ନୂଆଦିଲ୍ଲୀ ୧୧।୦୪: ଅଣ୍ଡା ସେଲ୍ରେ ରହିବ ୨୬/୧୧ ମୁମ୍ବାଇ ଆକ୍ରମଣର ଅଭିଯୁକ୍ତ । କଣ ଏହି ଅଣ୍ଡା ସେଲ୍ ? ଏଥିରେ ରୁହନ୍ତି କେଉଁ ଅପରାଧୀ ? ଅନ୍ୟ ସେଲ୍ ଅପେକ୍ଷା ଏଥିରେ କଣ ରହିଛି ସ୍ବତନ୍ତ୍ର ? ଆସନ୍ତୁ ଜାଣିବା ଏହାର ଉତ୍ତର…
ତହୱୁର ରାଣାଙ୍କୁ ଗୁରୁବାର ଭାରତ ଅଣାଯାଇଛି । ସେ ତିହାର ଜେଲର ଅଣ୍ଡା ସେଲ୍ରେ ରହିଛନ୍ତି । କୁହାଯାଏ କି ଅଣ୍ଡା ସେଲ୍ କୌଣସି ବି ଜେଲ୍ର ସବୁଠାରୁ ସୁରକ୍ଷିତ ଅଂଶ । ଏହାର ଅଣ୍ଡା ଭଳି ଆକୃତି ଯୋଗୁଁ ଏହାକୁ ଅଣ୍ଡା ସେଲ୍ କୁହାଯାଏ । ଅଣ୍ଡା ସେଲ୍ରେ ସାଧାରଣତଃ ବଡ ବଡ ଅପରାଧ କରୁଥିବା ଖତରନାକ ଅଭିଯୁକ୍ତମାନଙ୍କୁ ରଖାଯାଏ।
ୟାକୁବ ମେନନ ଏବଂ ଅଫଜଲ ଅନସାରୀ ଏଥିରେ ରହି ସାରିଛନ୍ତି । ଅଣ୍ଡା ସେଲରେ ନଥାଏ ବିଦ୍ୟୁତ କନେକ୍ସନ୍ ନାହିଁ । ଏଠାରେ କଏଦୀ ଅନ୍ଧାରରେ ରୁହନ୍ତି । ସୁରକ୍ଷା ପାଇଁ ଏହାକୁ ବିଦ୍ୟୁତ ବାଡ଼ରେ ଦିଆଯାଇଥାଏ । ଅଣ୍ଡା ସେଲ୍ରେ ସୁବିଧା ନାମରେ କେବଳ ଗୋଟିଏ ବେଡ୍ ରହିଛି । ସୁରକ୍ଷା କର୍ମୀଙ୍କ ଏକ ଟିମ୍ କଏଦୀଙ୍କ ଉପରେ ନଜର ରଖେ ।
ଫୋନ୍ କଲ୍ ଏବଂ ସାକ୍ଷାତ ଉପରେ ମଧ୍ୟ ନଜର ରଖାଯାଏ। ସିସିଟିଭି ଲାଗିଥିବା ଏହି ସେଲ୍ଟି ବୋମା ପ୍ରତିରୋଧକ। ମୁମ୍ବାଇର ଆର୍ଥର ରୋଡ୍ ଜେଲରେ ଅଣ୍ଡା ସେଲ୍ ଭଳି ୮ଟି କୋଠରୀ ରହିଛି । ଯେଉଁଠାରେ ବିପଦପୂର୍ଣ୍ଣ କଏଦୀମାନଙ୍କୁ ରଖାଯାଇଛି।
ପୂର୍ବତନ ଏଡିଜି ସ୍ପେଶାଲ୍ ଅପରେସନ୍ସ ଏବଂ ମୁମ୍ବାଇ ପୋଲିସର ଯୁଗ୍ମ କମିଶନର ପିକେ ଜୈନ କୁହନ୍ତି, ତହବୁର ରାଣା ଭଳି ଅପରାଧୀଙ୍କୁ ଜେଲରେ ରଖିବା ଏକ ଚ୍ୟାଲେଞ୍ଜ । ସେଥିପାଇଁ ଅଣ୍ଡାକୁ ବଛା ଯାଇଥାଏ ।
