ଭାଇଜାନ୍‌ଙ୍କୁ ନେଇ ବିବାଦୀୟ ବୟାନ ଦେଲେ ‘ଦବଙ୍ଗ’ ନିର୍ମାତା, ପରିବାରକୁ ମଧ୍ୟ କଲେ ଟାର୍ଗେଟ

ନୂଆଦିଲ୍ଲୀ ୦୮।୦୯; ବଲିଉଡ ସୁପରଷ୍ଟାର  ସଲମାନ ଖାନ । ବର୍ତ୍ତମାନ ସେ ରିଆଲିଟି ଶୋ 'ବିଗ୍ ବସ୍ ୧୯'ର ସୁଟିଂରେ ବ୍ୟସ୍ତ ଅଛନ୍ତି। ଏହି ସମୟରେ 'ଦବଙ୍ଗ' ସିନେମା ନିର୍ଦ୍ଦେଶକ ଅଭିନବ କଶ୍ୟପ ଭାଇଜାନଙ୍କ ବିଷୟରେ ଏକ ବିବାଦୀୟ ବୟାନ ଦେଇଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଅଭିନବ ତାଙ୍କ ବୟାନରେ ସଲମାନଙ୍କୁ ଜଣେ ଗୁଣ୍ଡା ଏବଂ ଅସଭ୍ୟ ମଣିଷ ବୋଲି ମଧ୍ୟ କହିଛନ୍ତି। କେବଳ ଏତିକି ନୁହେଁ, ଅଭିନବ ସଲମାନ ଖାନ ଏବଂ ତାଙ୍କ ପରିବାରକୁ ମଧ୍ୟ ଟାର୍ଗେଟ କରି ସମାଲୋଚନା କରିଛନ୍ତି।

ସଲମାନ ଖାନଙ୍କ ବିଷୟରେ ଅଭିନବ କ'ଣ କହିଛନ୍ତି?

ଏକ ସାକ୍ଷାତକାରରେ ଅଭିନବ ସଲମାନଙ୍କୁ କହିଛନ୍ତି, 'ସଲମାନ କେବେ କୌଣସି କାମରେ ସାମିଲ ହୁଅନ୍ତି ନାହିଁ । ସେ ଅଭିନୟ ଜଗତରେ ରହିବାକୁ ବହୁତ ପସନ୍ଦ କରନ୍ତି କିନ୍ତୁ ଅଭିନୟରେ କୌଣସି ଆଗ୍ରହ ନାହିଁ। କାହିଁକି ନା ସେ କେବେ ବି କାହାଣୀ ବୁଝିବାକୁ ଇଚ୍ଛା କରନ୍ତି ନାହିଁ । ଗତ ୨୫ ବର୍ଷ ଧରି ସେ କେବଳ ସମୟ ଅତିବାହିତ କରିବାକୁ ଫିଲ୍ମ କରୁଛନ୍ତି। ଯେତେବେଳେ ସେ ଫିଲ୍ମର ସେଟକୁ ଆସନ୍ତି, ସେତେବେଳେ ଲାଗେ ଯେ ସେ ସୁଟିଂକୁ ଆସି ଦୟା କରିଛନ୍ତି। ଦବଙ୍ଗ ପୂର୍ବରୁ ମୁଁ ଏହା ବିଷୟରେ ଜାଣି ନଥିଲି। ହେଲେ ପରେ ଜାଣିଲି ସଲମାନ ଜଣେ ଗୁଣ୍ଡା ଏବଂ ଅସଭ୍ୟ ମଣିଷ। ଏତିକି ହିଁ ନୁହେଁ ଅଭିନବ ସଲମାନଙ୍କ ପରିବାରକୁ ମଧ୍ୟ ସମାଲୋଚନା କରି କହିଥିଲେ,'ସେ ଏପରି ଏକ ଫିଲ୍ମ ପରିବାରରୁ ଆସିଛନ୍ତି।  ଯାହା ୫୦ ବର୍ଷ ଧରି ଇଣ୍ଡଷ୍ଟ୍ରିରେ ଅଛି।  ବଲିଉଡରେ ଷ୍ଟାର ସିଷ୍ଟମ ଏହି ପରିବାର ଆରମ୍ଭ କରିଥିଲା ଏବଂ ସେମାନେ ଭବିଷ୍ୟତରେ ମଧ୍ୟ ଏହି ପ୍ରକ୍ରିୟା ଜାରି ରଖିବେ। ଯଦି ଆପଣ ସେମାନଙ୍କ କୌଣସି କଥାରେ ସେମାନଙ୍କ ସହିତ ମତଭେଦ କରନ୍ତି, ତେବେ ସେମାନେ ଆପଣଙ୍କ ପଛରେ ପଡିଯିବେ। ଏହି ଲୋକମାନେ କେବଳ ପ୍ରତିଶୋଧ ନେବାର ଭାବନା ନେଇ କାମ କରନ୍ତି।

ଅନୁରାଗ କଶ୍ୟପ ଦେଇଥିଲେ ପରାମର୍ଶ

ଅଭିନବ କଶ୍ୟପ ଅନୁରାଗ କଶ୍ୟପଙ୍କ ସାନ ଭାଇ। ସାକ୍ଷାତକାରରେ ଅଭିନବ ଏହା ମଧ୍ୟ କହିଥିଲେ ଯେ ଦବଙ୍ଗ ତିଆରି କରିବା ପୂର୍ବରୁ ତାଙ୍କ ଭାଇ ଅନୁରାଗ ତାଙ୍କୁ ପରାମର୍ଶ ଦେଇଥିଲେ। ଏବେ ମୁଁ ବୁଝିପାରୁଛି ଅନୁରାଗ ମୋତେ ଏପରି କାହିଁକି କହୁଥିଲେ । ଅଭିନବଙ୍କ କ୍ୟାରିଅର ବିଷୟରେ କହିବାକୁ ଗଲେ, 'ଦବଙ୍ଗ' ପୂର୍ବରୁ ସେ ରଣବୀର କପୁରଙ୍କ ସିନେମା 'ବେଶରମ'ର ନିର୍ଦ୍ଦେଶନା ମଧ୍ୟ ଦେଇଥିଲେ। ଏହି ସିନେମା ୨୦୧୩ ମସିହାରେ ମୁକ୍ତିଲାଭ କରିଥିଲା। ଏଥିରେ ରଣବୀର କପୁରଙ୍କ ସହିତ ପଲ୍ଲବୀ ଶାରଦା, ରିଷି କପୁର ଏବଂ ନୀତୁ କପୁର ପ୍ରମୁଖ ଭୂମିକାରେ ନଜର ଆସିଥିଲେ। କିନ୍ତୁ, ଏହି ସିନେମା ବକ୍ସ ଅଫିସରେ ଫ୍ଲପ୍ ପ୍ରମାଣିତ ହୋଇଥିଲା।