ନୈନିତାଲରେ ଛାତିଥରା ଦୁର୍ଘଟଣା; ୬୦ ମିଟର ଖାଇକୁ ଖସିଲା କାର୍, ୩ ମୃତ

ନୂଆଦିଲ୍ଲୀ ୨୩।୧୧; ଉତ୍ତରାଖନଣ୍ଡରେ ଭୟଙ୍କର ଦୁର୍ଘଟଣା । ନୈନିତାଲର କୈଞ୍ଚି ଧାମ ନିକଟରେ ଗତକାଲି ବିଳମ୍ବିତ ରାତିରେ ଏକ ସଡ଼କ ଦୁର୍ଘଟଣା ଘଟିଛି। ଅଲମୋଡ୍ଡାରୁ ହଲଦ୍ୱାନୀ ଯାଉଥିବା ଏକ ବିବାହ ପାର୍ଟିକୁ ନେଇ ଯାଉଥିବା କାର ହଠାତ୍ ନିୟନ୍ତ୍ରଣ ହରାଇ ୬୦ ମିଟର ଗଭୀର ଖାଇକୁ ଖସିପଡ଼ିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ ଗାଡ଼ିଟି ସମ୍ପୂର୍ଣ୍ଣ ନଷ୍ଟ ହୋଇଗଲା। ସୂଚନା ପାଇବା ପରେ, SDRF ଏବଂ ସ୍ଥାନୀୟ ପୋଲିସ ତୁରନ୍ତ ଘଟଣାସ୍ଥଳକୁ ପହଞ୍ଚିଥିଲେ।

ଶନିବାର ବିଳମ୍ବିତ ରାତିରେ ଖୈରନା ପୋଲିସକୁ ସୂଚନା ମିଳିଥିଲା ଯେ ଏକ SUV କୈଞ୍ଚି ଧାମ ନିକଟ ଖାଇରେ ଖସି ପଡ଼ିଛି। ଗାଡ଼ିରେ ଚାରି ଜଣ ଥିବା ନେଇ ଜଣାପଡିଥିଲା। SDRF ଖୈରନାରେ ପହଞ୍ଚି ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା। ଘଟଣାସ୍ଥଳରେ SDRF ଟିମ୍ ଅତ୍ୟନ୍ତ ଚ୍ୟାଲେଞ୍ଜିଂ ପରିସ୍ଥିତିର ସମ୍ମୁଖୀନ ହୋଇଥିଲା। ଖାଇଟି ଅତ୍ୟନ୍ତ ଗଭୀର, ପାହାଡ଼ି ଅଞ୍ଚଳ ଦୁର୍ଗମ ଥିଲା ଏବଂ ରାତିର ଅନ୍ଧାର ଉଦ୍ଧାର କାର୍ଯ୍ୟକୁ ଆହୁରି କଷ୍ଟକର କରିଥିଲା।

ଏହା ସତ୍ତ୍ୱେ କର୍ମଚାରୀମାନେ ସମୟ ନଷ୍ଟ ନକରି ଅପରେସନ୍ ଆରମ୍ଭ କରିଥିଲେ। ଗାଡ଼ି ପାଖରେ ପହଞ୍ଚିବା ପାଇଁ ଦଳକୁ ରଶି ଏବଂ ଷ୍ଟ୍ରେଚର ବ୍ୟବହାର କରିବାକୁ ପଡିଲା।ଉଦ୍ଧାରକାରୀ ଦଳ ଜଣେ ଆହତ ବ୍ୟକ୍ତିଙ୍କୁ ଉଦ୍ଧାର କରି ଡାକ୍ତରଖାନାକୁ ପଠାଯାଇଥିଲା। ଦୁର୍ଘଟଣାରେ ଘଟଣାସ୍ଥଳେ ତିନି ଜଣଙ୍କର ମୃତ୍ୟୁ ହୋଇଥିଲା। SDRF ଦଳ ଗଭୀର ଖାଇରୁ ମୃତଦେହ ଉଦ୍ଧାର କରି ସ୍ଥାନୀୟ ପୋଲିସକୁ ହସ୍ତାନ୍ତର କରିଥିଲା। ସମସ୍ତ ମୃତକଙ୍କୁ ଚିହ୍ନଟ କରାଯାଇଛି।