଯାତ୍ରାରେ ଖାନନଗର ନିକଟରୁ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲେ। ବିଶେଷ କରି ଚାଷୀଙ୍କ ସ୍ବାର୍ଥ ପାଇଁ ୧୬ ଦଫା ଦାବି ସମ୍ବଳିତ ଏକ ଦାବିପତ୍ର ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ପଠାଇବା ପାଇଁ ହଜାର ହଜାର ଚାଷୀ ଆସି କଚେରୀ ଗଡ଼ାରେ ପହଞ୍ଚିଥିଲେ।

ଜିଲ୍ଲାପାଳ ଅନୁପସ୍ଥିତ ଥିବା କାରଣରୁ ହଜାର ହଜାର ଚାଷୀମାନେ ଜିଲ୍ଲାପାଳ ଧାରଣାସ୍ଥଳକୁ ଆସି ଦାବି ପତ୍ର ଗ୍ରହଣ କରିବା ପାଇଁ ଜିଦ୍ ଧରି ବସିଥିଲେ। ଜିଲ୍ଲାପାଳ ସରକାରୀ କାର୍ଯ୍ୟକ୍ରମରେ ବ୍ୟସ୍ତ ଥିବା କାରଣରୁ ଅତିରିକ୍ତ ଜିଲ୍ଲାପାଳ ଧାରଣାସ୍ଥଳରୁ ଆସି ଦାବିପତ୍ର ଗ୍ରହଣ କରିଥିଲେ।

ବିଶେଷ କରି ଧାନ ରେଟ୍, ଚାଷୀ ବୀମା, ମାଗଣା ବିଦ୍ୟୁତ୍ ଭଳି ୧୬ଟି ଦାବି ରଖି ମୁଖ୍ୟମନ୍ତ୍ରୀଙ୍କୁ ଜିଲ୍ଲାପାଳଙ୍କ ଜରିଆରେ ନବ ନିର୍ମାଣ କୃଷକ ସଂଗଠନର କଟକ ଶାଖା ଦାବିପତ୍ର ଦେଇଥିବା କହିଛନ୍ତି ସଂଗଠନ ମୁଖ୍ୟ ଅକ୍ଷୟ କୁମାର। ସେହିଭଳି କୃଷକ ସଂଗଠନ ପକ୍ଷରୁ ଦାବି ପତ୍ର ଗ୍ରହଣ କରାଯିବା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପଠାଇବୁ ବୋଲି କହିଛନ୍ତି କଟକ ଅତିରିକ୍ତ ଜିଲ୍ଲାପାଳ।