ଅର୍ଥନୀତିରେ ନୋବେଲ ପୁରସ୍କାର ଘୋଷଣା, ଆର୍ଥିକ ବିକାଶରେ ଇନୋଭେସନ ପାଇଁ ମିଳିବ ସମ୍ମାନ

ନୂଆଦିଲ୍ଲୀ: ଅର୍ଥନୀତିରେ ନୋବେଲ ପୁରସ୍କାର ଘୋଷଣା। ୨ ଆମେରିକୀୟ ଜୋଏଲ୍ ମୋକିର, ପିଟର୍ ହାୱିଟ ଏବଂ ଜଣେ ବ୍ରିଟିଶ ନାଗରିକ ଫିଲିପ୍ ଏଘିଅନଙ୍କୁ ପ୍ରଦାନ କରାଯାଇଛି ଅର୍ଥନୀତିରେ ନୋବେଲ। ଆର୍ଥିକ ବିକାଶରେ ଇନୋଭେସନ ପାଇଁ ନୋବେଲ ପ୍ରଦାନ କରାଯାଇଛି।

ଗତ ବର୍ଷ, ଅର୍ଥନୀତିରେ ନୋବେଲ ପୁରସ୍କାର ତିନି ଜଣ ଅର୍ଥନୀତିଜ୍ଞଙ୍କୁ ପ୍ରଦାନ କରାଯାଇଥିଲା: ଡାରନ୍ ଆସେମୋଗ୍ଲୁ, ସାଇମନ୍ ଜନସନ୍ ଏବଂ ଜେମ୍ସ ଏ. ରବିନସନ୍। ଏମାନେ କିଛି ଦେଶ ଧନୀ ଏବଂ ଅନ୍ୟମାନେ ଗରିବ କାହିଁକି ତାହା ଅଧ୍ୟୟନ କରିଥିଲେ। ସେମାନେ ଷ୍ଟଡି କହିଥିଲେ ଯେ ଅଧିକ ମୁକ୍ତ ସମାଜ ସମୃଦ୍ଧ ହେବାର ସମ୍ଭାବନା ଅଧିକ।

ନୋବେଲର ଇତିହାସରୁ କିଛି​​​​​​​-

1833ରେ ସ୍ୱିଡେନର ଷ୍ଟକହୋମରେ ଜନ୍ମିତ ଆଲଫ୍ରେଡ୍ ନୋବେଲ୍ କେବଳ ଜଣେ ଉଦ୍ଭାବକ ନଥିଲେ, ବରଂ ଜଣେ ଉଦ୍ୟୋଗୀ ଏବଂ ବ୍ୟବସାୟୀ ମଧ୍ୟ ଥିଲେ। ସେ ଜଣେ ବୈଜ୍ଞାନିକ ଥିଲେ ଯିଏ କବିତା ଏବଂ ନାଟକ ମଧ୍ୟ ଲେଖିଥିଲେ। ନୋବେଲ୍ କେବଳ ଡାଇନାମାଇଟ୍ ଉଦ୍ଭାବନ କରିନଥିଲେ, ବରଂ 355 ରୁ ଅଧିକ ପେଟେଣ୍ଟ ମଧ୍ୟ ରଖିଥିଲେ।୧୮୯୫ ମସିହା ନଭେମ୍ବର ୨୭ ତାରିଖରେ ଆଲଫ୍ରେଡ ନୋବେଲ ପ୍ୟାରିସରେ ତାଙ୍କ ଇଚ୍ଛାପତ୍ରରେ ସ୍ୱାକ୍ଷର କରିଥିଲେ। ଏଥିରେ ସେ ସର୍ତ୍ତ ରଖିଥିଲେ ଯେ ତାଙ୍କ ସମ୍ପତ୍ତିର ଏକ ବଡ଼ ଅଂଶକୁ ପାଞ୍ଚଟି ଭାଗରେ ବିଭକ୍ତ କରାଯିବା ଉଚିତ।

ଏହି ରାଶିକୁ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ଶରୀର ବିଜ୍ଞାନ (ଚିକିତ୍ସା), ସାହିତ୍ୟ ଏବଂ ଶାନ୍ତି କ୍ଷେତ୍ରରେ ପୁରସ୍କାର ପ୍ରଦାନ କରିବା ପାଇଁ ବ୍ୟବହାର କରାଯିବା ଉଚିତ ଯେଉଁମାନେ ପୂର୍ବ ବର୍ଷରେ ମାନବଜାତି ପାଇଁ ସର୍ବାଧିକ ଅବଦାନ ଦେଇଥିଲେ। ଏହି ଇଚ୍ଛାପତ୍ରରେ ସ୍ୱାକ୍ଷର କରିବାର ମାତ୍ର ଗୋଟିଏ ବର୍ଷ ପରେ ୧୮୯୬  ଡିସେମ୍ବର ୧୦ରେ ତାଙ୍କର ମୃତ୍ୟୁ ହୋଇଥିଲା। ୧୯୦୧ ମସିହାରୁ, ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ଔଷଧ, ସାହିତ୍ୟ ଏବଂ ଶାନ୍ତି କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ନୋବେଲ ପୁରସ୍କାର ପ୍ରଦାନ କରାଯାଉଥିଲା। ଡିସେମ୍ବର ୧୦ ତାରିଖରେ ପ୍ରଥମ ନୋବେଲ ପୁରସ୍କାର ପ୍ରଦାନ କରାଯାଇଥିଲା।