ନୂଆଦିଲ୍ଲୀ ୨୮।୦୫: ବେକାରୀ ସମସ୍ୟା । ସାରା ବିଶ୍ୱରେ ବ୍ୟାପିଛି । ବିଶ୍ୱରେ ଲକ୍ଷ ଲକ୍ଷ ଯୁବକ ଅଛନ୍ତି ଯେଉଁମାନଙ୍କ ପାଖରେ ଡିଗ୍ରୀ ଅଛି କିନ୍ତୁ କୌଣସି ଚାକିରି ନାହିଁ । ସମସ୍ତଙ୍କର ସ୍ବପ୍ନ ଚାକିରୀ କରି କୋଟିକୋଟି ଟଙ୍କାର ଦରମା ପାଇବା । କିନ୍ତୁ ଏହା ଅନେକଙ୍କ ପାଇଁ ସ୍ବପ୍ନ । କିନ୍ତୁ ଦୁନିଆର ଏପରି ଏକ ଚାକିରି ଅଛି ଯାହାର ଦରମା ହେଉଛି କୋଟିକୋଟି । କିନ୍ତୁ ଆଶ୍ଚର୍ଯ୍ୟର କଥା ହେଉଛି ଏହି ଚାକିରୀ କରିବାକୁ କେହି ବି ହୁଅନ୍ତିନି ପ୍ରସ୍ତୁତ । ଏହି ଚାକିରୀରେ ନା କୌଣସି ମ୍ୟାନେଜର ଅଛନ୍ତି ନା କୌଣସି ବସ୍ । କିନ୍ତୁ ଏତେ ସୁବିଧା ପରେ ଏଠାକୁ କେହି ଆସୁନାହାନ୍ତି, କି ଚାକିରୀରେ ରହୁନାହାନ୍ତି ।
ବାସ୍ତବରେ ମିଶରର ଆଲେକଜାଣ୍ଡ୍ରିଆ ବନ୍ଦରରେ ରହିଛି ଫାରୋସ ନାମକ ଏକ ଦ୍ୱୀପ । ଆଉ ଏଠାରେ ଏକ ଲାଇଟହାଉସ ରହିଛି । ଏହି ଲାଇଟ୍ ହାଉସ୍ ପାଇଁ ଜଣେ ରକ୍ଷକଙ୍କର ଆବଶ୍ୟକତା ରହୁଛି । ଆଉ ଏହି ଚାକିରୀ ପାଇଁ ବାର୍ଷିକ ଦରମା ପ୍ୟାକେଜ୍ ହେଉଛି ପ୍ରାୟ ୩୦ କୋଟି ଟଙ୍କା। ତେବେ ଲାଇଟହାଉସ୍ ରକ୍ଷକଙ୍କ କାମ ହେଉଛି କେବଳ ଗୋଟିଏ ବଟନ୍ ଦବାଇବା । ଆଉ ଲାଇଟହାଉସ୍ର ଆଲୋକ ଉପରେ ନଜର ରଖିବାକୁ ପଡ଼ିଥାଏ । ତାଙ୍କୁ କେବଳ ଗୋଟିଏ କଥା ପ୍ରତି ଧ୍ୟାନ ଦେବାକୁ ପଡିବ ଯେ ବତୀଘରର ଆଲୋକ ଯେପରି ଲିଭି ନ ଯାଏ । ତା'ପରେ ସେ ୨୪ ଘଣ୍ଟା ତାଙ୍କର ଯାହା ଇଚ୍ଛା କରିପାରିବେ ।
ଏବେ ପ୍ରଶ୍ନ ଆସୁଛି ଏ କାମ ଯଦି ଏତେ ସହଜ ତେବେ କେହି ଏହି ଚାକିରୀ କରିବାକୁ ଚାହୁଁନାହାଁନ୍ତି କାହିଁକି ? ବାସ୍ତବରେ ଚାକିରିକୁ ଦୁନିଆର ସବୁଠାରୁ ବିପଦପୂର୍ଣ୍ଣ କାମ ବୋଲି ବିବେଚନା କରାଯାଏ । କାରଣ ଏଠାରେ ବ୍ୟକ୍ତିଙ୍କୁ ସବୁବେଳେ ଏକା ରହିବାକୁ ପଡ଼ିଥାଏ। ତାଙ୍କ ସହିତ କଥା ହେବା ପାଇଁ ଏଠାରେ କେହି ନଥାନ୍ତି ।
ମାଇଲ ମାଇଲ ପର୍ଯ୍ୟନ୍ତ କୌଣସି ମଣିଷ ଦେଖାଯାଆନ୍ତିନି । ଏମିତିକି ସମୁଦ୍ର ମଝିରେ ନିର୍ମିତ ଏହି ବତୀଘରକୁ ଅନେକ ବିପଦପୂର୍ଣ୍ଣ ଝଡ଼ର ସମ୍ମୁଖୀନ ହେବାକୁ ପଡ଼ିଥାଏ। ଆଉ ବିଶେଷ କରି କାମରେ ପ୍ରକୃତ ଚ୍ୟାଲେଞ୍ଜ ସେତେବେଳେ ଆସିଥାଏ ଯେତେବେଳେ ସମୁଦ୍ରରେ ଢେଉ ଆସେ । କାରଣ ଏହି ଢେଉ ଏତେ ଉଚ୍ଚ ହୋଇଯାଏ ଯେ ପୁରା ଲାଇଟହାଉସ୍ ଏଥିରେ ବୁଡ଼ିଯାଏ। ଏମିତିକି ଲାଇଟହାଉସ ରକ୍ଷକଙ୍କ ମୃତ୍ୟୁର ଆଶଙ୍କା ମଧ୍ୟ ବଢି ଯାଇଥାଏ ।
ଅନେକ ଲୋକଙ୍କ ମନରେ ପ୍ରଶ୍ନ ଆସେ ଯେ ବତୀଘରଟି ସମୁଦ୍ର ମଝିରେ କାହିଁକି ନିର୍ମାଣ କରାଯାଇଛି ? ବତୀଘରଟିରେ ଲାଇଟ୍ ଜଳିବା କାହିଁକି ଗୁରୁତ୍ୱପୂର୍ଣ୍ଣ? କହିରଖୁ କି ପ୍ରସିଦ୍ଧ ନାବିକ କ୍ୟାପଟେନ ମର୍ସିଅସ୍ ଥରେ ଏଠାରୁ ଯାଉଥିଲେ। କିନ୍ତୁ ସେ ଏହି ଅଞ୍ଚଳରେ ଥିବା ବଡ଼ ବଡ଼ ପଥର ଦେଖିପାରିଲେନି । ଯେଉଁଥିପାଇଁ ତାଙ୍କ ଡଙ୍ଗା ଓଲଟି ପଡ଼ିଥିଲା। ଏହି ଦୁର୍ଘଟଣାରେ ଅନେକ କ୍ରୁ ସଦସ୍ୟଙ୍କ ମୃତ୍ୟୁ ହୋଇଥିଲା। ଏହି ସମୟରେ କ୍ୟାପ୍ଟେନ୍ ମେରୀ ମାଇଲ ଦୂରରେ ଯାଇ ମିଶରରେ ପହଞ୍ଚିଲେ। ବିଶ୍ୱାସ କରାଯାଏ ଯେ ଏଠାରେ ପ୍ରାୟତଃ ଦୁର୍ଘଟଣା ଘଟୁଛି । ଯାହାକୁ ରୋକିବା ନିର୍ମାଣ କରାଯାଇଛି ଏହି ବତୀଘର ।
